forecast for North Gujarat in next four days heavy rain in mehsana ap

Home /News /mehsana /આગામી ચાર દિવસમાં ઉત્તર ગુજરાતમાં ભારે વરસાદની આગાહી, મહેસાણામાં 3.5 ઇંચ વરસાદ

મહેસાણા માં ગાજ-વીજ સાથે ધોધમાર વરસાદ વરસ્યો

Mehsana news: મહેસાણા શહેરમાં 3.5 ઇંચ વરસાદ (heavy rain in mehsana) પડ્યો. અને એના કારણે મહેસાણા શહેરમાં ગોપીનાળુ (Gopinalu) અને ભમ્મરીયું નાળુ (bhammariyunalu) ભરાઈ ગયું છે.

News18 Gujarati
Last Updated : September 27, 2021, 20:59 IST

published by :Ankit Patel

મહેસાણાઃ ભારે વરસાદની આગાહી (heavy rain) કરવામાં આવી છે. ૨૭ અને ૨૮ સપ્ટેમ્બરે ગુજરાતમાં સાર્વત્રિક વરસાદ (rain forecast in Gujarat) રહેશે. મહેસાણા શહેર માં સવારથી વાદળછાયું વાતાવરણ છે અને વરસાદની શરૂઆત થઇ ગઇ છે. વરસાદને લઇ વાતાવરણમાં ઠંડક પ્રસરી ગઇ છે. વરસાદ વરસતા જ ખેડૂતોમાં ખુશીનો માહોલ છવાઇ ગયો છે. અને બાળકો પણ વરસાદ ની મજા લઇ રહ્યા છે. હાલ ચોમાસા ના કારણે ભારે વરસાદ થઇ રહ્યો છે. મહેસાણા શહેરમાં 3.5 ઇંચ વરસાદ પડ્યો. અને એના કારણે મહેસાણા શહેર માં ગોપીનાળુ અને ભમ્મરીયું નાળુ ભરાઈ ગયું છે.

ગોપીનાળા માં એક બાજું નો રસ્તો બ્લોક કરી નાખવામાં આવ્યો છે. રાહદારીઓ અને વાહનચાલકો ને આવવા જવા માં તકલીફ પડી રહી છે. એક બાજુ નો રસ્તો બ્લોક કરી નાખવાથી બીજી બાજું નો જ રસ્તો ચાલું હોવાથી આવવા અને જવા માટે એક જ રસ્તો ચાલું રાખવામાં આવ્યો છે જેના કારણે ટ્રાફિક ની સમસ્યા ઊભી થઇ રહી છે. કેટલીય સોસાયટીઓ અને નીચાણવાળા વિસ્તાર માં પણ પાણી ભરાઈ ગયું છે જેના કારણે લોકો ને બહાર નીકળવામાં મુશ્કેલી થઇ રહી છે.

મહેસાણા શહેર માં સવાર થી ગાજ વીજ સાથે ભારે વરસાદ થઈ રહયો છે જેના કારણે ઠેર ઠેર બધી જગ્યાઓ એ પાણી જ પાણી જોવા મળી રહ્યું છે. પાણી ભરાતા વાહનચાલકો ને ખૂબ જ મુશ્કેલી પડી રહી છે. વરસાદ ના કારણે વાહનો બંધ પડી રહ્યા છે. વરસાદી પાણી નાં કારણે ખાડા ન દેખાવાથી વાહનચાલકો અટવાઈ રહે છે. મોઢેરા ચોકડી પર ગટર લાઈન માટે ખોદાયેલા ખાડા ન પૂરાતાં વધુ તકલીફ જોવા મળી રહી છે. જે સમયસર ન પુરાતાં અકસ્માત નો પણ ભય રહે છે. ગોપીનાળા અને ભમ્મરીયા નાળા માં વરસાદી પાણી ભરાતા વાહન વ્યવહાર બંધ કરવામાં આવ્યો છે જ્યાં ૨૪ કલાક વાહનવ્યવહાર ચાલુ રહે છે.