Mehsana: જોટાણા યાર્ડમાં રોજની 300 બોરી રાયડાની આવક, ખેડૂતોને ખુશ કરતા ભાવ મળ્યાં

Rinku Thakor, Mehsana: આજે માર્કેટ ઉઘડતા ની સાથે રાયડા ની આવક શરૂ થઇ ગઇ હતી. સિઝન દરમિયાન એરંડા, મરચા, અજમો, રાયડાની થઈને કુલ 10,000 બોરી આવક થઇ છે. રાયડાની દરરોજ 300 બોરીની આવક થઇ રહી છે.તેમજ મણના 800 થી 1000 રૂપિયા ભાવ મળી રહી છે. જોકે હાલ ગત વર્ષ કરતા ઓછા ભાવ છે.

નવા રાયડાની શરૂઆત થઇ, વરસાદનાં કારણે ભાવ ઘટ્યા હતા

સમગ્ર ઉત્તર ગુજરાતમાં રવિ સિઝનનું મોટા પ્રમાણમાં વાવેતર કરવામાં આવ્યું હતું. જેમાં મહેસાણા જિલ્લામાં સૌથી વધુ વાવેતર રવિ સિઝનમાં રાયડાનું કરાયું હતુ. હાલ નવા રાયડાના પાકને લઈ ખેડૂતો માર્કેટયાર્ડમાં ખુલ્લા બજારમાં વેચવા આવી રહ્યા છે.



પરંતુ શરૂઆતમાં કમોસમી વરસાદે રાયડાના ભાવમાં ઘટાડો કર્યો હતો. પરંતુ હવે માર્કેટયાર્ડમાં રાયડાની આવકમાં વધારો થઈ રહ્યો છે.તેમજ ભાવમાં પણ વધારો થતાં ખેડૂતોમાં ખુશી જોવા મળી રહી છે.



ઉત્તર ગુજરાતમાં સૌથી વધુ રાયડાનું વાવેતર થાય છે

રોકડિયા પાક તરીકે ગણાતા રાયડાના પાકમાં ઓછી મૂડી વધુ ફાયદો થતો હોય છે. જેથી છેલ્લા કેટલાક વર્ષથી રાયડાની ખેતી તરફ ખેડૂતો વળ્યા છે.સારું ઉત્પાદન મેળવી રહ્યા છે.



મહેસાણા જિલ્લામાં ખેડૂતો દ્વારા દર વર્ષે મોટા પ્રમાણમાં રાયડાનું વાવેતર કરવામાં આવે છે. ઉત્તર ગુજરાતનું હવામાન પણ રાયડાની ખેતી માટે ખૂબ જ અનુકૂળ રહેતું હોવાથી ઉત્તર ગુજરાતમાં સૌથી વધુ રાયડાનું વાવેતર થાય છે.



ગત વર્ષે રાયડાના 1100 રૂપિયા સુધી ભાવ રહ્યા હતા

મહેસાણા જિલ્લા સહિત જોટાણા તાલુકામાં પણ ગત વર્ષે રાયડાનું સારા પ્રમાણમાં વાવેતર થયું હતું અને.ગત વર્ષે રાયડાના ભાવની વાત કરવામાં આવે તો ખેડૂતોને 1000થી 1100 રૂપિયાનો ભાવ મળ્યા હતા. ચાલુ વર્ષે જોટાણા માર્કેટયાર્ડમાં રાયડાની હરાજી શરૂ કરવામાં આવી છે.



અત્યાર દરરોજની 200 થી 300 બોરીની આવક થઈ રહી છે.અત્યાર સુધીમાં 4900 થી 5000 બોરીની આવક નોંધાઈ છે.અત્યારે મણના 800 થી 1000 રૂપિયાનો ભાવ નોંધાયો છે.એટલે ખેડૂતોને સારો એવો ફાયદો થઈ રહ્યો છે.તેમ જોટાણા માર્કેટ યાર્ડના ચેરમેન નિતીનભાઇ પટેલે જણાવ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat farmer, Local 18, Mahesana, Market yard