Mehsana: રજવાડી ઠાઠનો ગોલો તમારૂં મન મોહી લેશે, આટલી બધી વેરાયટી એકજ ગોલામાં તમે ખાધી નહીં હોય, જુઓ VIDEO

Rinku Thakor, Mehsana: ઉનાળાની ઋતુ શરૂ થાય એટલે શહેરના વિવિધ વિસ્તારોમાં આપણને ગોલા ડીશના સ્ટોલ જોવા મળે છે. પરંતુ  કહેવાય છે ને જ્યાં ટેસ્ટ મળે ત્યાં જ લોકો  ડીશ ગોલા ખાવા જાય છે. ત્યારે આજે આપણે મહેસાણા જિલ્લામાં  આવેલા ચિરાગ પ્લાઝા ખાતે  ફેમસ રજવાડી આઈસ ડીશ શોપ આવેલી છે. જ્યા ગોલા ખાવા લોકોની લાઈનો લાગે છે. અહીં 50 રૂપિયાથી લઈ 600 રૂપિયા સુધીના ગોલા મળે છે.

મહેસાણા જિલ્લામાં આવેલી રજવાડી આઈસ ડીશ શોપ પર મળતો જમ્બો ફેમિલી ગોળાની લોકોમાં ખૂબ જ માંગ છે. આ રજવાડી ગોલા ખાવા લોકો દૂર-દૂરથી આવે છે. અહીં સામાન્ય ગોલો માત્ર 30-40 રૂપિયામાં મળી રહે છે. જ્યારે ખાસ રજવાડી ગોલો 600 રૂપિયાનો મળે છે.



600 રૂપિયાની આઈસ ડીશની આ છે ખાસિયત

રજવાડી શોપ પર 600 રૂપિયાની આઈસ ડીશ મળે છે જેની ખાસિયત એ છે કે એમાં 6 સ્કૂપ વેનીલા આઈસ્ક્રીમ આવે છે, ડ્રાય ફ્રુટ , ચોકલેટ તેમજ ચોકો વેફર આવે છે, બીજી રજવાડી ડીશ 150 રૂપિયાની છે.



જેમાં ક્રીમ ,આઈસ્ક્રીમ ,તૂટી ફ્રુટી વેફર આવે છે. જે લોકોને ખૂબ ગમી રહી છે .અહી લોકોની સારી એવી ભીડ જોવા મળે છે. તમે અહીંથી ડીશ ગોલો પેક પણ કરાવીને લઈ જઈ શકો છો.





ગોલામાં આટલી વેરાયટી ઉપલ્બધ

ચોકો ચિપ્સ આઈસ્ક્રીમ ,ચોકલેટ ડ્રાઈકૂટ આઈસ્ક્રીમ પીસ્તા મલાઈ ડીશ , આઈસ્ક્રીમ ડીશ ,અમેરિકન ડ્રાયફ્રુટ આઈસ્ક્રીમ ,લીચી ડીશ આઈસ્ક્રીમ, રાજ ભોગ ડીશ આઈસ્ક્રીમ ચોકો ડીશ આઈસ્ક્રીમ,મલ્ટી ડીશ આઈસ્ક્રીમ ફૂટ ડીશ



આઈસ્ક્રીમ ડિસ્કો ચોકલેટ ડીશ ,આઈસ્ક્રીમ કેડબરી ડીશ ,આઈસ્ક્રીમ માવા મલાઈ ડીશ આઈસ્ક્રીમ ઓરીયો ડ્રાઈટ ડીસ આઈસ્ક્રીમ ,હાફ રજવાડી આઈસ્ક્રીમ રજવાડી ફુલ ડીશ , આઈસ્ક્રીમ ફેમિલી પેક આઈસ્ક્રીમ.



સીઝનનો 100 કિલો બરફ વપરાઈ જાય છે

રજવાડી આઈસ ડીશનાં માલિક દીપ ભાઈ ચૌધરી જણાવે છે કે તેઓ અહીં 2 વર્ષ થી ડીશ ગોલાની શોપ ચલાવી રહ્યા છે. જેમાં સીઝનમાં સારી ભીડ જામે છે. લોકો અહીં 50થી લઇને 600 રૂપિયા સુધીની બરફ ડીશ ખાય છે. સીઝનમાં 100 કિલો બરફ વપરાઈ જાય છે. અમે રોજની 200થી 300 ડીશનું વેચાણ કરી લઈએ છીએ.અમારા બરફની ખાસ વાત એ છે કે તે બરફ મિનરલ વોટર માંથી બનાવવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Local 18, Mahesana