Home /News /madhya-gujarat /Vadodara News: વડોદરા: પત્નીએ આધેડ વેપારી પતિને 23 વર્ષની ગર્લફ્રેન્ડ સાથે રંગેહાથ ઝડપ્યો અને થઈ જોવા જેવી

Vadodara News: વડોદરા: પત્નીએ આધેડ વેપારી પતિને 23 વર્ષની ગર્લફ્રેન્ડ સાથે રંગેહાથ ઝડપ્યો અને થઈ જોવા જેવી

પ્રતીકાત્મક તસવીર (Shutterstock)

આધેડ અને યુવતીના સંબંધો અંગે શંકા હોવાથી પત્ની અને પુત્રીએ વાળ પકડીને યુવતીને માર માર્યો હતો.

    વડોદરા: શહેરના વાઘોડિયા રોડ પરનો એક ગજબ કિસ્સો સામે આવ્યો છે. જેમાં આધેડ તેની કહેવાતી ગર્લફ્રન્ડને મળવા તેના ઘરે ગયો હતો. આ દરમિયાન આધેડની પત્ની, દીકરી અને બનેવી તેમની પાછળ યુવતીના ઘરે પહોંચ્યા હતા. જે બાદ પત્ની અને દીકરીએ યુવતીના વાળ પકડીને માર માર્યો હતો. આ અંગે યુવતીએ આ લોકો સામે માર મારવાની અને 50 હજાર રોકડા સામાનની લૂંટની ફરિયાદ બાપોદ પોલીસ મથકે નોંધાવી છે.

    મળતી માહિતી પ્રમાણે, 23 વર્ષની યુવતી શહેરના આજવા રોડ પર રહેતી મુંબઇમાં આઇટીનો અભ્યાસ કરે છે. આ યુવતી શહેરના વાઘોડિયા રોડ પર રહે છે. દેડિયાપાડાનો આધેડ વેપારી અને યુવતીને મિત્રતા હતી. તેઓ અવારનવાર મળતા પણ હતા. બીજી તરફ વેપારીના પરિવારને આ બંનેના સંબંધો પર શંકા હતી. વેપારી 26 ઓક્ટોબરના રોજ યુવતીના ઘેર દશેક વાગ્યાની આસપાસ પહોંચ્યો હતો. જ્યાં મળવા આવેલા મિત્રની તબિયત બરાબર ન લાગતાં તેને હોસ્પિટલ જવા યુવતી તૈયાર થઇ હતી. દરમિયાન ફ્લેટના ગેટ નીચે આધેડની પત્ની, પુત્રી અને બનેવી આવી પહોંચ્યાં હતાં.

    આ પણ વાંચો: વડોદરાના પરિવારની આપવીતી

    આધેડ અને યુવતીના સંબંધો અંગે શંકા હોવાથી પત્ની અને પુત્રીએ વાળ પકડીને યુવતીને માર માર્યો હતો. જ્યારે પત્નીના બનેવી અને તેમની સાથે આવેલા વ્યક્તિએ પણ માર માર્યો હતો. જ્યારે આધેડની દીકરીએ યુવતીનું પર્સ ઝૂંટવી તેમાંથી રોકડા 50 હજાર રૂપિયા, મોબાઈલ અને વિવિધ કાર્ડ લઇ લીધાં હતાં.

    આ પણ વાંચો: 7 વર્ષથી એક બાપ પિંખતો હતો દીકરીનો દેહ

    યુવતીને પહેલાં સયાજી હોસ્પિટલ, ત્યારબાદ ખાનગી હોસ્પિટલમાં સારવાર માટે ખસેડવામાં આવી હતી. આ કિસ્સો વિસ્તારમાં ચર્ચાનો વિષય બન્યો છે.



    આ અંગે બાપોદ પોલીસે ફરિયાદ દાખલ કરીને વધુ તપાસ હાથ ધરી છે.
    Published by:Kaushal Pancholi
    First published:

    Tags: Husband and Wife, ગુજરાત, વડોદરા સમાચાર

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन