વડોદરાઃ તલાટીની બેદરકારી, જન્મના બદલે આપ્યો મરણનો દાખલો

News18 Gujarati
Updated: December 21, 2018, 3:56 PM IST
વડોદરાઃ તલાટીની બેદરકારી, જન્મના બદલે આપ્યો મરણનો દાખલો
જન્મ અને મરણનો દાખલો

રાભીપુરાના તલાટી કમ મંત્રીએ અઢી વર્ષની મામુમના જન્મના દાખલાને બદલે મરણનો દાખલો આપી દેતા હોબાળો મચ્યો હતો.

  • Share this:
વડોદરા શહેરથી 22 કિલોમીટર દૂર રાભીપુરાના તલાટી કમ મંત્રીએ અઢી વર્ષની મામુમના જન્મના દાખલાને બદલે મરણનો દાખલો આપી દેતા હોબાળો મચ્યો હતો. ઘટના સંદર્ભે રજૂઆત થતા ઘોર બેદરકારી દાખવનાર તલાટી કમ મંત્રીને નોટીસ પાઠવી ખુલાસો પૂછી શિક્ષાત્મક પગલા ભરશે.

આલમગીર-રાભીપુરા જુથ ગ્રામ પંચાયતના તલાટી કમ મંત્રી એન.સી. પટેલે ઘોર નિષ્કાળજી દાખવી અઢી વર્ષની માસુમ બાળકી શક્તિ માટે જન્મનો દાખલો આપવાને બદલે તેના પિતા મિથિલ ઉર્ફે રંગો સી પટેલને મરણનો દાખલો પકડાવી દીધો હતો. ઘટનાના પગલે ભારે હોબાળો થયો હતો.

તલાટી કમ મંત્રી સામે શિક્ષાત્મક પગલા ભરવા માટે બાળકીના દાદાએ તાલુકા વિકાસ અધિકારી હિતેન્દ્ર સી પટેલને રજૂઆત કરી હતી. ઘટના સંદર્ભે ટી.ડી.ઓ.એ જણાવ્યું હતું કે, તલાટી કમ મંત્રીને અંગ્રેજી ભાષાનું પુરતું જ્ઞાન ન હોવાના લીધે સમજ ફેર થતા ગંભીર પ્રકારની ક્ષતિ સર્જાઇ હતી. અલબત્ત ઘટના સંદર્ભે હજી સુધી મૌખિક રજૂઆત જ કરાઇ છે.

આ પણ વાંચોઃ-વડોદરાઃ બ્યુટી પાર્લરનું કામ કરવાના બહાને કારમાં ત્રણ યુવકોનો પરીણિતા ઉપર દુષ્કર્મનો પ્રયાસ

ઉલ્લેખનીય છે કે, શહેર નજીકના રાભીપુરા ગામે રહેતા મિથિલ પટેલ પોતાની અઢી વર્ષની બાળકી શક્તિને અંગ્રેજી માધ્યમમાં ભણાવવા ઇચ્છતા હતા. જેથી અંગ્રેજી ભાષામાં લખેલો જન્મનો દાખલો લેવા ગ્રામ પંચાયતની કચેરીમાં ગયા હતા. જ્યાં સરકારી તંત્રની તુમારશાહીને પગલે કોઇ વ્યક્તિએ અંગ્રેજીમાં પ્રીન્ટ કરેલો દાખલો ભરી આપી સિક્કા મારી આપ્યા હતા. જેને ચકાસ્યા વગર જ તલાટી કમ મંત્રીએ સહી કરી બાળકીના પિતાને ભલતો દાખલો પકડાવી દીધો હોવાનું જાણવા મળ્યું હતું.

 
First published: December 21, 2018
વધુ વાંચો
अगली ख़बर