Home /News /madhya-gujarat /વડોદરાના દંપતિએ આઠ દિવસની બાળકીની ઓનલાઇન ખરીદી કરી, ડિલિવરી સમયે થયું આવું!

વડોદરાના દંપતિએ આઠ દિવસની બાળકીની ઓનલાઇન ખરીદી કરી, ડિલિવરી સમયે થયું આવું!

વડોદરા પોલીસે આંતરરાજ્ય બાળ તસ્કરી કૌભાંડનો પર્દાફાશ કર્યો

Vadodara Crime News: કેવી રીતે માત્ર 8 દિવસની બાળકીને આરોપીઓ દિલ્હીથી વડોદરા વેચવા આવ્યા હતા

    અંકિત ઘોનસીકર, વડોદરા: વડોદરા સહિત દેશભરમાં બાળકોના તસ્કરીનો કાળો કારોબાર ચાલી રહ્યો છે, ત્યારે વડોદરા પોલીસે આંતરરાજ્ય બાળ તસ્કરી કૌભાંડનો પર્દાફાશ કર્યો છે. કેવી રીતે માત્ર 8 દિવસની બાળકીને આરોપીઓ દિલ્હીથી વડોદરા વેચવા આવ્યા હતા.

    વડોદરા પોલીસના ડીસીપી ઝોન 2 અભય સોનીને બાતમી મળી કે, દિલ્હીથી દુરંતો એકસપ્રેસ ટ્રેનમાં એક મહિલા અને તેનો ભત્રીજો 8 દિવસની બાળકીને વેચવા વડોદરા આવી રહ્યા છે. જેના આધારે LCB ઝોન 1ની ટીમ સાથે રાવપુરા પોલીસની સી ટીમ અને ચાઈલ્ડ હેલ્પ લાઈન 1098ના સ્ટાફે પ્લેટફોર્મ નંબર 1 પર વોચ ગોઠવી હતી. દિલ્હીથી વડોદરા દુરંતો એકસપ્રેસ ટ્રેન પહોંચતા જ તેમાંથી મહિલા અને તેનો ભત્રીજો બાળકીને લઈ ઉતર્યા હતા. જ્યાં વડોદરાના સલાટવાડામાં રહેતું દંપતી બાળકીને ખરીદવા માટે આવ્યું હતું. પોલીસે તમામ લોકોને કોર્ડન કરી ઝડપી લીધા હતા.

    દિલ્હીથી બાળકીને વડોદરા વેચવા આવનાર મહિલા અને યુવકની પોલીસે કડકાઈથી પૂછપરછ કરતાં બંનેએ સમગ્ર હકીકત વર્ણવી હતી. આરોપી મહિલા પુજા હરીશંકર અને દીપકકુમારે કહ્યું કે, દિલ્હીની પ્રિયંકા અને તેની માતાએ બાળકીનો વડોદરાના દંપતી સોમા વેરા અને સૌરભ વેરા સાથે 2.50 લાખમાં સોદો કર્યો હતો. જેમાંથી બાળકી ખરીદનાર દંપતીએ આરોપીઓને 1.80 લાખ રૂપિયા પણ આપી દીધા હતા, જે પોલીસે રીકવર કર્યા.

    આ પણ વાંચો: કચરાપેટીમાંથી બાળક રડતો હોવાનો અવાજ આવ્યો ને...

    મહત્વની વાત છે કે, આંતરરાજ્ય બાળ તસ્કરી કૌભાંડના તાર દિલ્હી સુધી જોડાયેલા છે. જેથી પોલીસની તપાસ હવે દિલ્હી સુધી લંબાઈ છે. બાળકીનો જન્મ પંજાબના ફિરોઝપુરમાં થયો છે, બાળકીનું નામ સિમરન રાની છે, તેના પિતા મિથુન સિંઘ છે, ત્યારે પોલીસે તેના માતા પિતાનો પણ સંપર્ક સાધ્યો છે. હાલમાં પોલીસે દિલ્હીથી બાળકી વેચવા આવેલા પુજા હરીશંકર અને તેના ભત્રીજા દીપકકુમારની ધરપકડ કરી છે, જ્યારે બાળકી ખરીદવા આવેલ દંપતી સોમા વેરા અને સૌરભ વેરાની પૂછપરછ કરવામાં આવી રહી છે.

    8 દિવસની માસૂમને દિલ્હીથી વડોદરા વેચવા લાવેલી આરોપી પૂજા પોલીસ સ્ટેશનમાં મગરના આંસુ સારી રહી હતી. સાથે જ પોતે નિર્દોષ હોવાની વાત કરી રહી હતી. આ ઉપરાંત પોતાની ભૂલ થઈ ગઈ તેવી વાત જણાવી રહી હતી.

    વડોદરાના દંપતીએ બાળકીની ન્યુ બેબી એડોપશન વેબસાઈટ પર જઈ ઓનલાઇન ખરીદી કરી હોવાનું પોલીસ તપાસમાં સામે આવ્યું છે. પોલીસ અધિકારીએ કહ્યું કે, બાળક એડોપશન માટે ભારત સરકારની CARA ( કારા ) એજન્સી જ સત્તાવાર છે, અન્ય કોઈપણ એજન્સી પાસેથી બાળકોની ખરીદી કરવા ગેરકાયદેસર છે. હાલમાં આંતરરાજ્ય બાળ તસ્કરી કૌભાંડની તપાસ મહિલા પોલીસ સ્ટેશનના એસીપી અને મિસીંગ સેલના મહિલા PIને સોંપવામાં આવી છે, ત્યારે જો પોલીસ ઉંડાણપૂર્વક તપાસ કરે તો દેશભરમાં ચાલતા મોટા તસ્કરી કૌભાંડનો પર્દાફાશ થઈ શકે છે.
    Published by:Azhar Patangwala
    First published:

    Tags: Crime news, Gujarat News, Vadodra News

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन