Home /News /madhya-gujarat /

Vadodara: શહેર અને જિલ્લામાં કોરોનાની સંભવિત ત્રીજી લહેર સામે આરોગ્ય તંત્રની પૂર્વ તૈયારીઓ 

Vadodara: શહેર અને જિલ્લામાં કોરોનાની સંભવિત ત્રીજી લહેર સામે આરોગ્ય તંત્રની પૂર્વ તૈયારીઓ 

કોરોનાની સંભવિત ત્રીજી લહેરના અનુસંધાને જિલ્લા કલેકટર આર.બી.બારડે સમીક્ષા કરી...

શહેરની સયાજી હોસ્પિટલની પૂર્વ તૈયારીઓ અને સુસજ્જતાની સમીક્ષા કરી હતી તથા તમામ તંત્રો અને સુવિધાઓ તેમજ જરૂરિયાતોને વણી લેતો અહેવાલ સંકલિત રીતે તૈયાર કરવા સૂચના આપી હતી.

    વડોદરા: કોરોનાની સંભવિત ત્રીજી લહેરના અનુસંધાને જિલ્લા કલેકટર આર. બી. બારડ અને જિલ્લા વિકાસ અધિકારી ડો. રાજેન્દ્ર પટેલે શહેર આરોગ્ય તંત્ર, જિલ્લા આરોગ્ય તંત્ર અને ગોત્રી તેમજ મધ્ય ગુજરાતની સૌથી મોટી વડોદરા શહેરની સયાજી હોસ્પિટલની પૂર્વ તૈયારીઓ અને સુસજ્જતાની સમીક્ષા કરી હતી તથા તમામ તંત્રો અને સુવિધાઓ તેમજ જરૂરિયાતોને વણી લેતો અહેવાલ સંકલિત રીતે તૈયાર કરવા સૂચના આપી હતી. બંને અધિકારીઓએ સયાજી હોસ્પિટલ ખાતે બેઠક યોજીને પરિસ્થિતિ અને સજ્જતાઓની વિગતવાર સમીક્ષા કરી હતી.

    આ બેઠકમાં વડોદરા મ્યુનિસીપલ કોર્પોરેશનના આરોગ્ય અમલદાર ડો. દેવેશ પટેલ, મુખ્ય જિલ્લા આરોગ્ય અધિકારી ડો. સુરેન્દ્ર જૈન, સયાજી હોસ્પિટલના તબીબી અધિક્ષક ડો. રંજન કૃષ્ણ ઐયર, ગોત્રી હોસ્પિટલના તબીબી અધિક્ષક ડો. વિશાલા, વિવિધ વિભાગોના વડાઓ, વહીવટી નોડલ અધિકારી ડો. બેલીમ ઓ. બી. સહિત વરિષ્ઠ તબીબો ઉપસ્થિત રહીને પોતાના વિભાગોની સજ્જતાની રૂપરેખા આપી હતી. તેના અનુસંધાને વર્તમાન સ્થિતિ અને જરૂરિયાતોનો સંકલિત અહેવાલ તૈયાર કરવા સૂચના આપવામાં આવી હતી.

    આ પણ વાંચો: મોગલ અને સોનલ માતાના સોગંદ ખાઈને કહું છું કે મેં ક્યારેય દારૂ નથી પીધો: ઇસુદાન ગઢવી

    વધુ જાણકારી આપતાં મુખ્ય જિલ્લા આરોગ્ય અધિકારી ડો. સુરેન્દ્ર જૈને જણાવ્યું કે, બેઠકમાં ઓક્સિજન બેડ, વેન્ટિલેટર બેડની સંખ્યા, કાર્યરત હાલત, ઉપલબ્ધ તબીબી સાધન અને ઉપકરણો, જરૂરિયાત સહિતની બાબતોનો સર્વગ્રાહી પરામર્શ કરવામાં આવ્યો હતો.

    આ પણ વાંચો: કપડાં બદલતી પત્નીને જોતા પાડોશીઓને પતિએ આપ્યો ઠપકો, યુવાનોએ કરી નાંખી હત્યા

    વહીવટી નોડલ અધિકારી ડો. બેલીમ ઓ. બી. એ જણાવ્યું કે, બેઠકમાં મેડિકલ તેમજ અન્ય સહાયક મેન પાવરની પરિસ્થિતિ અને જરૂરિયાત, મેડિકલ ઇકવિપમેન્ટ, લોજિસ્ટિક વિષયક જરૂરિયાતો, બાળકો સંક્રમિત થાય તો તેમની સારવાર માટેની વ્યવસ્થાઓ, સમરસ હોસ્ટેલ ખાતે સેટેલાઇટ હોસ્પિટલ માટેની સજ્જતા જેવી બાબતોનો પરામર્શ કરવામાં આવ્યો હતો. વર્ષ 2022માં જો કોરોનની ત્રીજી લહેર આવે કે ના, પણ વડોદરા શહેરનું આરોગ્ય તંત્ર પહેલી જ સજ્જ થઈ ગયુ છે.
    Published by:kuldipsinh barot
    First published:

    Tags: Third wave, Vadoadara, કોરોના, વડોદરા

    આગામી સમાચાર