Vadodara: બાળકોના રસીકરણ અભિયાન શરૂઆત, આ સ્થળે મળી જશે સરળતાથી વેક્સિન

વડોદરા: જિલ્લા વિકાસ અધિકારી ડો.રાજેન્દ્ર પટેલે વડોદરામાં તથા ગ્રામ વિસ્તારોમાં તરુણોને કોરોનાની રસી મૂકવાના આરોગ્ય અભિયાનનો પ્રારંભ કરાવ્યો હતો. તેમણે વાલીઓને તા. 31/12/2007 પહેલાં જન્મેલા અને 15 થી 18 વર્ષની ઉંમરના સંતાનોને નજીકના કેન્દ્ર ખાતે રસી અપાવવા અનુરોધ કર્યો હતો. તેમણે જણાવ્યું કે કોરોના સામે સુરક્ષા કવચ ઉભુ કરવામાં તરુણોના રસીકરણની વ્યવસ્થા એક આગવું સોપાન છે.

આ પ્રસંગે મુખ્ય જિલ્લા આરોગ્ય અધિકારી ડો. સુરેન્દ્ર જૈન અને અધિક જિલ્લા આરોગ્ય અધિકારી ડો.ઉદય તેમની સાથે રહ્યાં હતા. વડોદરા જિલ્લામાં સર્વે ને આધારે ઉપરોક્ત વય જૂથના અંદાજે 69 હજાર તરુણોને કોરોના રસી આપવા શાળાઓ અને સરકારી દવાખાનાઓમાં અંદાજે 203 જેટલા કેન્દ્રો રાખવામાં આવ્યા છે. રાજ્ય સરકારે કોવેક્સિન રસીનો જથ્થો ઉપલબ્ધ કરાવ્યો છે. આ અભિયાનના ભાગરૂપે મહા રસીકરણ ઝુંબેશ અને સંધ્યા રસીકરણ સત્રો યોજવામાં આવ્યા છે. આ અભિયાનમાં શિક્ષણ વિભાગ અને શિક્ષણ સંસ્થાઓનો સહયોગ મળ્યો છે.

આ પણ વાંચો: મોગલ અને સોનલ માતાના સોગંદ ખાઈને કહું છું કે મેં ક્યારેય દારૂ નથી પીધો: ઇસુદાન ગઢવી

વડોદરામાં આજથી 15 થી 18 વર્ષના કિશોરોનું રસીકરણ શરૂ થયું છે. શહેરમાં 79 રસીકરણ કેન્દ્રો પર રસીકરણ હાથ ધરવામાં આવ્યું છે. કોરોના વેક્સિનેશનનો વિદ્યાર્થીઓમાં ભારે ઉત્સાહ જોવા મળી રહ્યો છે. વડોદરામાં અત્યાર સુધીમાં 1000 વિદ્યાર્થીઓનું વેક્સિનેશન થયું છે. વડોદરા શહેરમાં અંદાજે દોઢ લાખ જેટલા કિશોરોને રસી આપવામાં આવશે.

આ પણ વાંચો; કપડાં બદલતી પત્નીને જોતા પાડોશીઓને પતિએ આપ્યો ઠપકો, યુવાનોએ કરી નાંખી હત્યા

જિલ્લા પંચાયત પ્રમુખ, કરજણના ધારાસભ્ય,જિલ્લા પંચાયતની આરોગ્ય સમિતિના અધ્યક્ષ સહિત મહાનુભાવો એ વિવિધ રસીકરણ સ્થળોની મુલાકાત લઈને તરુણો અને વાલીઓને પ્રોત્સાહિત કર્યાં હતાં.


કઈ કઈ સ્કૂલમાં રસીકરણ થશે ???

1. બાપોદ : શિવમ સ્કૂલ , વંદના સ્કૂલ
2. હરણી : ઊર્મિ સ્કૂલ
3. કિશનવાડી : વિદ્યામંદિર, ગુરુકુળ સ્કૂલ , ગણેશ વિદ્યાલય
4. પાણીગેટ : સયાજી બોયઝ સ્કૂલ
5. રામદેવનગર : એસડી પટેલ સ્કૂલ , માય શાનેન સ્કૂલ
6. સવાદ : બાલ ભારતી સ્કૂલ · સુદામાપુરી : સરદાર વલ્લભભાઈ સ્કૂલ , શ્રી વલ્લભ સ્કૂલ , મહર્ષિ વિદ્યાલય
7 વારસિયા : નારાયણ વિદ્યાલય · દંતેશ્વર : સરસ્વતી વિદ્યાલય , બરોડા સ્કૂલ
8. ગાજરાવાડી : શ્રી સ્વામી વિવેકાનંદ સ્કૂલ
9. કપુરાઈ : નારાયણ વિદ્યાલય , શ્રી અંબે વિદ્યાલય
10. માણેજા : શાંતિનિકેતન વિદ્યાલય , શારદા સ્કૂલ ·
11. માંજલપુર : ઓક્સિલિયમ સ્કૂલ , સ્વામી વિવેકાનંદ , શિવમ સ્કૂલ
12. તરસાલી : ભવન્સ સ્કૂલ , ન્યુઇરા સ્કૂલ , ગુરુકુળ સ્કૂલ
13. વડસર : અંબે સ્કૂલ , શરદ કન્યા સ્કૂલ
14. યમુનામિલ : બીપીએસ સ્કૂલ , એસએસવી સ્કૂલ
15. સમા : એમજીએમ સ્કૂલ , આદર્શ હિન્દી વિદ્યાલય
16. નવાપુરા : ગીતામંદિર સ્કૂલ , મહારાણી ગુજરાતી
17. નવાયાર્ડ : ન્યૂ એરા સ્કૂલ સમા , રોશન મેમોરિયલ
18. છાણી : ગુજરાત પબ્લિક સ્કૂલ શિયાબાગ : નવજીવન સ્કૂલ
19. ફતેપુરા : સર્વમંગલ સ્કૂલ · એકતાનગર : સરસ્વતી વિદ્યાલય નવી ધરતી : શ્રી કૃષ્ણ હિન્દી વિદ્યાલય , આર્ય કન્યા
20. અકોટા : સયાજી સ્કૂલ , વિદ્યા કુંજ , એસ એસ પટેલ
21. અટલાદરા : ગુજરાત પબ્લિક , ટ્રી હાઉસ
22. દિવાળીપુરા : એસટી કબીર , મધર સ્કૂલ , ક્રિષ્ના સ્કૂલ
23. ગોત્રી : વિદ્યા મંદિર , બેન્જામિન વર્લ્ડ સ્કૂલ
24. ગોકુલનગર : ગાયત્રી વિદ્યાલય , શાનેન વર્લ્ડ , રામેશ્વર
25. ગોરવા : સીકે પ્રજાપતિ , એલેમ્બિક , એસટી મેરરી
26. જેતલપુર : બરોડા સ્કૂલ , વિઠ્ઠલ વિદ્યાલય
27. સુભાનપુરા : તેજસ સ્કૂલ , આનંદ વિદ્યા વિહાર
29.તાંદલજા : MES સ્કૂલ , રામેશ્વર વિદ્યાલય , બેસિલ , ફૈઝ સ્કૂલ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Corona Vaccination, Vadoadara, વડોદરા