"Project second inning" આ વાત છે 517 નિવૃત્ત શિક્ષકો અને જ્ઞાનના દાનની

આજે ગુરુપૂર્ણિમા છે. ત્યારે આજે વાત કરીશું તેવા 517 નિવૃત્ત શિક્ષકોની જે નિવૃત્તિ પછી પણ જરૂરીયાતમંદ બાળકોને આપે છે જ્ઞાનનું દાન. આ તમામ નિવૃત્ત શિક્ષકોએ પોતાને નીતિ આયોગના "પ્રોજેક્ટ સેકન્ડ ઇનિંગ" સાથે પોતાને જોડ્યા છે. નીતિ આયોગના આ પ્રોજેક્ટને 2018માં શરૂ કરવામાં આવ્યો હતો. જેનો મુખ્ય ઉદ્દેશ સરકારી પ્રાથમિક અને ઉચ્ચ પ્રાથમિક શાળાના તે વિદ્યાર્થીઓને ભણવાનું હતું, જેમને લખવા-વાંચવામાં મુશ્કેલી થતી હોય. સાથે અંગ્રેજીથી લઇને ગણિત જેવા વિષયોમાં જે વિદ્યાર્થીઓને વધુ મહેનતની જરૂર હોય તેને આ નિવૃત્ત શિક્ષકો ભણાવે છે.

ઇન્ડિયન એક્સપ્રેસમાં છપાયેલી જાણકારી મુજબ દેશભરના 117 જિલ્લાઓની નીતિ આયોગ દ્વારા આ પ્રોજેક્ટ માટે પસંદગી કરવામાં આવી છે. જેમાં વડોદરાના દાહોદનો પણ સમાવેશ થાય છે. આ પ્રોજેક્ટ હેઠળ દાહોદના વાડેલા ગામની પ્રાથમિક શાળામાં ભણતા સૂર્યા જેવા બાળકોને મોટી મદદ મળી છે. સૂર્યા હવે આરામથી પોતાનું નામ અંગ્રેજીમાં લખી શકે છે. સાથે જ અંગ્રેજી વાંચી પણ શકે છે. સૂર્યાના માતા પિતા મજૂરી કરીને કમાય છે અને પાંચમા ધોરણમાં આવ્યા છતાં તેને અંગ્રેજીમાં લખતા વાંચતા ખૂબ જ મુશ્કેલી થતી હતી.

ત્યારે પ્રોજેક્ટ સેકન્ડ ઇનિંગ દ્રારા 59 વર્ષીય નિવૃત્ત લક્ષમ્ણ ચૌહાણે તેને ભણાવાની શરૂઆત કરી. અને આજે સૂર્યા અંગ્રેજી કટકડાટ વાંચે છે. આ પ્રોજેક્ટથી જ્યાં શિક્ષકોને પણ નિવૃત્તિ પછી પોતાની સમય શિક્ષણ સેવામાં નીકાળવાનો સમય મળે છે ત્યાં જ સામે પક્ષે બાળકોને આવા શિક્ષકો પાસેથી ધણું શીખવા મળે છે. જે ખરેખરમાં સરાહનીય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Niti Aayog, ગુજરાત, વડોદરા