Home /News /madhya-gujarat /

ટ્રાફિક નિયમોની સકારાત્મક અસર, વડોદરામાં PUC માટે વાહન ચાલકોની લાંબી લાઇનો

ટ્રાફિક નિયમોની સકારાત્મક અસર, વડોદરામાં PUC માટે વાહન ચાલકોની લાંબી લાઇનો

PUC માટે લાઇનોમાં ઊભેલા વાહન ચાલકો

વાહનચાલકો તેમના વાહનોના પીયુસી પ્રમાણપત્ર મેળવી રહ્યા હતા. જેથી આગામી 16મી સપ્ટેમ્બરથી રાજ્યમાં લાગુ ટ્રાફિકના નિયમો અને દંડ સાથે કાયદેસરની કાર્યવાહીથી બચી શકાય

    ફરીદખાન, વડોદરાઃ કેન્દ્રીય ટ્રાન્સપોર્ટ મંત્રાલય મોટર વ્હિકલ એક્ટના સુઘારા સાથેના નિયમો અને દંડની રકમ જાહેરાત કરવામાં આવી છે. આ અંગે રાજ્ય સરકારે (Gujarat Government) સમીક્ષા કર્યા બાદ રાજ્યમાં ટ્રાફિકના નિયમોના (traffic rules) ભંગ બદલ દંડાત્મક કાર્યવાહીની જાહેરાતના પગલે વાહન ચાલકો દંડ અને કાર્યવાહીથી બચવા સતર્ક થઇ ગયા છે. લાઇસન્સ, વીમો, આરસી બુક સહિત પીયુસી પ્રમાણપત્ર (RC book, PUC, driving licence, insurance policy)પણ વાહન ચાલકે મેળવી સાથે રાખવું જરૂરી છે. ત્યારે આજે વડોદરામાં (vadodara) પીયુસી સેન્ટરો પર વાહનચાલકોની લાંબી કતારો જોવા મળી હતી.

    વાહનચાલકો તેમના વાહનોના પીયુસી પ્રમાણપત્ર મેળવી રહ્યા હતા. જેથી આગામી 16મી સપ્ટેમ્બરથી રાજ્યમાં લાગુ ટ્રાફિકના નિયમો અને દંડ સાથે કાયદેસરની કાર્યવાહીથી બચી શકાય. હાલ લાહનચાલકો પીયુસી પ્રમાણપત્ર મેળવી સાથે રાખવું એ નિયમને હળવાશથી લેતા હતા. પરંતુ 16મી સપ્ટેમ્બરથી રાજ્યમાં નવા ટ્રાફિક નિયમોનો કડકાઇથી અમલ કરવામાં આવશે. જો વાહનચાલક પાસે પીયુસીનું પ્રમાણપત્ર નહી હોય તો તેને દંડની રકમ સાથે કાર્યવાહીનો સામનો કરવો પડશે.

    વાહનચાલકો નવા ટ્રાફિક નિયમો મામલે સતર્ક થઇ ગયા છે અને લાંબી લાઇનમાં ઊભા રહીને પણ પીયુસી પ્રમાણપત્ર મેળવી રહ્યા છે. પીયુસી સેન્ટરમાં ગઇકાલ સુઘી કાગડા ઉડતા હતા, પરંતુ નવા ટ્રાફિક નિયમોનાં અમલ મામલે સરકારની મકક્મ તો જોતા વાહનચાલકો હવે પીયુસી પ્રમાણપત્ર લઇ રહ્યા છે.

    આ પણ વાંચોઃ-કિશોર પર સૃષ્ટિ વિરુદ્ધનાં કૃત્યની ફરિયાદ થતાં વડતાલનાં ત્રણેય સંતો ફરાર

    પીયુસી સેન્ટરનાં સંચાલક ભાવેશ સોંલકીએ જણાવ્યું હતું, હવે પીયુસી પ્રમાણપત્ર મેળવવા વાહન ચાલકોની ભીડનાં કારણે પીયુસી સેન્ટર વ્યસ્ત થઇ ગયા છે. આમ વડોદરામાં નવા ટ્રાફિક નિયમોનાં અમલીકરણને લઇને વાહનચાલકોમાં સકારાત્કમ વલણ જોવા મળી રહ્યું છે. પરંતુ સાથે કેટલાક વાહનચાલકોમાં દંડની રકમ વઘારે હોવાની લાગણી વ્યકત કરી હતી. તો કેટલાક વાહનચાલકોએ પાર્કિગ માંટે પર્યાપ્ત જગ્યા સરકરા દ્વારા ફાળવવામાં ન આવતી હોવાની ફરિયાદ પણ કરતા હતા.
    Published by:ankit patel
    First published:

    Tags: PUC, ગુજરાત, વડોદરા

    આગામી સમાચાર

    विज्ञापन
    विज्ञापन
    विज्ञापन