Shauryajit Khaire Video: પીએમ મોદીએ ગુજરાતના 10 વર્ષના શોર્યજીતનો વીડિયો કર્યો છે શેર, જાણો કોણ છે તે

વડોદરા: ગુજરાતનાં 10 વર્ષના શોર્યજીતની આખા દેશમાં ચર્ચા થઇ રહી છે. નેશનલ ગેમ્સ 2022માં 10 વર્ષના શોર્યજીત ખૈરે મલખમમાં ભાગ લીધો હતો. જેનો વીડિયો પીએમ મોદી દ્વારા પણ ટ્વિટ કરીને શાબાશી આપી હતી. ગુજરાતમાંથી મલખમનો સૌથી નાનો ખેલાડી વડોદરાનો 10 વર્ષીય શૌર્ય હતો. જે પિતાનું સ્વપ્ન પુરૂ કરવા સ્વર્ગસ્થ પિતાની દસમાની વિધિ પતાવી નેશનલ ગેમ્સના બીજા રાઉન્ડમાં ભાગ લેવા રવાના થયો હતો. પિતાના અવસાન બાદ પણ શૌર્યએ હિંમત ન હારીને એક પ્રેરણારૂપ પગલું ભર્યું છે.

સપ્તાહ પહેલાં પિતાનું અવસાન છતાં શૌર્યએ મલખમમાં પોતાનું શ્રેષ્ઠ પ્રદર્શન બતાવી નેશનલ ગેમ્સના બીજા રાઉન્ડમાં ભાગ લેવા રવાના થયો છે. શોર્યના પિતા રણજીતસિંહનું હૃદયરોગના કારણે અવસાન થયું છે. ત્યારે માતા સુનિતા ખૈરે શૌર્યને આશીર્વાદ સાથે રવાના કર્યો છે. ઘરમાં તણાવયુક્ત વાતવરણ હોવા છતાં પરિવારજનોએ શૌર્યને પ્રોત્સાહન આપી કહ્યું, કર હર મેદાન ફતેહ! 10 વર્ષનો શૌર્યજીત ગુજરાતમાંથી મલખમનો સૌથી નાનો ખેલાડી છે.

આ પણ  વાંચો : ગુજરાતની પ્રજ્ઞા મોહને નેશનલ ગેમ્સમાં જીત્યો ગોલ્ડ મેડલ

પિતાની દસમાની પૂજાવિધિ સવારે પતાવી. ત્યાર બાદ શૌર્યએ નેશનલ ગેમ્સ માટે તૈયાર થયો. ઘરમાં ખૂબ જ તણાવયુક્ત વાતવરણમાં હોવા છતાં ઘરના લોકો એ શૌર્યને પ્રોત્સાહન આપવામાં બાકી ન રાખ્યું. શૌર્ય પણ ગળગળી હાલતમાં હતો, પણ શૌર્યના પરિવારે જુસ્સો બતાવ્યો અને એની મોટી બહેને પણ નાના ભાઈનો સાથ આપી એને નેશનલ ગેમ્સમાં પોતાનું શ્રેષ્ઠ પ્રદર્શન આપવા માટેના આશીર્વાદ આપ્યા.

What a star Shauryajit is. https://t.co/8WoNldijfI

— Narendra Modi (@narendramodi) October 8, 2022

શૌર્યએ સંવાદદાતા સાથેની વાતચીતમાં જણાવ્યુ કે, હું પિતાનું સ્વપ્ન પૂરું કરવા વર્લ્ડ ચેમ્પિયનશિપમાં ભાગ લઈશ. અને ગોલ્ડ મેડલ સાથે જ પરત ફરીશ. મારા પિતા મારી સાથે નથી, પરંતુ એમના આશીર્વાદ અને એમને જે મને શીખવાડ્યું છે એની સાથે હું આગળ વધીશ અને માતા પિતાનું નામ રોશન કરીશ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ગુજરાત, વડાપ્રધાન નરેન્દ્ર મોદી, વડોદરા સમાચાર