Vadodara: આ વિદ્યાર્થીઓએ દિવાળીની શુભેચ્છાઓ આપવા જવાનો માટે તૈયાર કર્યા છે સ્પેશિયલ કાર્ડ; જૂઓ વીડિયો

Nidhi Dave, Vadodara: દિવાળીની ઉજવણીના ભાગ રૂપે ‘બી ધ ચેન્જ’ અને M.S.U. બરોડાની ફેકલ્ટી ઓફ જર્નાલિઝમ એન્ડ કમ્યુનિકેશનનાં વિદ્યાર્થીઓ કચ્છ બોર્ડર પર તૈનાત BSFનાં જવાનોને હાથથી બનાવેલા કાર્ડ્સ મોકલશે. પાછલા પાંચ વર્ષથી #Aabhar પ્રવૃત્તિનાં ભાગ રૂપે દેશની સીમાઓ પર તૈનાત જવાનોને કાર્ડ્સ મોકલાવામાં આવે છે.

આજરોજ મહારાજા સયાજીરાવ યુનિવર્સીટીની ફેકલ્ટી ઓફ જર્નાલિઝમ એન્ડ કોમ્યુનિકેશનનાં વિદ્યાર્થીઓએ જવાનો માટે કાર્ડ બનાવ્યા. ફેકલ્ટી ઓફ જર્નાલિઝમ એન્ડ કોમ્યુનિકેશનના સેનેટ સભ્ય અને બી ધ ચેન્જ ગૃપનાં ફાઉન્ડર સરલ પટેલે જણાવ્યું હતું કે,” 2016માં ઉરી હમલા બાદ અમને આ પ્રવૃત્તિ કરવાનો વિચાર આવ્યો. જેમાં દેશના જવાનો ભારત માતાની રક્ષામાં રાત દિવસ દેશની સીમાઓ પર તૈનાત રહે છે, તેમનો હાથથી બાનાવેલા દિવાળી કાર્ડથી આભાર વ્યક્ત કર્યે.

વર્ષ 2016માં 750 કાર્ડ ઉરી ખાતે, 2017માં 1000 કાર્ડ કાશ્મીર ખાતે, 2018માં 1500 કાર્ડ બાલાકોટ ખાતે, 2019માં 2000 કાર્ડ કાશ્મીર અને કચ્છ ખાતે અને 2021માં 300 કાર્ડ કચ્છ મોકલ્યા હતા. તેમણે વધુમાં જણાવ્યું કે,” આ વર્ષે #Abhaar6.0 અંતર્ગત 500 થી વધુ કાર્ડ કચ્છ BSFનાં જવાનોને મોકલવામાં આવશે.”

આ પણ વાંચો: પાવર લીફ્ટર સન્ની બાવચા નેશનલ ચેમ્પિયનશિપમાં ઝળક્યો; ગોલ્ડ જીતી સ્થાપ્યો નવો રાષ્ટ્રીય કીર્તિમાન

M.S.U. ની ફેકલ્ટી ઓફ જર્નાલિઝમ એન્ડ કોમ્યુનિકેશનનાં વિદ્યાર્થીઓએ જણાવ્યું કે,”વર્ષો બાદ આપણા દેશના જવાનો માટે હાથથી કાર્ડ બનાવ્યાનો આનંદ અનેરો છે. સાથે જ યુવા પેઢીએ આવી પ્રવૃત્તિમાં જોડાવું જોઈએ. આપણે તો દેશની સેવામાં દિવસ રાત ઉભા નથી રહી શકતા, પણ એક કાર્ડથી તેમનો આભાર વ્યક્ત કરી શક્યે છે.” ફેકલ્ટી ઓફ જર્નાલિઝમ એન્ડ કોમ્યુનિકેશનનાં વિદ્યાર્થીઓએ આનંદ પૂર્વક ભાગ લીધો અને 500 થી વધુ કાર્ડ બનાવ્યા. સંસ્કારી નગરી વડોદરાથી શરૂ થયેલ પહેલ, સતત છ વર્ષથી દિવાળીની સુભેચ્છાઓ દેશની સીમાઓ પર આભાર થકી પહોંચાડી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Border, Diwali 2022, Diwali celebration, Good luck, Indian soldier, Vadodara