Home /News /madhya-gujarat /

વડોદરામાં દેશના ચુનંદા કારીગરો દ્વારા ઉત્પાદિત હાથશાળ વસ્તુઓનું પ્રદર્શન...

વડોદરામાં દેશના ચુનંદા કારીગરો દ્વારા ઉત્પાદિત હાથશાળ વસ્તુઓનું પ્રદર્શન...

રાજ્યપાલ આનંદીબેન અને રેલવે રાજ્યમંત્રી દર્શનાબેને પ્રદર્શનનો પ્રારંભ કરાવ્યો..

દેશના વિવિધ પ્રાંતોના હાથશાળના કલાકારોને પ્રોત્સાહન આપવાના આશયથી ક્રાફ્ટરૂટ ઓફ ઇન્ડિયા દ્વારા અહીંના હોટેલ સૂર્યા પેલેસમાં હસ્ત?

    વડોદરા: દેશના વિવિધ પ્રાંતોના હાથશાળના કલાકારોને પ્રોત્સાહન આપવાના આશયથી ક્રાફ્ટરૂટ ઓફ ઇન્ડિયા દ્વારા અહીંના હોટેલ સૂર્યા પેલેસમાં હસ્તકલા પ્રદર્શનનો ઉત્તરપ્રદેશના રાજ્યપાલ આનંદીબેન પટેલ અને કેન્દ્રીય રાજ્ય મંત્રી દર્શનાબેન જરદોશએ પ્રારંભ કરાવ્યો છે.

    ક્રાફ્ટરૂટ ઓફ ઇન્ડિયા દેશના 22 રાજ્યોના 25 હજારથી પણ વધુ કારીગરોને સાંકળીને તેમને પોતાની કલા પ્રસ્તુત કરવાની તક પૂરી પાડે છે. હસ્તકલાના કારીગરોને પોતાની કલાના ઉચિત દામ મળે તે માટે છેલ્લા 18 વર્ષથી કાર્યરત ક્રાફ્ટરૂટ ઓફ ઇન્ડિયા દેશના વિવિધ પ્રાંતોની હસ્તકલાને ઉજાગર કરી કલાકારોને પ્રોત્સાહન આપવાનું કામ કરી રહી છે. આ સંસ્થા દ્વારા કલાના પ્રકારના આધારે ક્લસ્ટર બનાવવામાં આવ્યા છે.

    આ ક્લસ્ટર મુજબ કલાકારોને વિપણન, ડિઝાઇનિંગ, ઉત્પાદનને લગતું માર્ગદર્શન આપી સરકાર અને કારીગર વચ્ચેની ખૂટતી કડી પૂરવાનો પ્રયાસ કરવામાં આવે છે. સંસ્થા અને કારીગરો વચ્ચે વ્યક્તિગત સંબંધો સ્થાપિત કરી કાર્ય કરવામાં આવે છે.

    દેશના મોટા શહેરોમાં પ્રદર્શની યોજીને કારીગરોને તેમના ગ્રાહકોની જરૂરિયાત, તેમની પસંદ, બજારની માંગ મુજબનું ઉત્પાદન કરવાની સમજ સાથે વેંચાણ કરવાની તક પૂરી પાડવામાં આવે છે. હોટેલ સૂર્યા પેલેસ ખાતે યોજાયેલા પ્રદર્શન કમ વેંચાણમાં 9 રાજ્યોના 59 કારીગરો ભાગ લઇ રહ્યા છે. યુપી, હરિયાણા, મધ્યપ્રદેશ, આસામ, ગુજરાત સહિતના કારીગરો પોતાની બેનૂમન કલાના કામણ અહીં પાથર્યા છે. એક ભારત, શ્રેષ્ઠ ભારત તથા વોકલ ફોર લોનનું પ્રતીક આ પ્રદર્શન બની રહ્યું છે.

    આ પણ વાંચો: અમદાવાદ : ફ્લાવર શો ના ટિકિટના દર નક્કી કરાયા, આ નિયમો જાણી લો નહીંતર થશે ધરમનો ધક્કો

    વડોદરા ખાતે આવા પ્રદર્શનનો અનુભવ જણાવતા કારીગરોને મત એવો છે કે, વડોદરાના નાગરિકો કલાનું મૂલ્ય સમજે છે. અહીં હાથશાળ, કાષ્ટ કલા, ચર્મ કલાની કદર નાગરિકો કરી જાણે છે. કલાના મૂલ્ય બાબતે પણ વડોદરાના નાગરિકો રકઝક કરતા નથી. આ પૂર્વે યોજાયેલા પ્રદર્શનમાં રૂ. 50 લાખથી વધુનું વેંચાણ થયું હતું, તેમ સંસ્થાના સંચાલિકા અનારબેન પટેલે કહ્યું હતું.

    આ પણ વાંચોઃ-ખેડાઃ કઠલાલના ચૌહણપુરામાં રીસામણે ગયેલી પત્નીને તેડવા ગયો પતિ, તકરાત થતાં પતિએ કરીનાંખી હત્યા

    પ્રદર્શનમાં ચંદેરી સાડીથી માંડી, કચ્છ, હરિયાણાના હાથશાળના વસ્ત્રો, ગૃહઉદ્યોગના નમકીન, પર્સ, શ્રૃંગારની વસ્તુઓ સહિત મળે છે. તેની એક વખત મુલાકાત લેવી જોઇએ. જેથી કારીગરોને પ્રોત્સાહન મળે. ઉદ્દઘાટન સમારોહમાં સાંસદ રંજનબેન ભટ્ટ, મેયર કેયુરભાઇ રોકડિયા, સ્થાયી સમિતિના ચેરમેન હિતેન્દ્રભાઇ પટેલ, અગ્રણી ભાર્ગવભાઇ ભટ્ટ, ભૂપેન્દ્રભાઇ લાખાવાલા, તેજલબેન અમીન, પારૂલબેન પટેલ ઉપસ્થિત રહ્યા હતા.
    First published:

    Tags: Anandi Ben patel, વડોદરા

    આગામી સમાચાર