Vadodara: આ મહિલા અધિકારી છે જિલ્લા રમત પ્રશિક્ષણ કેન્દ્રના પ્રથમ કેપ્ટન, આટલી સિદ્ધિઓ છે નામે

Nidhi Dave, Vadodara: સમય પસાર થતા હવે મહિલાઓ પણ દરેક ફિલ્ડમાં પોતાનું આગવું સ્થાન ધરાવે છે. અને પરિવારની સાથે દેશનું નામ પણ રોશન કરતી હોય છે. એવી જ રીતે વડોદરા જિલ્લા રમત વિકાસ અધિકારી (DSDO) ક્રિષ્ના પંડ્યા વડોદરામાં રમતગમતની તાલીમ અને સ્પર્ધાઓનું અસરકારક રીતે આયોજન કરવાની જવાબદારી નિભાવી રહ્યા છે.

તેમના નેતૃત્વ હેઠળ જ વડોદરાએ ગયા વર્ષે 36મી નેશનલ ગેમ્સમાં જિમ્નેસ્ટિક્સ ની રમતનું સફળતાપૂર્વક આયોજન કર્યું હતું. એક કુશળ તરવૈયા અને ફિટનેસ ઉત્સાહી ક્રિષ્ના રમતગમતની સંસ્કૃતિને વિકસાવવા અને શહેરમાંથી વિશ્વસ્તરીય ખેલાડીઓ તૈયાર કરવા સખત મહેનત કરી રહી છે.



વડોદરામાં કાર્યરત જિલ્લા રમત પ્રશિક્ષણ કેન્દ્રના પ્રથમ મહિલા ઈન્ચાર્જ બન્યા પછી, ક્રિષ્ના પંડ્યાએ ઘણી નવી પહેલો શરૂ કરી જેમાં વિવિધ રમતો માટે વધુ મહિલા કોચ અને ટ્રેનર્સને સામેલ કર્યા.



29 વર્ષીય ક્રિષ્નાએ 2007માં પ્રથમ રાજ્ય સ્પર્ધા અને પછી 2008માં પ્રથમ રાષ્ટ્રીય સ્પર્ધા રમી. તેણી નવસારીની પ્રથમ મહિલા સ્વિમર હતી જેણે સ્વિમિંગમાં ગોલ્ડ મેડલ જીત્યો અને ગુજરાતની ટીમ માટે ક્વોલિફાય થઈ હતી.



ક્રિષ્ના ગુજરાતમાંથી સ્પોર્ટ્સ સાયન્સમાં પ્રથમ અનુસ્નાતક અને લાયકાત ધરાવતી સ્વિમિંગ કોચ છે, અને તેની રમતની કારકિર્દી દરમિયાન તેણે લગભગ 12 રાષ્ટ્રીય સ્પર્ધાઓમાં ભાગ લીધો હતો.



તેણીનું પ્રથમ ખુલ્લા પાણી નર્મદામાં શિનોરથી માલસર સુધી 7 કિલોમીટરનું હતું, જ્યારે ભાગીરથીમાં 81 કિલોમીટર સૌથી લાંબુ સ્વિમિંગ હતું, જે તેણીએ 11 કલાક અને 37 મિનિટમાં પૂર્ણ કર્યું હતું.



ચોરવાડથી વેરાવળ સુધી ત્રણ વખત 18 નોટિકલ માઇલમાં ભાગ લીધો હતો અને 19 કિલોમીટર પણ કર્યું હતું. અત્યાર સુધી નવ ખુલ્લા પાણીમાં સ્વિમિંગ અને ચાર ટ્રાયથ્લોન કર્યા છે.



ક્રિષ્ના પંડ્યા એ જણાવ્યું કે, હું સ્પોર્ટ્સ ઓથોરિટી ઓફ ગુજરાત સાથે જોડાઈ અને ત્યાંથી મારી કોચિંગની સફર શરૂ થઈ. ગુજરાત સરકાર રમતગમત સંસ્કૃતિને વિકસાવવા માટે સારું પ્લેટફોર્મ અને સુવિધાઓ આપી રહી છે અને અમે તેને અનુસરી રહ્યા છીએ. મારા કોચિંગ હેઠળ લગભગ 100 ખેલાડીઓ રાષ્ટ્રીય સ્તરે રમી રહ્યા છે અને અમારી ટીમ સ્ટેટ ચેમ્પ પણ બની છે. અમારા ખેલાડીઓને સરદાર પટેલ એવોર્ડ, જયદીપસિંહ એવોર્ડ પણ એનાયત કરાયો છે.



ક્રિષ્નાએ વધુમાં જણાવ્યું કે, "હું સવારે કોચ બની જઉં છું અને મારા ખેલાડીઓ પર સંપૂર્ણ ધ્યાન કેન્દ્રિત કરું છું. પછીના દિવસે મારી ભૂમિકા બદલાઈ જાય છે અને હું એડમિન કાર્યમાં છું જ્યાં મારું સંપૂર્ણ ધ્યાન રમતગમતના વિકાસ પર હોય છે. મને ક્યારેય આંતરરાષ્ટ્રીય સ્તરે ભારતનું પ્રતિનિધિત્વ કરવાની તક મળી નથી અને હવે એક કોચ તરીકે હું મારા વિદ્યાર્થીઓમાં આ સપનું જીવી રહી છું. ખેલાડીઓને આંતરરાષ્ટ્રીય સ્તરે ચમકતા જોઈને હું ખુશ છું.

પિતા સુભાષ પંડ્યા તેણીના પ્રથમ ગુરુ છે જેમણે તેણીને તરવાનું શીખવ્યું હતું અને તેણીને તરવૈયા તરીકે વિકસાવી. ક્રિષ્નાએ તેમના કોચિંગ હેઠળ 17 થી વધુ રાષ્ટ્રીય ચંદ્રક વિજેતાઓ અને 85 રાજ્ય ચંદ્રક વિજેતાઓનું નિર્માણ કર્યું, જે રમતના ક્ષેત્રમાં તેમની નેતૃત્વ ક્ષમતાને સાબિત કરે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: India Sports, Local 18, Vadodara, Womens