VADODARA: ચોમાસામાં વાયરલ ફિવરના કેસો વધ્યા, હોસ્પિટલો દર્દીઓથી ઉભરાયા

નિધિ દવે, વડોદરા : શહેરમાં ચોમાસાની (Monsoon) શરૂઆત સાથે જ વાઈરલ ફિવર (Viral Fever) વધ્યો છે.એક તરફ કોરોનાના કેસોમાં સામાન્યત વધારો થઈ રહ્યો છે તેવા સમયે જ શહેરમાં શરદી, ખાસી, તાવ, ઠંડી, શરીરમાં દુખાવા સહિતના લક્ષણો પહેલા કરતા વધારે જોવાઈ રહ્યા છે. ખાસ કરીને બાળકો અને વયસ્કોમાં વાઈરલ ફિવરના કેસો વધારે જોવા મળી રહ્યાં છે.

શહેરમાં ઋતુ બદલાતા વાયરલ ફિવરના કેસો વધ્યા,શહેરની હોસ્પિટલોમાં દર્દીઓ ઉભરાયા.

ચોમાસાની શરૂઆત થતા જ વાતાવરણમાં પલટો આવ્યો છે. ગરમી અને ઉકળાટભર્યા વાતાવરણ વચ્ચે મેઘરાજાની એન્ટ્રીને કારણે હવામાન બદલાયુ છે. હવે શહેરમાં 1 હજારથી પણ વધુ કેસો હોવાનો અંદાજ છે. જોકે, ખાનગી દવાખાનાઓ અને હોસ્પિટલો જ નહીં પરંતુ કોર્પોરેશન સંચાલિત પ્રાથમિક આરોગ્ય કેન્દ્રો તથા સયાજી હોસ્પિટલ, જમનાબાઈ હોસ્પિટલ, ચેપીરોગની હોસ્પિટલ અને ગોત્રી મેડિકલ હોસ્પિટલ સહિતની હોસ્પિટલોમાં વાઈરલ ફિવરના લક્ષણો ધરાવતા દર્દીઓ ઊભરાવા લાગ્યા છે. માત્ર વાઈરલ ફિવર જ નહીં પરંતુ ટાઈફોઈડ અને કમળાના કેસો પણ વધી વધ્યા હોવાનુ સૂત્રોએ કહ્યુ હતુ.

ચોમાસાનીઋતુમાં વાયરલતાવ, કમળો, શરદી, ખાંસીના કેસો વધુ માત્રામાં આવતા હોય છે.

વરસાદમાં પાણીનો ભરાવો થવાથી મચ્છરની ઉત્પત્તિ થતી હોય છે. જેને લીધે રોગચાળાના કેસો વધી જતાં હોય છે.હજી અઠવાડિયા પછી આ કેસોમાં વધારો નોંધાશે. કારેલીબાગ ચેપી રોગના દવાખાનાની વાત કરીએ તો હાલમાં 100 જેટલો દર્દીઓ ઓ.પી.ડી ખાતે આવતા હોય છે. તથા વોર્ડમાં 25-30 જેટલા દર્દીઓ એડમિટ થયેલા છે.આ ઋતુમાં ખાસ તાવ, કમળો, શરદી, ખાંસીના કેસો વધુ માત્રામાં આવતા હોય છે. ચોમાસાની ઋતુમાં ઘરે આટલી બાબતોની ખાસ કાળજી લેવી જોઈએ: ઉકાળેલું પાણી પીવું, મચ્છરદાનીની ઉપયોગ કરવો જોઈએ. ઘરની આગળ પાછળ ખાબોચિયામાં ભરાયેલા પાણીને દૂર કરવું જોઈએ. જેમ બને એમ બહારનું ઓછું ખાવું જોઈએ.કારેલીબાગ ચેપી રોગ સેન્ટર ખાતે 50 બેડની સુવિધા ઉપલબ્ધ છે. કુલ 4 વોર્ડ રાખવામાં આવ્યા છે. તથા દર્દીઓને અહીંથી જ જમવાનું પણ આપવામાં આવે છે. તદુપરાંત અહીં 3 થી 4 ડોકટર ઉપલબ્ધ હોય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat News, Vadoara News, Viral fever