વડોદરામાં અનેક વિસ્તારોમાં કમોસમી વરસાદ,લોકો અસમંજસમાં મુકાયા, સ્વેટર પહેરવો કે રેનકોટ?

વડોદરામાં અનેક વિસ્તારોમાં કમોસમી વરસાદનું આગમન થયેલ છે. મંગળવાર રાતથી ઝરમર વરસાદ વરસી રહ્યો છે. તેમાં આજ વહેલી સવારથી કમોસમી વરસાદ ધીમીધારે સતત ખાબકી રહ્યો છે. હવામાન વિભાગે હજુ ત્રણ દિવસની આગાહી કરેલ છે. કમોસમી વરસાદ પડતાં વાતાવરણમાં ઠંડક પ્રસરી છે. વડોદરાનું તાપમાન 21 ડિગ્રી નોંધાયેલું છે.

શહેરમાં વાતાવરણમાં પલટો આવતા ક્યાંક લોકો તાપણું કરતા નજરે ચડયા છે, તો ક્યાંક લારી ગલ્લા વાળાઓ પોતાનો માલ સામાન બચાવતા પ્લાસ્ટિક ચડાવી રહ્યા છે. લોકો અસમંજસમાં મુકાઈ ગયા છે કે સ્વેટર પહેરવું કે રેનકોટ??? કમોસમી વરસાદને લીધે શહેરીજનો તો ઠંડી અને વરસાદનો એકસાથે અનુભવ કરી રહ્યા છે પરંતુ કમોસમી વરસાદ વરસતા ખેડૂતોની ચિંતામાં પણ વધારો થયેલ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Climate change, Local News, Rain in Vadodra, Vadodra News