Home /News /madhya-gujarat /

પંચમહાલ: કરોડોની કિંમતના સરકારી અનાજ સગેવગે કરીનો કૌભાંડ કરનાર ગોડાઉન મેનેજરની ધરપકડ

પંચમહાલ: કરોડોની કિંમતના સરકારી અનાજ સગેવગે કરીનો કૌભાંડ કરનાર ગોડાઉન મેનેજરની ધરપકડ

ડીવાયએસપી સીસી ખટાણાની પ્રશંસનીય કામગીરી,કૌભાંડી કનૈયાલાલ રોત ઝડપાયો...

શહેરાના સરકારી અનાજના ગોડાઉન (Government grain godowns )માંથી અનાજની ગૂણો સગવેગે કરનારા ઇન્ચાર્જ ગોડાઉન મેનેજર કનૈયાલાલ (kanahiyalal) રાતે મેઘરજ (Meghraj) વિસ્તારમાંથી ઝડપાયો છે.

    પંચમહાલ: શહેરાના સરકારી અનાજના ગોડાઉન (Government grain godowns )માંથી અનાજની ગૂણો સગવેગે કરનારા ઇન્ચાર્જ ગોડાઉન મેનેજર કનૈયાલાલ (kanahiyalal) રાતે મેઘરજ (Meghraj) વિસ્તારમાંથી ઝડપાયો છે. શહેરા પુરવઠા નિગમના સરકારી અનાજના ગોડાઉનમાંથી અનાજનો જથ્થો સરકારી દુકાનોમાં પહોંચાડવાને બદલે અંદાજે 3.૫ કરોડ રૂપિયાની કિંમતના ગરીબ કાર્ડ ધારકોના સરકારી સરકારી અનાજ ઘઉં અને ચોખાની અંદાજે 14,425  જેટલી ગુણો સગેવગે કરવાના આ ચોંકાવનારા કૌભાંડની શહેરા પોલીસ સ્ટેશનમાં ફરિયાદ દાખલ થતા વેંત ફરાર થઇ ગયેલા ઇન્ચાર્જ ડેપો મેનેજર કૈનેયાલાલ રોત અંતે ગોધરા ડી.વાય.એસ.પી સી. સી ખટાણા એ વતન મેઘરજ ખાતે થી ઝડપી પાડ્યો છે.

    પંચમહાલ જીલ્લાના શહેરા ખાતે આવેલા પુરવઠા નિગમના સરકારી અનાજના ગોડાઉનમાંથી સરકારી અનાજનો જંગી જથ્થો બારોબાર કાળા બજારમાં સરકી જતો હોવાની ચોંકાવનારી બાતમીઓના આધારે શહેરા મામલતદાર મેહુલ ભરવાડ દ્વારા તપાસ હાથ ધરવામાં આવતા ૩.૫ કરોડ રૂપિયાની કિંમતના ઘઉંની ૧૩૧૨૭ બોરીઓ અને ચોખાની ૧૨૯૮ બોરીઓ સગેવગે થઈ હોવાનું બહાર આવતા શહેરા પોલીસ સ્ટેશનમાં મામલતદાર મેહુલ ભરવાડે તા.૨૦-૦૨- ૨૦૨૧ના રોજ આપેલ ફરીયાદમાં ઈન્ચાર્જ ગોડાઉન મેનેજર કનૈયાલાલ નાગજીભાઈ રોત તથા અન્ય ઈસમો સામે ગુન્હો દાખલ થતાં જ અનાજ માફિયાઓ ભૂગર્ભમાં ઉતરી ગયાં હતાં.

    આ પણ વાંચો: બનાસકાંઠામાં ત્રણ દીવસમાં ચાર ગમખ્વાર અકસ્માત, સાત લોકોના કરૂણ મોત

    ગોધરાના ડી.વાય. એસ.પી.ને તપાસ સુપ્રત કરવામાં આવી હતી. જેથી ગોડાઉન ઇન્ચાર્જ મેનેજર ભાગતો ફરતો હતો ઘણા લાંબા સમયથી હાથે જડતો ન હતો. આ સાથે પોલીસ તંત્રની ધરપકડથી બચવા માટે ઈન્ચાર્જ ગોડાઉન મેનેજર ભાગતો ફરતો કનૈયાલાલ ડી.વાય.એસ.પી સી.સી.ખટાણાને મેઘરજ વિસ્તારમા છુપાયો હોવાની બાતમી મળી હતી.આથી ઇન્ચાર્જ ગોડાઉન મેનજરને ઝડપી પાડીને ગોધરા ખાતે લાવીને જરૂરી કાયદેસરની કાર્યવાહી હાથ ધરવામા આવી હતી. આ ખબર ફેલાતાં અનાજના ગેરકાયદેસર વેપાર કરતાં વેપારીઓ માં ફફડાટ ફેલાઈ ચૂક્યો છે. આવો એક કૌભાંડ ઝડપાયો પરંતુ હજુ કેટલાય આવી પ્રવૃત્તિઓ કરી રહ્યા છે તેમના માટે આ એક મોટો સબક સાબિત થશે કે નહીં?
    Published by:kuldipsinh barot
    First published:

    Tags: Panchamahal, Panchamahal News, પંચમહાલ

    આગામી સમાચાર