મહીસાગર: વીજપોલને અડતા બાળકીને લાગ્યો કરંટ, સ્થાનિકોની સતર્કતાથી બચ્યો જીવ, જુઓ Video

મહીસાગર: હાલ રાજ્યના મોટાભાગ જિલ્લામાં (Gujarat monsoon news) વરસાદી માહોલ છવાયો છે. ત્યારે મહીસાગર (Mahisagar) જિલ્લામાંથી ચેતવણીરૂપ કિસ્સો સામે આવ્યો છે. જિલ્લાના સંતરામપુરના રાણાવાસ વિસ્તારમાં 5 વર્ષની ધૃત્તિ રાણાને વીજ કરંટ લાગ્યો હતો. જેના કારણે બાળકી વીજ પોલ સાથે ચોંટી ગઈ હતી. જોકે, આસપાસના લોકોની સતર્કતાને કારણે તે બાળકીનો જીવ બચી ગયો છે. આ આખી ઘટના સીસીટીવી કેમેરામાં કેદ થઇ ગયા છે.

સંતરામપુર નગરના રાણાવાવ વિસ્તારની અંદર રહીશોના ઘર પાસે આવેલા વીજપોલના ખુલ્લા વીજ વાયરોના કારણે 5 વર્ષની બાળકીને કરંટ લાગ્યો હતો. ધ્રિતી સંજયકુમાર રાણાએ ત્યારે જ બૂમાબૂમ કરતાં આસપાસના લોકોએ સતર્કતા વાપરીને લાકડાના ડંડાથી તેને વીજપોલથી દૂર કરવામાં આવી હતી.

આ પણ વાંચો: અમદાવાદમાં સરેરાશ અડધા ઇંચ વરસાદથી 300થી વધુ વૃક્ષો ધરાશાયી, જુઓ કેવો છે શહેરનો માહોલ

જેના કારણે બાળકીનો જીવ બચી ગયો હતો. જે બાદ તેને સંતરામપુરની ખાનગી હોસ્પિટલમાં ખસેડવામાં આવી હતી. હાલ તેનું સ્વાસ્થ્ય સારૂં છે.

ચાલુ વરસાદે બાળકી વીજપોલને અડતા કરંટ

સમગ્ર ઘટના CCTVમાં કેદ...!
#Mahisagar pic.twitter.com/ZJwDIXsbou

— News18Gujarati (@News18Guj) June 27, 2022

આ ઘટના બાદ સ્થાનિકોએ એમજીવીસીએલમાં સંપર્ક કરીને આ છૂટાં વાયરોને ઠીક કરવાનું કહ્યું પરંતુ ત્યાં કોઇ જ અધિકારી કે કર્મચારી આવ્યાં નહીં. આ જ કારણે સ્થાનિકોમાં રોષ પણ જોવા મળી રહ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: CCTV Videos, Gujarat Weather Forecast, ગુજરાત, મહિસાગર