Home /News /madhya-gujarat /

Ahmedabad: અમદાવાદની આ સરકારી શાળામાં બાળકોના એડમિશન માટે વાલીઓને જબરો ધસારો

Ahmedabad: અમદાવાદની આ સરકારી શાળામાં બાળકોના એડમિશન માટે વાલીઓને જબરો ધસારો

SVP સ્કૂલમાં એડમિશન માટે સતત વાલીઓની ઇન્કવાયરી આવતી રહે છે.

આ શાળામાં એડમિશન (Admission to school) લેવાનો ધસારો એટલો વધારે છે કે એડમિશન માટે 200નું વેઈટીંગ ચાલી રહ્યું છે. એટલું જ નહિ આસપાસમાં આવેલી કેટલીક ખાનગી શાળાઓએ તો આ સરકારી શાળાને ટક્કર આપવા ફીમાં ડિસ્કાઉન્ટ ઓફર પણ મૂકી હોવાનું સામે આવ્યું છે. 

વધુ જુઓ ...
અમદાવાદ (Ahmedabad)માં આમ તો ખાનગી શાળા (Private school)ને કોઈ સરકારી શાળા ટક્કર આપે તે લોઢાના ચણા ચાવવા જેવી વાત કહેવાય. પરંતુ આ અશક્ય વાતને શક્ય બનાવી છે અમદાવાદના પૂર્વ વિસ્તારમાં આવેલી અમદાવાદ મ્યુનિસિપલ કોર્પોરેશન સંચાલિત શાળા (School run by Ahmedabad Municipal Corporation)એ. આ શાળામાં એડમિશન (Admission to school) લેવાનો ધસારો એટલો વધારે છે કે એડમિશન માટે 200નું વેઈટીંગ ચાલી રહ્યું છે. એટલું જ નહિ આસપાસમાં આવેલી કેટલીક ખાનગી શાળાઓએ તો આ સરકારી શાળાને ટક્કર આપવા ફીમાં ડિસ્કાઉન્ટ ઓફર પણ મૂકી હોવાનું સામે આવ્યું છે.

છેલ્લા કેટલાક વર્ષમાં અમદાવાદ મ્યુનિસિપલ સ્કૂલમાં શિક્ષણમાં સુધારો આવ્યો છે. શહેરના અલગ-અલગ વિસ્તારમાં 11 જેટલી સ્માર્ટ શાળાઓ તૈયાર થઈ ચૂકી છે અને આગામી વર્ષમાં વધુ 8 સ્માર્ટ સ્કૂલ શહેરના અલગ-અલગ વિસ્તારમાં શરૂ કરવામાં આવશે. સરકારી સ્કૂલમાં શિક્ષણમાં સુધારો અને ફી ઉઘરાવવામાં ખાનગી શાળાઓની મનમાની સામે વાલીઓ હવે ફરી સરકારી શાળાઓ તરફ વળ્યાં છે.

આ પણ વાંચો- Ahmedabad AQI: અમદાવાદ શહેરની હવા બની અતિ પ્રદૂષિત, દિલ્હી અને મુંબઈને પાછળ છોડ્યા

અમદાવાદના સૈજપુર કૃષ્ણનગર વિસ્તારમાં આવેલી સરદાર વલ્લભભાઈ પટેલ શાળા સંકુલ કે જે અમદાવાદ મ્યુનિસિપલ કોર્પોરેશન સંચાલિત છે. જ્યાં એડમિશન લેવા માટે ભારે ધસારો જોવા મળ્યો છે. આ સ્કૂલના પ્રિન્સિપાલ ચંદ્રકાન્તભાઈએ જણાવ્યું કે SVP સ્કૂલમાં ગુજરાતી અને અંગ્રેજી એમ બે માધ્યમ ધોરણ 1 થી 8 ચાલે છે. ગુજરાતી માધ્યમમાં ધોરણ 1 થી 8માં 862 વિદ્યાર્થીઓ છે. એક ક્લાસમાં 40ની સંખ્યા છે. ગુજરાતી માધ્યમમાં એડમિશન માટે 125નું વેઈટીંગ ચાલી રહ્યું છે. જ્યારે અંગ્રેજી માધ્યમમાં ધોરણ 1થી 8માં 663 વિધાર્થીઓ અભ્યાસ કરે છે. અને એડમિશન માટે 200નું વેઈટીંગ ચાલી રહ્યું છે.

આ પણ વાંચો- હાર્દિક પટેલના રાજીનામાનો પત્ર કમલમ ખાતે લખાયો: જગદીશ ઠાકોર

SVP સ્કૂલમાં એડમિશન માટે સતત વાલીઓની ઇન્કવાયરી આવતી રહે છે. જેના પાછળનું કારણ છે અહીંની અભ્યાસની પદ્ધતિ. સાથે પૌષ્ટિક મધ્યાહન ભોજન મળે છે, ગણવેશ તમામ વસ્તુ ફ્રીમાં મળે છે. કોરોનામાં લોકડાઉનમાં પણ વિદ્યાર્થીઓને અહીંના શિક્ષકોએ ઓનલાઇન શિક્ષણ સતત પૂરું પાડ્યું છે. જેથી અહીંની આસપાસની ખાનગી શાળાઓની સરખામણીમાં પણ SVP સ્કૂલ એડમિશન માટે ધસારો રહે છે. એટલે સુધી કે આસપાસની ખાનગી શાળાઓએ સ્કીમ રાખી છે. SVP સ્કૂલમાંથી જે એડમિશન રદ કરાવી અમારી શાળામાં આવે તેઓને ફીમાં 2 હજાર સુધીનું ડિસ્કાઉન્ટ મળશે.
Published by:rakesh parmar
First published:

Tags: Ahmedabad news, Ahmedabad school, AMC latest news, Government School, Gujarati news

આગામી સમાચાર