આણંદમાં યુવકને ઝાડ સાથે બાંધીને મરાયો હતો માર, આ છે અસલ કારણ, છ લોકોની ધરપકડ

આણંદ : હરિપુરા ગામના મેઘરાજ પરમારના ઘરે પ્રસંગ હોઈ બદલપુરના વિજયભાઈને મંડપનું કામકાજ સોંપ્યું હતું. જેમાં બાકી નીકળતા પૈસાને લઈ છેલ્લા કેટલાક સમયથી બંને વચ્ચે તકરાર ચાલતી હોવાનું અને સોમવારે મેઘરાજ બદલપુર ખાતે આવતા તેને ઝાડ સાથે બાંધી માર માર્યા બાદ સમગ્ર મામલાને પ્રેમપ્રકરણનું રૂપ આપવામાં આવ્યું હોવાનું પણ ચર્ચાઈ રહ્યું છે.

છેલ્લા કેટલાક દિવસોથી વાયરલ થયેલા વીડિયોમાં એક યુવકને ઝાડના થડ સાથે બાંધીને માણસોના ટોળા દ્વારા ઘેરાયેલો હતો. કેટલાક તેને માર મારતા જોવા મળે છે. હવે એવુ બહાર આવ્યું છે કે, આ ઘટના સોમવારે બની હતી. વાયરલ થયેલા વીડિયોની જાણ થતાં બુધવારે પરમારે બનાવ અંગે ગુનો નોંધ્યો હતો. તેણે દાવો કર્યો છે કે, છ વ્યક્તિઓએ તેને માર માર્યો હતો અને તેમાંથી એકે તેના લગ્ન માટે લગાવેલા તંબુ માટે તેને વધુ પૈસા ચૂકવવા દબાણ કર્યું હતું.

ફરિયાદીએ જણાવ્યું કે, તેના લગ્ન 25 એપ્રિલના રોજ થયા હતા. લગ્ન માટે તેણે બદલપુરમાં રહેતા વિજય પરમારને ટેન્ટનો ઓર્ડર આપ્યો હતો. મેઘરાજસિંહે દાવો કર્યો હતો કે તંબુનું ભાડું રૂ. 1,500 નક્કી કરવામાં આવ્યું હતું અને લાંબા સમયથી ભંડોળની અછતને કારણે તે વિજયને ચૂકવવા સક્ષમ ન હતા.



સુરતના હીરાબજારમાં વેપારીની હીરા ભરેલી થેલી લઇને લૂંટારું ભાગ્યો

લગભગ એક મહિના પહેલા વિજયે મેઘરાજસિંહને ધમકી આપી હતી કે, તે તેને ઝાડ સાથે બાંધીને માર મારશે. વિજયની ધમકીના ત્રણ દિવસ પછી મેઘરાજસિંહે રૂ. 1,500 ચૂકવ્યા હતા, પરંતુ વિજયે દાવો કર્યો હતો કે તેણે તંબુના રૂ. 5,000 આપવાના બાકી છે અને તેથી, તેને બીજા રૂ. 3,500 ચૂકવવા પડશે.

ભાદરવામાં ફરી વરસાદે બોલાવી રમઝટ! છવાયો વરસાદી માહોલ



સોમવારે મેઘરાજસિંહ બાદલપુર ગયો હતો ત્યારે વિજય તેની પાસે આવ્યો હતો અને તેને ફરીથી ધમકી આપી હતી. વિજય મેઘરાજસિંહને અંબિકા ચોક, ગામના ચોકમાં લઈ ગયો અને વિજયના પિતા ઘનશ્યામ પરમાર, તેના ભાઈ કેતન પરમાર, કાકા મુકેશ પરમાર અને અન્ય બે કમલેશ પ્રજાપતિ અને રાહુલ પ્રજાપતિ સહિત અન્ય લોકો ભેગા થયા. ત્યારબાદ તેઓએ મેઘરાજસિંહને ઝાડ સાથે બાંધી માર માર્યો હતો, જ્યારે ઘનશ્યામ તેને મારવા માટે લાકડીનો પણ ઉપયોગ કર્યો હતો.

બનાવની જાણ થતાં અન્યો સાથે મેઘરાજસિંહને મદદ કરવા દોડી આવેલા મેઘરાજસિંહના પિતા પ્રતાપસિંહને પણ ઘનશ્યામ દ્વારા લાકડી વડે માર માર્યો હતો. ઘટનાસ્થળે લોકોનું ટોળું એકઠું થતાં આરોપીઓએ મેઘરાજસિંહને જવા દીધો હતો. જોકે, તેઓએ તેને પોલીસમાં ગુનો નોંધવા સામે ધમકી આપી હતી. તમામ છ આરોપીઓને બુધવારે પોલીસે પકડી લીધા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: આણંદ, ગુજરાત, વાયરલ વીડિયો