દાહોદઃ બોર્ડની પરીક્ષાના ટેન્શનમાં ધો.12નો વિદ્યાર્થી જીવનની પરીક્ષા હારી ગયો

ન્યૂઝ18 ગુજરાતીઃ આગામી 7 માર્ચના દિવસે ધોરણ-10 અને ધોરણ - 12ની બોર્ડની પરીક્ષા શરુ થવા જઇ રહી છે. ત્યારે વિદ્યાર્થીઓ સહિત માતા-પિતા પણ ટેન્શનમાં આવી ગયા હોય એવો માહોલ સર્જાયો છે. વાલીઓ પાતના સંતાનોને પરીક્ષા માટે તૈયારીઓમાં લાગેલા છે ત્યારે દાહોદના એક વિદ્યાર્થીએ પરીક્ષાના ટેન્શનમાં આત્મહત્યા કરી લીધી હતી.

આગામી ધો.12ની બોર્ડ પરીક્ષા આવતી હોવાથી ટેન્શનમાં રહેતા દાહોદ તાલુકાના વાંદરિયા ગામના ધોરણ-12ના વિદ્યાર્થીએ ગળાફાંસો ખાઇને મોતને વ્હાલું કર્યું હતું.

મળતી માહિતી પ્રમાણે દાહોદ તાલુકાના વાંદરિયા ગામે રહેતા 41 વર્ષીય રાજેશભાઇ હુરસીંગભાઇ બિલવાળનો પુત્ર અંકીત આગામી ધોરણ 12ની પરીક્ષા આવતી હોવાથી ટેન્શનમાં જ રહેતો હતો. અને છેલ્લા કેટલાય સમયથી ગુમસુમ રહેતો હતો. તેને અગમ્ય કારણોસર તા. 1ના રોજ ગળે સફેદ કલરનો રૂમાલ બાંધી ફાંસો ખાઇ મોતને વ્હાલું કર્યું હતું.

આ પણ વાંચોઃ-દામ્પત્ય જીવવના 27 વર્ષ : 'હું તને રાખવા માંગતો નથી, બીજી બયરી લાવવા માંગું છું'

સાંજના સાડા પાંચેક વાગ્યાના સુમારે રાજેશભાઇ બિલવાળ ખેતરથી ઘરે આવ્યા હતા. ત્યારે પોતાના દીકરા અંકિતની ગળાફાંસો ખાધેલી હાલતમાં લાશ નજરે પડી હતી.

વલસાડઃ માત્ર અઢી માસનું સંતાન ધરાવતી ઉપપત્નીએ ગળાફાંસો ખાઇ કરી આત્મહત્યા

આ સંબેધ વાંદરિયા ગામના રાજેશભાઇ હુરસિંગભાઇ બિલવાળા દાહોદ તાલુકા પોલીસ સ્ટેશનને જાણ કરતાં આ સંદર્ભે અકસ્માતે મોતનો ગુનો નોંધી વધુ તપાસ હાથધરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Madhya Gujarat, ગુજરાત, છાત્ર