દાહોદ: દીવાલ ઉપર માનવ પગલાંના નિશાન મળતા કુતૂહલ સર્જાયું

સાબીર ભાભોરઃ દાહોદમાં એક ઇમારતની દીવાલ ઉપર માનવ પગલાંના નિશાન જોઈ પ્રથમ દ્રષ્ટિએ કુતૂહલની સાથે ભૂત હોવાનો ભ્રમ પેદા કરે તેવી દીવાલ સામે આવી છે.

દાહોદ શહેરના રળિયાતી વિસ્તારમાં નગરપાલિકા દ્રારા 480 જેટલા આવાસો બનાવવામાં આવ્યા છે. જેમાંથી એક મકાનની દીવાલ ઉપર અસંખ્ય માનવ પગલાં અંકિત થયેલા જોવા મળી રહ્યા છે. પ્રથમ દ્રષ્ટીએ ભૂત હોવાનો ભ્રમ પેદા કરી શકે તેવું દ્રશ્ય જોવા મળી રહ્યું છે.

જમીનથી લઈને છત સુધી જોવા મળતા માનવ પગલાં જોઈને કોઈપણ અચંબામાં પડી શકે છે. કે આખી દીવાલ ઉપર પગલાંના નિશાન કેવી રીતે ? જ્યારે આ મામલે તપાસ કરતાં માલૂમ પડ્યું કે આ તમામ મકાનો સિમેન્ટના બ્લોકથી બનેલા છે.


આ પણ વાંચોઃ-13 નવી તાલુકા કોર્ટ શરૂ કરાશે, 46માંથી 38 ફેમિલી કોર્ટ કાર્યરત

જ્યારે મકાન બનાવવાની કામગીરી ચાલી રહી હતી ત્યારે દીવાલમાં જે બ્લોક વાપરવામાં આવ્યા છે તે બ્લોકનું જ્યારે ઉત્પાદન થયું ત્યારે તેના ઉપર બાળકોએ રમત રમતા પગલાંની છાપ તેના ઉપર ઉપસી ગઈ અને એ જ બ્લોક નો ઉપયોગ દીવાલ માં કરવામાં આવ્યા હોવાથી દીવાલ ઉપર પગલાં જોવા મળી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Central gujarat, Dahod