Home /News /madhya-gujarat /

દાહોદ : પત્ની સાથે આડા સંબંધના વ્હેમમાં ભાઈએ-ભાઈને હથિયારના ઘા ઝીંકી મોતને ઘાટ ઉતારી દીધો

દાહોદ : પત્ની સાથે આડા સંબંધના વ્હેમમાં ભાઈએ-ભાઈને હથિયારના ઘા ઝીંકી મોતને ઘાટ ઉતારી દીધો

પત્ની સાથે આડા સંબંધના વ્હેમમાં કૌટુંબીક ભાઈની હત્યા

આરોપીએ ઘરે આવી કાકાને કહ્યું, મારી પત્ની સાથે આડા સંબંધ હતા જેથી બુધાભાઈની હત્યા કરી દીધી, મૃતકના પિતાને ખબર પડતા જાણે પગ નીચેથી જમીન ખસી ગઈ.

    સાબીર ભાભોર, દાહોદ : વહેમની કોઈ દવા નથી અને અને માણસના મગજમાં એકવાર શંકા ઘર કરી જાય તો તે કઈ પણ સમજવા તૈયાર થતો નથી. આવી જ શંકા-કુશંકાની ઘટનામાં ભાઈએ જ ભાઈની હત્યા કરી દેવાની ઘટના સામે આવી છે. આ ઘટનાથી પુરા ગામમાં ચકચાર મચી ગઈ છે. પોલીસે આરોપી વિરુદ્ધ ગુનો નોંધી કાયદેસરની કાર્યવાહી શરૂ કરી છે.

    પ્રાપ્ત માહિતી અનુસાર, દેવગઢબારિયા તાલુકાના ભૂવાલ ખાતે રહેતા પ્રવીણ ગોપસિંહ પટેલને પોતાની પત્નીને કૌટુંબિક ભાઈ બુધાભાઈ પટેલ સાથે આડા સબંધો ચાલતા હોવાનો વ્હેમ મગજમાં ભરાઈ ગયો હતો, જેને પગલે અગાઉ પણ અનેક વખત તકરાર કરી ચુક્યો હતો, પરંતુ તેણે હવે તો હદ પાર કરી દીધી અને કૌટુંબીક ભાઈ બુધાભાઈને રસ્તામાંથી હંમેશા માટે હટાવવા તીક્ષ્ણ હથિયારથી હુમલો કરી હત્યા કરી દીધી.

    આ પણ વાંચોઅમેરિકામાં પટેલ યુવાનની હત્યા, 'shop is closed, nothing is found anymore', બોલતા જ હુમલો થયો

    વિગતે વાત કરીએ તો, આડા સબંધોની શંકામાં પ્રવીણ પટેલે નજીકના ખેતરમાં કામ કરી રહેલા બુધાભાઈ પટેલને ગાળાના ભાગે તીક્ષ્ણ હથિયારના ઘા ઝીકી મોતને ઘાટ ઉતારી દીધો હતો. ત્યારબાદ આરોપીએ ઘરે જઈ કાકાને જઈને જાણ કરી હતી કે, બુધાભાઇને મારી પત્ની સંગિતા સાથે આડા સબંધો હતા, જેથી તેની હત્યા કરી નાખી છે. ત્યારબાદ ગામના સરપંચ સહિત અગ્રણીઓએ મૃતકના ઘરે જઈ મૃતકના પિતાને આ વાતની જાણ કરતાં પરિવારના પગ નીચેથી જમીન ખસી ગઈ હતી.

    આ પણ વાંચો - હેવાન હવસખોરો! મહિલાની આંખો કાઢી, પછી નિર્વસ્ત્ર કરી મારી નાખી, ગેંગરેપની પણ આશંકા

    ગ્રામજનોએ આરોપીએ જણાવેલ જગ્યા ઉપર તપાસ કરતાં લોહી લુહાણ હાલતમાં બુધભાઈનો મૃતદેહ મળી આવ્યો હતો, મૃતકના પિતાએ દેવગઢબારિયા પોલીસ મથકે પ્રવીણ ગોપસિંહ પટેલ વિરુધ્ધ ફરિયાદ નોધાવતા પોલીસે હત્યાનો ગુનો નોંધી, ધરપકડ સાથે આગળની તપાસ હાથ ધરી છે.
    Published by:kiran mehta
    First published:

    Tags: Dahod news, Dahod police

    विज्ञापन

    विज्ञापन

    આગામી સમાચાર

    विज्ञापन
    विज्ञापन