ચૂંટણીનો ખર્ચ રજૂ ન કરતા દાહોદના કોંગી ઉમેદવારને બાબુ કટારાને નોટિસ

શાબીર ભાભોર, દાહોદ : ચૂંટણી આચાર સંહિતા અને ચૂંટણી પંચના નિયમોનું પાલન ન કરનારા ઉમેદવારો પર ચૂંટણીપંચ આકરા પાણીએ છે. વાઘોડિયાના ધારાસભ્ય મધુ શ્રીવાસ્તવના વિવાદિત બોલ બદલ પોલીસ ફરિયાદની કાર્યવાહી બાદ હવે ચૂંટણીપંચના રડારમાં દાહોદના કોંગ્રેસી ઉમેદવાર બાબુ કટારા આવી ગયા છે. ચૂંટણી પંચે બાબુ કટારાને નિયમનુસાર ખર્ચનો હિસાબ ન આપતા નોટિસ ફટકાર છે. ચૂંટણી પંચે બાબુ કટારા ઉપરાંત નેશનલ જનતાદળના ઉમેદવાર જગદીશ મેડાને પણ નોટિસ ફટકારી છે .

બાબુ કટારાએ રોજબરોજનો હિસાબ રજૂ ન કરતા ચૂંટણી પંચે નોટિસ ફટકારી છે. આ ચૂંટણીમાં ચૂંટણી પંચે નિયમ બનાવ્યો હતો કે ઉમેદવારે રોજબરોજના ખર્ચની વિગતો આપવાની રહેશે. ચૂંટણી પંચે નોટિસ ફટકારી બાબુ કટારાને સ્પષ્ટતા કરવા જણાવ્યું છે.

ઉલ્લેખની છે કે આ વખતે કોંગ્રેસે દાહોદ બેઠક પરથી પૂર્વ સાંસદ બાબુ કટારાને મેદાનમાં ઉતાર્યા છે. બાબુ કટારા પૂરજોશમાં પ્રચાર કરી રહ્યાં છે, ત્યારે ચૂંટણી પંચ તરફથી તેમને નિયમનુસાર હિસાબો રજૂ ન કરતા નોટિસ આપવામાં આવી છે, જો કટારા સમયસર જવાબ નહીં આપે ચો ચૂંટણી પંચ તેમના પર કાર્યવાહી પણ કરી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર