Home /News /madhya-gujarat /

છોટાઉદેપુર : 'મારી ઘરવાળીએ દગો કર્યો, અવળા ઘંધા કરતી હતી, હું આત્મહત્યા કરું છું,' Video બનાવી યુવકે કર્યો આપઘાત

છોટાઉદેપુર : 'મારી ઘરવાળીએ દગો કર્યો, અવળા ઘંધા કરતી હતી, હું આત્મહત્યા કરું છું,' Video બનાવી યુવકે કર્યો આપઘાત

છોટાઉદેપુરમાં આત્મહત્યા કરનાર યુવકે બનાવ્યો હતો વીડિયો

છોટાઉદેપુરના નસવાડીના ઝેર ગામે યુવકે પત્ની અને સાસરિયાઓ પર ગંભીર આક્ષેપો કરી જિંદગી ટૂંકાવી

    સેજાબ ખત્રી, છોટાઉદેપુર : 'મારી ઘરવાળીએ મને દગો કર્યો છે, બીજા અવળા ધંધા કરતી હતી, એની સાબિતી કરવા માટે હું મારા સસરાના ઘરે ગયો તો મને મારા માર્યો. મને હવે કઈ સુઝતું નથી, હું આત્મહત્યા કરું છું. મારી આત્મહત્યા કરવાનું કારણ મારી ઘરવાળી છે, એના પર કાયદેસર કાર્યવાહી કરજો. બધું તમે જાણજો તો તમને પુરી માહિતી મળશે. મારા માબાપ અને મારા છોકરાને મૂકીને જતી રહી, મારી સાથે દગો કર્યો એનું માત્ર અને માત્ર કારણ મારી ઘરવાળી છે, બીજા કોઈ નહીં' આ શબ્દો છે છોટાઉદેપુરના (chhotaudepur naswadi) નસવાડીના ઝેર ગામના એક યુવકના. આ યુવકે (Husband) એક વીડિયોમાં (Video) પોતાની પત્ની પર દગો કર્યો હોવાનો આક્ષેપ કરી અને ઝેરી દવા પી જિંદગી ટૂંકાવી (Suicide) લેતા ચકચાર મચી ગઈ છે.

    બનાવની વિગતો એવી છે કે છોટાઉદેપુરના ઝેર ગામે રહેતા શાંતિલાલ રાઠવાના દીકરા વિજયના લગ્ન ઉમરાવા ગામે રહેતા ધર્માબેન સાથે થયા હતા. વિજય અને તેમના પત્ની કાઠિયાવાડમાં મજૂરી કામે ગયા હતા ત્યારે તેમના પત્ની કથિત રીતે તેને છોડીને વતન પરત આવી ગયા હતા. આ ઘટના બાદ વિજય રાઠવા તેમની પત્નીને તેડવા માટે સાસરીએ ગયા હતા જ્યાં તેમના સસરા અને સાળાઓએ માર માર્યો હોવાનો આક્ષેપ કરી અને પત્નીએ દગો આપ્યો હોવાનો આક્ષેપ કરતો વીડિયો બનાવી અને વિજય રાઠવાએ આપઘાત કરી લીધો હતો.

    આ પણ વાંચો : ગુજરાતમાં ધીરે ધીરે ઘટશે ઠંડી, જાણો ક્યારથી ગરમી વધવાની છે હવામાન વિભાગની આગાહી

    આ ઘટનામાં વિજયએ બનાવેલો વીડિયો વાયરલ થયો છે. તેણે કપાસમાં છાટવાની ઝેરી દવા ગટગટાવી પોતાના ખેતરમાં જ આપાઘત કરી લીધો છે. પોલીસે આ મામલે મૃતક યુવકના પિતાની ફરિયાદના આધારે આઈપીસીની કલમ 174 મુજબ ફરિયાદ દાખલ કરવાની તજવીજ હાથધરી છે.

    આ પણ વાંચો : 'બોયફ્રેન્ડ વગર કોલેજમાં નહીં મળે પ્રવેશ, પ્રેમ વહેંચો,' M.S. Universityના નામનો ફેક લેટરહેડ વાયરલ

    જોકે, આ કરૂણ ઘટનામાં બે માસુમોએ માતાની સાથે પિતા પણ ગુમાવી દીધા છે. ઘટનામાં યુવકે બનાવેલા વીડિયોમાં તેણે પોતાની જ પત્ની વિરુદ્ધ ગંભીર આક્ષેપો કર્યા છે. આમ એક પરિવારે દીકરો અને બે બાળકોએ પિતા ગુમાવતા નાનકડા ઝેર ગામાં શોકનું મોજું છવાઈ ગયું છે.
    Published by:Jay Mishra
    First published:

    Tags: Chhotaudepur, Crime news, Video, Video of Suicide, આત્મહત્યા, ગુજરાતી ન્યૂઝ, પતિ-પત્ની

    विज्ञापन

    विज्ञापन

    આગામી સમાચાર

    विज्ञापन
    विज्ञापन