અમદાવાદા : સાસરિયાનો કાળો કહેર, સસરા માતાજીના ભૂવા બની બોલ્યા, 'તારામાં બીમારી છે'

અમદાવાદા : સાસરિયાનો કાળો કહેર, સસરા માતાજીના ભૂવા બની બોલ્યા, 'તારામાં બીમારી છે'
પ્રતિકાત્મક તસવીર

સાસુ પરિણીતાને કહેતા 'બે-બે દીકરીઓને જન્મ આપ્યો તું દીકરા જણી નથી શકતી,' આંબાવાડીની દીકીરને રાજકોટના સાસરિયાઓએ ક્યાંયની ન રાખી

  • Share this:
અમદાવાદ: શહેરના એલિસબ્રિજ વિસ્તારમાં (Ellisbridge Ahmedabad) રહેતી યુવતીના રાજકોટ (Rajkot) ખાતે લગ્ન થયા હતા. લગ્ન બાદ તેના સાસુ, સસરા અને પતિએ (Husband) ત્રાસ ગુજારવાનું શરૂ કર્યું હતું. આટલું જ નહીં પણ યુવતીના સસરાએ અને મોટા સસરા માતાજીના ભુવા બનીને પરિણીતાને "તારામાં કોઈ બીમારી છે" તેમ કહી ત્રાસ આપતા હતા. પરિણીતાના દાદી બીમાર છે તેમ કહી આ મહિલાને (Wife) પિયર મૂકી પતિ અને સસરા ભાગી ગયા હતા.

મૂળ રાજકોટની 26 વર્ષીય યુવતી છેલ્લા અઢી વર્ષથી તેના પતિ તથા દીકરીઓની સાથે રહે છે. તેના લગ્ન વર્ષ 2013માં રાજકોટના યુવક સાથે થયા હતા. આ યુવતીનું પિયર અમદાવાદના આંબાવાડી વિસ્તારમાં આવેલું છે. વર્ષ 2013માં લગ્ન થયા બાદ આ યુવતી તેના પતિ સાથે રાજકોટ રહેવા ગઈ હતી. જ્યાં તેના સાસુ-સસરા દિયર અને નણંદ પણ રહેતા હતા. જ્યારે આ યુવતી લગ્ન બાદ ગર્ભવતી થઈ હતી ત્યારે આઠમા મહિને તેની તબિયત બગડતાં તે બે દિવસ સુધી આરામ કરતી હતી. ત્યારે તેના પતિએ કેમ સૂઈ રહી છે તેમ કહી તેની સાથે ઝઘડો કરી ધક્કો મારી પાડી દીધી હતી.



આ પણ વાંચો : સુરત : કોલગર્લે યુવકને જાહેરમાં લમધાર્યો, ટ્રાફિક જવાન છોડાવવા પડ્યો, વીડિયો સોશિયલ મીડિયામાં Viral

બાદમાં આ યુવતીને તેના સાસરિયાઓએ પિયરમાં મોકલી દીધી હતી. બાદમાં આ મહિલાએ પુત્રીને જન્મ આપ્યો હતો. બીજી તરફ આ યુવતીના સાસરિયાઓ ઘર ચલાવવા માટે દર મહિને પૈસા પિયરમાંથી મંગાવવાનું કહેતા હતા. જેથી આ યુવતીના પિતા પૈસા પણ મોકલતા હતા અને જો પૈસા ન મોકલાવે તો યુવતીને તેનો પતિ માનસિક ત્રાસ આપતો હતો અને માર પણ મારતો હતો.

આ યુવતીના સસરા અને મોટા સસરા બંને માતાજી ના ભુવાજી હોવાનું કહી તેઓ અવારનવાર ધુણવા બેસી આ યુવતીને સામે બેસાડતા હતા અને કહેતા હતા કે તારા શરીરમાં કોઈ તકલીફ છે અને ખોટી ખોટી વાતો કરી આ યુવતીને માનસિક ત્રાસ આપતા હતા. ત્યાર બાદ અઢી વર્ષ પછી આ યુવતીના સાસુ-સસરાએ આ યુવતીને અને તેના પતિને જુદા કરી દીધા હતા અને યુવતીને બીજા માળે રહેવા મોકલી દીધી હતી.

જ્યારે યુવતીએ બીજી પુત્રીને જન્મ આપ્યો ત્યારે તેની સાસુએ એને એવું કહ્યું કે તું દીકરા જણી નથી શકતી. આ પ્રકારના અનેક ત્રાસ આપતા ત્રણ મહિના પહેલા આ યુવતીએ સહન શક્તિ પૂરી થઈ જતાં તેણે દવા પી આપઘાતનો પ્રયાસ કર્યો હતો. જોકે સારવાર કરાવતા આ યુવતીની તબીયત સારી થઈ ગઈ હતી. આટલું જ નહીં 6 જાન્યુઆરી ના રોજ યુવતીના પતિએ તેને કહ્યું કે તેના દાદીની તબિયત બહુ ખરાબ છે જેથી આપણે જવું પડશે.

આ પણ વાંચો :  અમદાવાદ : 'તારે જીન્સ નહિ પહેરવાનું, જીન્સ પહેરતી છોકરીઓ ફાટેલી હોય,' ત્રીજા લગ્ન કર્યા છતાં પતિ ન સુધર્યો

તેમ કહી પ્રાઇવેટ ગાડી સ્પેશિયલ કરી યુવતી ના સસરા અને પતિ બંને યુવતીને બંને દીકરીઓ સાથે અમદાવાદ પિયરમાં મૂકીને જતા રહ્યા હતા  આ પ્રકારના ત્રાસથી કંટાળીને આખરે આ યુવતીએ તેના પતિ સાસુ-સસરા સહિતના સાસરીયાઓ સામે ફરિયાદ નોંધાવતા એલિસબ્રિજ પોલીસે આ મામલે તપાસ શરૂ કરી છે.
Published by:Jay Mishra
First published:January 09, 2021, 07:02 am