Home /News /madhya-gujarat /

રાજ્યમાં આચાર્યની ભરતીનો મામલો, આવતીકાલે મળશે મહત્વની બેઠક

રાજ્યમાં આચાર્યની ભરતીનો મામલો, આવતીકાલે મળશે મહત્વની બેઠક

જિલ્લા શિક્ષણાધિકારીઓની વીડિયો કોન્ફરન્સ યોજાશે

આગામી 6 જૂનથી 11 જુલાઇ સુધીમાં આચાર્યની ભરતી પ્રક્રિયા પૂર્ણ કરવાનું આયોજન છે

    હિતેન્દ્ર બારોટ, ગાંધીનગર: રાજ્યની ગ્રાન્ટેડ માધ્યમિક શાળાઓમાં આચાર્યની ભરતીનો મામલો ઘણો પેચીદો બન્યો હતો. આ મામલે વહેલી તકે ભરતી પૂર્ણ કરવાનું આયોજન છે. આવામાં આવતીકાલે આ મામલે જિલ્લા શિક્ષણાધિકારીઓની વીડિયો કોન્ફરન્સ યોજાશે.

    આગામી 6 જૂનથી 11 જુલાઇ સુધીમાં આચાર્યની ભરતી પ્રક્રિયા પૂર્ણ કરવાનું આયોજન છે. જેના પગલે આવતીકાલે આખરીકરણ અંગે આ મહત્વની બેઠક વીડિયો કોન્ફરન્સના માધ્યમથી યોજાશે. જેમાં 2136 ખાલી જગ્યાઓ સામે 3378 ઉમેદવારો મેરીટમાં છે. આ મામલે 60 માર્ક્સ સરકાર આપી શકે છે અને 40 માર્ક્સ આપવાની સત્તા સ્થાનિક શાળા સંચાલકના હાથમાં છે.

    ઉલ્લેખનયી છે કે, કોર્ટ કેસના પગલે આચાર્યની ભરતી પ્રક્રિયા લગભગ 8 વર્ષથી અટવાઇ હતી. આ ભરતી પ્રક્રિયામાં નોનગ્રાન્ટેડ શાળાના શિક્ષકોના અનુભવને માન્ય રાખવામાં આવતાં શિક્ષકો હાઇકોર્ટમાં ગયા હતા.

    આ પણ વાંચો: લોકસભા ચૂંટણીમાં પક્ષ વિરોધી કામ કરનાર સામે કોંગ્રેસ ભરશે આકરા પગલાં

    તાજેતરમાં જ હાઇકોર્ટે આચાર્યની ભરતી પ્રક્રિયા પરથી સ્ટે હટાવ્યો હતો. જેને લઇને માધ્યમિક અને ઉચ્ચતર માધ્યમિક શાળાઓમાં ભરતીનો માર્ગ મોકળો બન્યો છે. ભરતી પ્રક્રિયાને પડકારતી અરજી હાઇકોર્ટે રદ કરી હતી.
    Published by:Azhar Patangwala
    First published:

    Tags: Principal appointment, Video conference, ગુજરાત

    આગામી સમાચાર

    विज्ञापन
    विज्ञापन
    विज्ञापन