Home /News /madhya-gujarat /

શુક્રવારે યુપીના સીએમ યોગી આદિત્યનાથ લેશે સ્ટેચ્યૂ ઓફ યુનિટીની મુલાકાત

શુક્રવારે યુપીના સીએમ યોગી આદિત્યનાથ લેશે સ્ટેચ્યૂ ઓફ યુનિટીની મુલાકાત

રૂપાણીએ યુપી જઈને યોગીને આમંત્રણ પાઠવ્યું હતું.

સ્ટેચ્યૂ ઓફ યુનિટીના અનાવરણ કાર્યક્રમમાં હાજર રહેવાનું નિમંત્રણ આપવા માટે સીએમ વિજય રૂપાણી ઉત્તર પ્રદેશ ગયા હતા.

    ગાંધીનગરઃ 31મીના રોજ સીએમ વિજય રૂપાણીના હાથે અનાવરણ થયેલા સ્ટેચ્યૂ ઓફ યુનિટીની મુલાકાત લેવા માટે ઉત્તર પ્રદેશના સીએમ યોગી આદિત્યનાથ શુક્રવારે ગુજરાત આવી પહોંચશે. યોગી આદિત્યનાથ દેશના પ્રથમ એવા મુખ્યમંત્રી બનશે જેઓ સ્ટેચ્યૂ ઓફ યુનિટીની મુલાકાત લઈ રહ્યા છે.

    વિજય રૂપાણી જોડાશે

    શુક્રવારે કેવડિયા આવી પહોંચનાર યુપીના મુખ્યમંત્રી યોગી આદિત્યનાથ સાથે ગુજરાતના મુખ્યમંત્રી વિજય રૂપાણી તેમજ ઉચ્ચ અધિકારીઓ રહેશે. યોગી આદિત્યનાથ સાથે ઉત્તર પ્રદેશના વરિષ્ઠ સચિવો અને ઉચ્ચ અદિકારીઓ પણ સ્ટેચ્યૂ ઓફ યુનિટીની મુલાકાત લશે.

    વિજય રૂપાણીએ યુપી જઈને આપ્યું હતું આમંત્રણ

    સ્ટેચ્યૂ ઓફ યુનિટીના અનાવરણ કાર્યક્રમમાં હાજર રહેવાનું નિમંત્રણ આપવા માટે સીએમ વિજય રૂપાણી ઉત્તર પ્રદેશ ગયા હતા. ઉત્તર પ્રદેશની મુલાકાત દરમિયાન વિજય રૂપાણીએ યોગી આદિત્યનાથને સ્ટેચ્યૂ ઓફ યુનિટીની રેપ્લિકા અને નિમંત્રણ પત્રિકા આપી હતી.

    આ પણ વાંચોઃ સ્ટેચ્યૂ ઓફ યુનિટી જોવા આવેલા પ્રવાસીઓ અટવાયા, પાસ કે ટિકિટની નથી કોઈ વ્યવસ્થા

    અનાવરણ સમારંભમાં માત્ર ગુજરાતના નેતાઓ હાજર રહ્યા

    નોંધનીય છે કે સ્ટેચ્યૂ ઓફ યુનિટીના અનાવરણ કાર્યક્રમમાં ફક્ત ગુજરાતના નેતાઓ જ હાજર રહ્યા હતા. ગુજરાત બહારના નેતાઓને આમંત્રણ છતાં કેમ કોઈ હાજર નથી રહ્યું તે અંગે અનેક તર્ક વિતર્ક લગાવવામાં આવી રહ્યા છે. અનાવરણ કાર્યક્રમમાં ગુજરાતના પૂર્વ મુખ્યમંત્રી તેમજ હાલ મધ્ય પ્રદેશના ગવર્નર આનંદીબેન પટેલ, ગુજરાતના પૂર્વ નાણા મંત્રી તેમજ હાલ કર્ણાટકના ગવર્નર વજુભાઈ વાળા હાજર રહ્યા હતા.

    પરપ્રાંતિયો પર હુમલા બાદ સીએમ ગયા હતા ઉત્તર પ્રદેશ

    રાજ્યમાં પરપ્રાંતિયો અને ખાસ કરીને ઉત્તર પ્રદેશ અને બિહારના લોકો પર બનેલી હુમલાઓની ઘટના બાદ સીએમ વિજય રૂપાણી ખુદ ઉત્તર પ્રદેશ ગયા હતા અને યોગી આદિત્યનાથને અનાવરણ કાર્યક્રમમાં હાજર રહેવાનું આમંત્રણ આપ્યું હતું. લખનઉ ખાતે વિજય રૂપાણીએ પત્રકાર પરિષદને સંબોધતા જણાવ્યું હતું કે ગુજરાતમાં તમામ લોકો સુરક્ષિત છે.
    Published by:Vinod Zankhaliya
    First published:

    Tags: Narmada dam, Statue of unity, Vijay Rupani, Yogi adityanath, ઉત્તરપ્રદેશ, નરેન્દ્ર મોદી, યૂપી

    આગામી સમાચાર

    विज्ञापन
    विज्ञापन
    विज्ञापन