Unlock બાદ અમદાવાદમાં સૌથી મોટી ચોરી કરનાર ઝડપાયો, ચોર બનાવાનું કારણ છે રસપ્રદ

અમદાવાદ: શહેરના સરદારનગર વિસ્તારમાં આવેલ ન્યુ જી વોર્ડમાં રૂપિયા 52.40 લાખ રૂપિયાની ચોરીનો (Theft) બનાવ બનતા પોલીસ દોડતી થઇ ગઈ હતી. જોકે unlock બાદ અમદાવાદમાં સૌથી મોટી ચોરીનો બનાવ બનતા ક્રાઈમ બ્રાન્ચ (crime branch) પણ આરોપીઓને પકડવા માટે કામે લાગી હતી. મહત્વની વાત તો એ કહી શકાય કે ગણતરીના કલાકોમાં જ આરોપી સુધી પહોંચવામાં પોલીસને સફળતા મળી છે.

ક્રાઈમ બ્રાન્ચે મૂળ બાયડના રહેવાસી એવા પ્રકાશ ઉર્ફે પકો સલાડ નામના આરોપીની ધરપકડ કરીને 1 રીક્ષા,  17 લાખ 70 હજાર રોકડા અને 4 લાખ 65 હજારના દાગીના કબ્જે કર્યા છે.

આરોપીએ તેના સાગરીત આરોપી કૈલાશ રાજગોર સાથે મળીને પાંચ દિવસ પહેલા રિક્ષા લઈને રેકી કરી હતી. અને તક મળતાં જ ધાબા પરથી નીચે ઉતરી અને રૂમમાં તિજોરીમાં પડેલા રોકડ અને દાગીના લઇને ફરાર થઈ ગયા હતા.

આ પણ વાંચોઃ-ચીને જાણીજોઈને લાખો કોરોના સંક્રમિત વિદેશમાં મોકલ્યાઃ અમેરિકી અધિકારી

ત્યારબાદ બંને આરોપીઓએ સરખા હિસ્સે મુદ્દામાલની વહેચણી કરી હતી. જોકે પ્રકાશ પકડાયો હોવાની જાણ થતાં જ આરોપી કૈલાશ રાજગોર ફરાર થઇ ગયો છે.

આ પણ વાંચોઃ-ચીનને જડબાતોડ જવાબ આપવા માટે Hero Cyclesએ લીધો મોટો નિર્ણય, રૂ.900 કરોડનો વેપાર કર્યો રદસૂત્રો પાસેથી મળેલ માહિતી પ્રમાણે આરોપી પ્રકાશને પોલીસમાં ભરતી થવું હતું પરંતુ પાસના થતાં તે ભરતી થઈ શક્યો ન હતો. ત્યારબાદ કૈલાશ સાથે રહીને ચોરીના રવાડે ચડી ગયો.

આ પણ વાંચોઃ-PM મોદીએ લોન્ચ કરી આત્મનિર્ભર ભારત ઇનોવેશન ચેલેન્જ, રૂ. 20 લાખ સુધીનું મળશે ઈનામ

આરોપીના ગુનાઇત ઇતિહાસની વાત કરીએ તો વર્ષ 2015માં સાબરમતી અને સરદાર નગર પોલીસ સ્ટેશનમાં તેમજ વર્ષ 2018માં એરપોર્ટ પોલીસ સ્ટેશનમાં ઘરફોડ ચોરીના ગુનામાં પકડાઇ ચૂકેલો છે.