રાજ્યમાં પ્રદૂષણ અટકાવવા માટે ૨૫૦ CNG બસો ચલાવાશે: ફળદુ

News18 Gujarati
Updated: July 18, 2019, 7:14 PM IST
રાજ્યમાં પ્રદૂષણ અટકાવવા માટે ૨૫૦ CNG બસો ચલાવાશે: ફળદુ
પ્રતિકાત્મક તસવીર

આર.સી.બુક પણ દરેક જિલ્લામાં વિતરણને બદલે અમદાવાથી કરાય છે જેથી મોનીટરીંગના કારણે એક વર્ષમાં ૪૩ લાખ આર.સી.બુક ઘરે સુધી પહોંચાડાય છે.

  • Share this:
વાહન વ્યવહાર મંત્રી આર.સી. ફળદુએ જણાવ્યુ છે કે રાજય સરકારની જન કલ્યાણ લક્ષી યોજનાઓ અને નિતીઓને પરિણામે ગુજરાત સરકારની સમૃધ્ધિમાં વધારો થયો છે. અને નાગરિકોના જીવન ધોરણ ઉચુ આવવાથી વાહનોની સંખ્યામાં પણ ઉત્તરો ઉત્તર વધારો થઇ રહ્યો છે. નાગરિકોને વાહન વ્યવહારની સેવાઓ સત્વરે મળી રહે તે માટે ટેકનોલોજીના ઉપયોગ થકી આ સેવાઓ વધુ સરળ બનાવાઇ છે.

મંત્રી ફળદુએ વિધાનસભા ખાતે બંદરો અને વાહન વ્યવહાર વિભાગની માંગણીઓ રજૂ  કરતા કહ્યુ કે,  રાજયની આર.ટી.ઓ કચેરીમાં દૈનિક ૫૦ હજારથી વધુ લોકો વિવિધ સેવાઓ માટે મુલાકાત લે છે.  જેમાં વાહન સંબંધિત-૪૮ તથા લાયસન્સ સંબંધિત ૩૨ મળી કુલ -૮૦ સેવાઓ આર.ટી.ઓ કચેરી દ્વારા પૂરી પાડવામાં આવે છે જેમાં વાહન નોંધણી, પસંદગીના નંબરો, ટેમ્પરરી પરમીટ, સ્પેશીયલ પરમીટ ટેકસ વસુલાત/ વાંધા પ્રમાણપત્રની સેવાઓ પૂરી પડાય છે.

રાજય સરકારની હકારાત્મક નીતી તથા ટેકનોલોજીના ઉપયોગને લીધે વાહન વ્યવહારની આવક આજે રૂા. ૪૧૦૦ કરોડ સુધી પહોચી છે. ટૂક સમયમાં હાયપોથીફીકેશન કરેલની ૬ સેવા પણ ઓનલાઇન કરાશે

તેમણે કહ્યુ કે સમગ્ર દેશમાં લાયસન્સ સેવાની ગુણવત્તા સુધારવાની પહેલ રાજય સરકારે કરીને ઓટોમેટેડ ડ્રાઇવીંગ ટેસ્ટ ટ્રેકથી કરી છે રાજયમાં ૨૨ કચેરીમાં આવા ટેક કાર્યરત છે અને નવી ૧૪ કચેરીમાં આવા નવા ટ્રેકોનું નિર્માણ કરાશે. આર.સી.બુક પણ દરેક જિલ્લામાં વિતરણને બદલે અમદાવાથી કરાય છે જેથી મોનીટરીંગના કારણે એક વર્ષમાં ૪૩ લાખ આર.સી.બુક ઘરે સુધી પહોંચાડાય છે. રાજયના વાહનો પર કર માટે રાજય સરકારે વર્ષે ૨૧૮૫૩.૧૩ લાખની જોગવાઇ કરી છે.

આર.સી. ફળદુએ ઉમેર્યું કે, રાજયના નાગરિકોને પરિવહન  સેવાઓ પૂરી પાડવા માટે ગુજરાત રાજય માર્ગ વાહન વ્યવહાર નિગમ દ્વારા ૧૨૮ ડેપો તથા ૨૨૬ બસ સ્ટેશન દ્વારા ૮૩૦૯ બસો થકી દૈનિક ૩૩ લાખ કિ.મી.નું સંચાલન કરીને ૯૯ ટકા ગ્રામ્ય વિસ્તારને આવરી લેવાયા છે. નિગમની જરૂર મુજબ બસોની બોડી ઇન હાઉસ તૈયાર કરાય છે.  એક માસમાં ૧૭૦ બસો તૈયાર કરાય છે. અત્યાર સુધીમાં ૧૬૫૦ બસો તૈયાર કરીને સંચાલનમાં મૂકી દેવાય છે. વિદ્યાર્થીઓ,  વિકલાંગો, કેન્સર, થેલેસીમીયા, અંધજનો, સ્વતંત્ર સેનાનીઓ, પત્રકારોને રાહત દરે પરિવહન સેવાઓ પૂરી પાડવામાં આવે છે.  ગરીબ મધ્યમ વર્ગના મુસાફરો માટે લગ્ન પસંગે સસ્તા દરે એસ.ટી.બસ સુવિધા આપવામાં આવે છે. જેમાં ૪૬૫૬ પરિવારોને લાભાન્વિત કરાય છે.

તેમણે કહયુ કે, ઓછા દરે ઝડપી સેવાઓ પુરી પાડવા ૨૩૫ નવીન મેટ્રો લીંક સર્વિસનું વિસ્તરણ કરી જીલ્લા અને તાલુકાઓને જોડતી ૪૧૨ લીંક સર્વિસનું સંચાલન કરાય છે.જન ભાગીદારીથકી આધુનિક ૭ બસ સ્ટેશનોનું નિર્માણ કરાયુ છે. ૧૪ બસ સ્ટેશનના કામો પ્રગતિ હેઠળ છે. છેલ્લા ચાર વર્ષમાં રૂા.૩૮૩.૭૨ કરોડના ખર્ચે ૭૯ બસ સ્ટેશનો બનાવીને જનતા માટે મુલ્લા મૂકયા છે.  પ્રદૂષણ  નિયંત્રણ માટે અમદાવાદ- ગાંધીનગર બન્ને શહેરો વચ્ચે ૫૫ ઇલેકટ્રીક બસો તથા વિવિધ  જીલ્લામાં પોઇન્ટ ૩ સર્વિસ તરીકે ૨૫૦ સી.એન.જી. બસો સંચાલનમાં મૂકાશે.

ફળદુએ કહયુ કે, મુસાફરોને ઓન લાઇન બુકીંગ  થકી ઘરે બેઠા રીજર્વેશન માટે ઈ-બુકીંગ ફેન્ચાયસી બુકીંગ સહિત કાઉન્ટર બુકીંગની સુવિધા ઉપલબ્ધ કરાવાઇ છે. જેના દ્વારા નિગમને રૂા. ૧૬૧ કરોડની આવક થઇ છે.  ઉપરાંત ઓન લાઇન બુકીંગમાં ૪૨૪૭ ટ્રીપોમાં મુસાફરી કરી ૬૦ દિવસ અગાઉ  રીઝર્વેશન કરાવી શકે છે. રોજના ૧.૬૭ લાખ મુસાફર પાસ  ૫.૫૧ લાખ વિદ્યાર્થીઓને  રાહત દરના પાસ  નવા ગ્રામીણ વિસ્તારની ૪.૧૨ લાખ વિદ્યાર્થીઓને મફત મુસાફરી પાસનો લાભ આપવામાં આવી રહયો છે. તેમ માન. વાહન વ્યવહાર મંત્રીએ ઉમેર્યુ છે.
First published: July 18, 2019
વધુ વાંચો
अगली ख़बर
corona virus btn
corona virus btn
Loading