હિતેન્દ્ર બારોટ, ગાંધીનગરઃ રાજ્ય સરકારે ઇ સ્ટેમ્પિંગ સેવાની શરૂઆત કરવાનો ઐતિહાસિક નિર્ણય લીધો છે. સ્ટેમ્પ પેપરના વેચાણ દરમિયાન થતા કાળા બજારને ડામવા માટે રાજ્ય સરકારે આ નિર્ણય લીધો છે. આ માટે રાજ્ય સરકાર કેટલાક સેન્ટરો તૈયાર કર્યા છે જ્યાંથી સ્ટેમ્પની ખરીદી કરી શકાશે.
પ્રાપ્ત વિગત પ્રમાણે સ્ટેમ્પ પેપરના વેચાણ દરમિયાન કાળા બજારના પ્રશ્નો, કૃત્રિમ અછત, ગેરરીતિ તથા છેતરપીંડિ સહિતની ફરિયાદો ઉઠવા પામી હતી. આ ફરિયાદોને નિવારવા માટે રાજ્ય સરકારે ઇ સ્ટેમ્પિંગ કરવાનો નિર્ણય લીધો છે. જે અંતર્ગત સ્ટેમ્પ વેન્ડર સીએ, સીએસ કોમન સર્વિસ સેન્ટર નોટરીની ઓફિસમાં ઇ સ્ટેમ્પિંગની સુવિધા શરૂ કરવામાં આવશે.
