Home /News /madhya-gujarat /

અમદાવાદ : કોંગ્રેસમાં ફરી ડખો, વિપક્ષના નેતા તરીકે શહેજાદ પઠાણનું નામ આવતા 11 કોર્પોરેટરના રાજીનામાં

અમદાવાદ : કોંગ્રેસમાં ફરી ડખો, વિપક્ષના નેતા તરીકે શહેજાદ પઠાણનું નામ આવતા 11 કોર્પોરેટરના રાજીનામાં

શહેઝાદ ખાન પઠાણે જણાવ્યું હતું કે હું નારાજ કોર્પોરેટરને મળવા જઈશ. પાર્ટી માટે હું તમામ કોર્પોરેટરને મળી (ફાઇલ ફોટો)

Gujarat Congress - મ્યુનિસિપલ કોર્પોરેશનમાં વિપક્ષના નેતા બનાવવા માટે આંતરિક જૂથવાદ જોવા મળી રહ્યો છે

    અમદાવાદ : ગુજરાત કોંગ્રેસમાં (Gujarat Congress)ફરી એક વખત કકળાટ સામે આવ્યો છે. મ્યુનિસિપલ કોર્પોરેશનમાં વિપક્ષના નેતા બનાવવા માટે આંતરિક જૂથવાદ જોવા મળી રહ્યો છે. અમદાવાદ મહાનગર પાલિકા (AMC)ના વિપક્ષના નેતા (Leader of Opposition)તરીકે દાણીલીમડાના કોંગ્રેસ કોર્પોરેટર શહેઝાદ ખાન પઠાણ (Shehzad Khan Pathan)નું નામ લગભગ નક્કી થઇ ગયું છે. આ નામની જાહેરાત થતા જ 10 કાઉન્સિલરોએ વિરોધ નોંધાવ્યો છે અને રાજીનામા આપ્યા છે.

    કોંગ્રેસમાં જૂથવાદ

    કમળાબેન ચાવડા, રાજશ્રી કેસરી, હાજી મિર્જા, જમના વેગડા, માધુરી કલાપી, કામિનીબેન ઝા, નીરવ બક્ષી, ઇકબાલ શેખ, તસ્લીમ તિર્મિઝી, ઝુલ્ફીખાન પઠાણે રાજીનામાં આપ્યા છે. અમદાવાદ મહાનગર પાલિકાના કોંગ્રેસ કાઉન્સિલરો વચ્ચે બે ગ્રુપ પડી ગયા છે. બન્ને ગ્રુપ આમને સામને આવી ગયા છે અને વિપક્ષ પદ માટે ઘમાસાણ ચાલી રહ્યું છે. શહેઝાદ ખાન પઠાણ નામ ચર્ચા થતા એક જૂથ નારાજ જોવા મળી રહ્યું છે. કારણ કે, બીજા જૂથે ઇકબાલ શેખ અને કમળાબહેન ચાવડા નામ પર સહમતી દર્શાવી હતી.

    આ પણ વાંચો - અમદાવાદ : ગેસ રિફલિંગ કરી કોમર્શિયલ ગેસ સિલિન્ડર વેચવાનું કૌભાંડ, 248 ગેસ સિલિન્ડર સાથે ત્રણ ઝડપાયા

    શહેઝાદ ખાન પઠાણે શું કહ્યું

    આ મુદ્દે દાણીલીમડાના કોંગ્રેસ કોર્પોરેટર શહેઝાદ ખાન પઠાણે જણાવ્યું હતું કે હું નારાજ કોર્પોરેટરને મળવા જઈશ. પાર્ટી માટે હું તમામ કોર્પોરેટરને મળીશ. કમળાબેનના તમામ આરોપ ખોટા છે. હું પાર્ટી માટે સમાધાન કરવા તૈયાર છું. હું મેં કોઇની સાથે ખરાબ વ્યવહાર કર્યો નથી. હું બધા કોર્પોરેટને માન સન્માન આપું છું.

    કોંગ્રેસ નેતા સી જે ચાવડાએ આ મુદ્દે જણાવ્યું હતું કે બે નિરીક્ષકો નિમાયા છે જેમાં એક હું અને બીજા નરેશ રાવલ છે'. જે કઈ હશે તેનો આગામી સમયમાં નિર્ણય લેવાશે. રાજીનામાની કોઇ વાત નથી.

    આ પણ વાંચો - Happy Birthday: રાજ્યમાં ડ્રગ્સ સામે જંગે ચડનારા હર્ષ સંઘવી એક સમય હતા ચેન સ્મોકર

    દર વર્ષે વિપક્ષ નેતા બદલાશે

    અમદાવાદ મહાનગર પાલિકા વિપક્ષ નેતા માટે પ્રદેશ કોંગ્રેસ દ્વારા એક નવી ફોર્મ્યુલા બનાવી છે. જેમા દર વર્ષે વિપક્ષ નેતા બદલાશે. આમ ચાર વર્ષ માટે ચાર વિપક્ષ નેતા રહેશે. પહેલા એક વર્ષ માટે મુસ્લિમ, બીજા વર્ષ માટે દલિત, ત્રીજા વર્ષ માટે મુસ્લિમ અને ચોથા વર્ષ માટે ફરી એકવાર દલિત કાઉન્સિલરને વિપક્ષ નેતા બનાવામા આવશે.
    Published by:Ashish Goyal
    First published:

    Tags: Gujarat Congress, કોંગ્રેસ, ગુજરાત

    આગામી સમાચાર