અમદાવાદમાં સાયન્સ સિટીની વિઝિટ ફી માં બેફામ વધારો જનતા લૂંટ સમાન - અર્જૂન મોઢવાડિયા

અમદાવાદ : અમદાવાદમાં સાયન્સ સિટીમાં (Ahmedabad  Science City visit) વિઝિટ ફી માં બેફામ વધારો કરવામાં આવ્યો છે. આ અંગે કોંગ્રેસના નેતા અર્જૂનભાઇ મોઢવાડિયાએ જણાવ્યું હતું કે સાયન્સ સિટીમાં (Ahmedabad  Science City )સુવિધાઓના નામ પર પ્રતિ વ્યક્તિ વિઝિટ ખર્ચ 1850 રૂપિયા થાય એટલી ઉંચી ફી લાદી દીધી છે. કોંગ્રેસ નેતા અર્જૂન મોઢવાડિયાએ (Arjun Modhwadia) જણાવ્યું હતું કે પહેલા માત્ર 20 રૂપિયા એન્ટ્રી ફી અને 20 રૂપિયા પાર્કિગ ફી વસુલવામાં આવતી હતી. જેની સામે હવે 50 રૂપિયા એન્ટ્રી ફી અને ₹50 પાર્કિંગ ફી સાથે રોબોટિક ગેલેરી વિઝિટ ફી ₹250, એક્વાટિક ગેલેરી વિઝિટ ફી ₹250, 3D સ્કેનર/પેન્ટર વિઝિટ ફી ₹500, રોબો પેન્ટર વિઝિટ ફી ₹200 સહિતની અલગ અલગ ફી ના નામે પ્રતિ વ્યક્તિ દીઠ ₹1850 રૂપિયા વસુલવામાં આવશે.

મોઢવાડિયાએ જણાવ્યું હતું કે સામાન્ય ભાષામાં સમજીએ તો માત્ર ચાર વ્યક્તિનો પરિવાર સાયન્સ સિટીની વિઝિટ માટે જાય તો પણ ₹7400 જેટલો ખર્ચો થાય એટલી ઉંચી ફી લાદવામાં આવી છે, એટલે ગરીબ અને મધ્યમ વર્ગનો કોઈ વ્યક્તિ સાયન્સ સિટીમાં વિઝીટ તો દુર તે બાજુ ડોકાવવાની પણ હિમ્મત ના કરી શકે. આ માત્ર વિઝિટ ફી માં વધારો નહી, ઉઘાડી લૂંટ છે. સાથે જ બાળકોમાં વૈજ્ઞાનિક અભિગમ વિકસાવવાના સાયન્સ સિટીના મૂળ ઉદ્દેશ્યની પણ હત્યા છે. લોકશાહીનું ગળુ ઘોટી બિઝનેસ મોડલ આધારીત કંપની રાજ લાદી દેવાનું ષડયંત્ર છે.

આ પણ વાંચો - Success Story: રસ્તા પર ઝાડુ લગાવનાર સફાઇકર્મી આશા બની RAS અધિકારી





સાયન્સ સિટી, અમદાવાદમાં નવી વિઝિટ ફી

એન્ટ્રી ફી - 50 રૂપિયા
કાર પાર્કિગ ફી -50 રૂપિયા
રોબોટિક ગેલેરી - 250 રૂપિયા
એક્વાટિક ગેલેરી - 250 રૂપિયા
3D સ્કેનર/પેન્ટર - 500 રૂપિયા
રોબો પેન્ટર - 200 રૂપિયા

VR - 2005D રૂપિયા
થિએટર - 150 રૂપિયા
અન્ય રાઈડસ - 200 રૂપિયા

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad Science city, Ahmedabad Science City visit, Arjun Modhwadia, Science city, અમદાવાદ