Home /News /madhya-gujarat /

આત્મનિર્ભર યોજના હેઠળ શિક્ષકો પાસે લોન અપાવવાના નામે કૌભાંડ? ત્રિપદા સ્કૂલ સંચાલકની સંડોવણીનો આક્ષેપ

આત્મનિર્ભર યોજના હેઠળ શિક્ષકો પાસે લોન અપાવવાના નામે કૌભાંડ? ત્રિપદા સ્કૂલ સંચાલકની સંડોવણીનો આક્ષેપ

ત્રિપદા સ્કૂલ ફાઈલ તસવીર

Ahmedabad Crime News: આ સંચાલક અર્ચિત ભટ્ટ સામે છેતરપીંડીનો (fraud) આરોપ તેમની સ્કૂલમાં રહી ચૂકેલા શિક્ષક વિનોદ ચાવડાએ લગાવ્યો છે.

અમદાવાદ: શહેરના ઘાટલોડિયા (Ghatalodia) વિસ્તારમાં આવેલી ત્રિપદા સ્કૂલના (tripada school) સંચાલક વિવાદમાં આવ્યા છે. આ સંચાલક અર્ચિત ભટ્ટ સામે છેતરપીંડીનો (fraud) આરોપ તેમની સ્કૂલમાં રહી ચૂકેલા શિક્ષક વિનોદ ચાવડાએ લગાવ્યો છે. જોકે બાદમાં વિનોદ ચાવડાને (Vinod Chavda) સ્કૂલમાંથી કાઢી મુકવામાં આવતા આ મામલે ફરિયાદ CM ઓફિસ સુધી પહોંચી છે. અને આ મામલે તપાસના આદેશ જિલ્લા શિક્ષણ અધિકરીને તપાસના આદેશ આપવામાં આવ્યા છે.

અમદાવાદની ઘાટલોડિયા વિસ્તારમાં આવેલી  ત્રિપદા હાઈસ્કૂલના સંચાલકો દ્વારા આત્મ નિર્ભર સહાય યોજના અંતર્ગત શિક્ષકોના નામે લોન લીધી હોવાની ઘટના સામે આવી છે. સ્કૂલે પહેલાં શિક્ષકોના પગાર અટકાવ્યા અને બાદમાં પગાર કરવાના નામે લોન લેવડાવવામાં આવી હોવાની મુખ્યમંત્રી સુધી ફરિયાદ પહોચી હતી. લોન લેવા બાબતે વાંધો ઉઠાવનાર શિક્ષકને નોકરીમાથી કાઢી મુકતા આ શિક્ષકે મુખ્યમંત્રીને ફરિયાદ કરી હતી.

શિક્ષકે કહ્યું કે જે લોન માટે રાજ્યભરમાં લાઈનો લાગતી હતી તે લોન અમને સરળતાથી માત્ર 4 દિવસમાં જ મળી ગઈ. અમને આચાર્ય દ્વારા કહેવામાં આવ્યું હતું કે તમારો પગાર કરવા માટે લોન લેવાની જરૂર છે. ચાર દિવસમાં લોનના એક લાખ ખાતામાં આવી જતા સ્કૂલ દ્વારા કોરા ચેકમાં શહી કરાવી રૂપિયા ત્રિપદા ટ્રસ્ટના ખાતામાં નખાવ્યા હતા.

આ પણ વાંચોઃ-Crime News: ગર્લફ્રેન્ડ પર ખરાબ નજર નાખી તો મિત્રએ આપી ખોફનાક સજા, પ્રેમ અને બ્લેકમેઇલનો ભયાનક કિસ્સો

અમારી સ્કૂલ ત્રિપદામાં આત્મનિર્ભર યોજના અંતર્ગત લોન માટે કેમ્પ લગાવવામાં આવ્યો હતો. ત્રિપદા સ્કૂલના સંચાલકે શાળાના 70 થી 80 જેટલા લોકોના નામે છેતરપિંડી કરી લોન લીધી છે, જેમને લોન મળવી જોઈએ એમના બદલે શિક્ષકોના નામે લોન લઈ લીધી હતી. અંદાજે ત્રિપદા સ્કૂલના સંચાલકોએ 80 લાખનું કૌભાંડ આચરી લોન લીધાનો શિક્ષકનો આક્ષેપ છે.

આ પણ વાંચોઃ-Prostituion: સુરતમાં ફરી એકવાર મીની થાઈલેન્ડ ઝડપાયું, આઠ વિદેશી યુવતીઓ સાથે ચારની ધરપકડ

શાળા સંચાલકોએ કૌભાંડ આચર્યાની મેં ફરિયાદ કરી છે. જોકે આ મામલે મે બાદમાં પૂછપરછ કરતા મને નોકરીમાંથી બરતરફ કરી દીધેલ છે.  બીજીતરફ આ મામલે સ્કૂલના સંચાલક અર્ચિત ભટ્ટને સ્કૂલ પર સંપર્ક કરતા તેઓ મળ્યા ન હતા. ટેલિફનીક વિગત જાણવાનો પ્રયાસ કરતા પણ તેઓએ જવાબ આપવાનું ટાળ્યું હતું. હાલ આ મામલે DEO ને તપાસના આદેશ આપવામાં આવ્યા છે.
Published by:ankit patel
First published:

Tags: Ahmedabad news, Crime news, Gujarati news

આગામી સમાચાર