PM મોદીએ કર્યુ કેવડિયા સ્ટેશનનું લોકાર્પણ, લીલી ઝંડી બતાવી પાંચ રાજ્યોથી ટ્રેનનો શુભારંભ કરાવ્યો

PM મોદીએ કર્યુ કેવડિયા સ્ટેશનનું લોકાર્પણ, લીલી ઝંડી બતાવી પાંચ રાજ્યોથી ટ્રેનનો શુભારંભ કરાવ્યો
આજે દિલ્હીથી વડાપ્રધાન મોદી ઇ-લોકાર્પણ કરશે, દેશના જુદા જુદા ખુણાથી કેવડિયા સુધી 8 ટ્રેનો દોડશે

આજે દિલ્હીથી વડાપ્રધાન મોદી ઇ-લોકાર્પણ કરશે, દેશના જુદા જુદા ખુણાથી કેવડિયા સુધી 8 ટ્રેનો દોડશે

  • Share this:
    વડાપ્રધાન નરેન્દ્ર મોદી આજે (PM Modi) ગુજરાતને વધુ એક ભેટ આપી હતી. ઑક્ટોબરમાં સ્ટેચ્યૂ ઓફ યુનિટી પહોંચવા માટે સી પ્લેન શરૂ કર્યું.અને આજે 17 જાન્યુઆરી થી ટ્રેન સેવા પણ શરૂ કરવામાં આવી.વડાપ્રધાન નરેન્દ્ર મોદીએ સવારે 11.00 કલાકે દેશના વિવિધ પ્રદેશો સાથે કેવડિયા સ્થિત સ્ટેચ્યૂ ઓફ યુનિટીને જોડતી 8 ટ્રેનોને વીડિયો કોન્ફરન્સના માધ્યમથી લીલીઝંડી આપી પ્રસ્થાન કરાવ્યું. વડાપ્રધાન દ્વારા ગુજરાતમાં રેલવેને લગતા અન્ય કેટલાંક પ્રોજેકટસનું પણ ઉદ્ઘાટન કરવામાં આવ્યું. આજે દિલ્હીથી 8 ટ્રેનની શરૂઆત કરાવી હતી.

    કેવડિયાથી મુખ્યમંત્રી વિજય રૂપાણી અને કેન્દ્રીય રેલવે મંત્રી પીયૂષ ગોયલ પણ જોડાશે. વડાપ્રધાન દ્વારા ડભોઇ-ચાંદોદ રૂપાંતરિત બ્રોડ ગેજ રેલવે લાઈન, ચાંદોદ- કેવડિયા નવી બ્રોડ ગેજ રેલવે લાઈન, પ્રતાપનગર- કેવડિયા નવા વિધુતીકરણ રેલ ખંડ તથા ડભોઇ, ચાંદોદ અને કેવડિયા સ્ટેશનોની નવી ઈમારતોનું ઉદ્ઘાટન કરવામાં આવશે. આ ઇમારતોને સ્થાનિક તેમજ આધુનિક મુસાફરોની સુવિધાઓ ને ધ્યાને રાખીને તૈયાર કરવામાં આવી છે. કેવડિયા ગ્રીન બિલ્ડિંગ સર્ટિફિકેટ ધરાવતું ભારતનું સૌપ્રથમ રેલ્વે સ્ટેશન છે.



    આ પણ વાંચો :  રાજકોટ : 14 વર્ષની દીકરીએ કહ્યું, 'હું કુંતી છું, મને સુર્યદેવના આશીર્વાદથી કર્ણ જેવો વીર પ્રતાપી પુત્ર પ્રાપ્ત થશે'

    આ પ્રોજેક્ટસના નિર્માણ ના કારણે નવી રોજગારી અને વ્યવસાયની તકો ઉપલબ્ધ થશે; જેના પરિણામે નજીકના આદિવાસી વિસ્તારોમાં વિકાસની પ્રવૃત્તિઓને વેગ મળશે. નર્મદા નદીના કાંઠે મહત્વપૂર્ણ ધાર્મિક અને પ્રાચીન તીર્થ સ્થળો સાથે પણ આ ટ્રેનો જોડશે જેના લીધે આ ક્ષેત્રના સામાજિક-આર્થિક વિકાસ માટે પ્રેરક બની રેહશે અને સ્થાનિક-આંતરરાષ્ટ્રીય પર્યટનમાં પણ વધારો થશે.

    આ પણ વાંચો :  અમદાવાદથી સ્ટેચ્યૂ ઑફ યુનિટી સુધી Vista dome Coach વાળી ખાસ ટ્રેન દોડશે, જાણો વિશેષતા

    વડાપ્રધાન નરેન્દ્ર મોદી દ્વારા ઈ-પ્રસ્થાન કરાવવામાં આવનારી 8 ટ્રેનો :

    1. ટ્રેન નં- 09103/04- કેવડિયા થી વારાણસી- મહામના એક્સપ્રેસ (સાપ્તાહિક)
    2. ટ્રેન નં- 02927/28- દાદર થી કેવડિયા - દાદર- કેવડિયા એક્સપ્રેસ (દૈનિક)
    3. ટ્રેન નં- 09447/48- અમદાવાદ થી કેવડિયા - જનશતાબ્દી એક્સપ્રેસ (દૈનિક)
    4. ટ્રેન નં- 09145/46- કેવડિયા થી હઝરત નિઝામુદ્દીન- નિઝામુદ્દીન- કેવડિયા સંપર્ક ક્રાંતિ એક્સપ્રેસ (દ્વિ-સાપ્તાહિક)
    5. ટ્રેન નં- 09105/06- કેવડિયા થી રીવા- કેવડિયા-રીવા એક્સપ્રેસ (સાપ્તાહિક)
    6. ટ્રેન નં- 09119/20- ચેન્નઈથી કેવડિયા- ચેન્નઈ-કેવડિયા એક્સપ્રેસ (સાપ્તાહિક)
    7. ટ્રેન નં- 09107/08- પ્રતાપનગર થી કેવડિયા- મેમૂ ટ્રેન (દૈનિક)
    8. ટ્રેન નં- 09109/10- કેવડિયા થી પ્રતાપનગર- મેમૂ ટ્રેન (દૈનિક)
    Published by:Jay Mishra
    First published:January 17, 2021, 09:18 am

    ટૉપ ન્યૂઝ