Home /News /madhya-gujarat /પરીક્ષા પે ચર્ચા : ભાવનગરના શિક્ષિકા બોલ્યા, 'મારા માટે સુવર્ણ તક, બગાસું ખાતા પતાસું મળ્યું'

પરીક્ષા પે ચર્ચા : ભાવનગરના શિક્ષિકા બોલ્યા, 'મારા માટે સુવર્ણ તક, બગાસું ખાતા પતાસું મળ્યું'

ગુજરાતના 42 વિદ્યાર્થીઓ અને 5 શિક્ષકો કાર્યક્રમમાં ભાગ લેવા માટે રવાના થશે. ભાવનગરની મુક્તાલક્ષ્મી શાળાના સાયન્સ ટીચરે કહ્યું, 'મને બગાસું ખાતા પતાસું મળ્યું'

ગુજરાતના 42 વિદ્યાર્થીઓ અને 5 શિક્ષકો કાર્યક્રમમાં ભાગ લેવા માટે રવાના થશે. ભાવનગરની મુક્તાલક્ષ્મી શાળાના સાયન્સ ટીચરે કહ્યું, 'મને બગાસું ખાતા પતાસું મળ્યું'

    અમદાવાદ : વડાપ્રધાન મોદી આ વર્ષે 20મી જાન્યુઆરીના રોજ નવી દિલ્હીના તાલ્કાતોરા સ્ટેડિયમ ખાતે "પરીક્ષા પે ચર્ચા 2020" કાર્યક્રમમાં દેશભરમાંથી આવેલા વિદ્યાર્થીઓ અને શિક્ષકો સાથે "ટાઉન હોલ" કરશે. વિદ્યાર્થીઓમાં પરીક્ષાનો ડર દૂર કરવા માટે વડાપ્રધાન મોદી સતત ત્રીજા વર્ષે આ કાર્યક્રમ કરી રહ્યા છે. આ કાર્યક્રમ 20મી જાન્યુઆરીના રોજ સવારે 11 કલાકે યોજાશે. દેશભરની શૈક્ષણિક સંસ્થાઓ અને સ્કૂલોમાં આ કાર્યક્રમનું જીવંત પ્રસારણ કરવામાં આવશેરાજ્યમાંથી આ વર્ષે 42 વિદ્યાર્થીઓ અને 5 શિક્ષકો વડાપ્રધાન મોદીના કાર્યક્રમમાં ભાગ લેવા જવાના છે. આ કાર્યક્રમમાં ભાગ લેવા જઈ રહેલા શિક્ષિકા રેખાબેન ગોસ્વામીએ ન્યૂઝ 18 સાથે વાતતીચ કરી હતી.

    તેમણે એક ખાસવાતચીતમાં જણાવ્યું “ હું ભાવનગરની મુક્તા લક્ષ્મી મહિલા વિદ્યાલયમાં 23 વર્ષથી સાયન્સ ટીચર તરીકે અભ્યાસ કરાવું છું. ગાંધીનગરમાંથી શાળાઓના કમિશનર દ્વારા મારી પસંદગી કરવામાં આવી છે. સમગ્ર ભારતના 1037 વિદ્યાર્થીઓમાંથી રાજ્યના 42 વિદ્યાર્થીઓ સાથે 5 શિક્ષકો જશે તેમાની એક હું છું. જ્યારથી દેશ આઝાદ થયો ત્યારબાદ નરેન્દ્ર મોદી પ્રથમ વડાપ્રધાન છે જે બાળકો સાથે પરીક્ષાના મુદ્દે કરે છે. દરેક રાજ્યોના બાળકો એકબીજાને મળે તેમના પ્રશ્નો રજૂ કરે અને આ અભિગમથી કઈક નવું જાણવા મળે.”

    આ પણ વાંચો : પરીક્ષા પે ચર્ચા 2020 : 60થી વધારે બાળકો PM મોદીને પૂછશે સવાલ

    મને બગાસું ખાતા પતાશું મળ્યું

    રેખાબેન ગોસ્વામીએ ઉમેર્યુ હતું કે 'મારા માટે આ સુવર્ણ તક છે. ગુજરાતમી કહેવત છે કે મને બગાસુ ખાતા પતાસુ મળ્યું છે. મને સુવર્ણ તક મળી છે બાળકો સાથે રહીને હું જે શીખીશ તે મારા વિદ્યાર્થીઓને પણ કામ આવશે. આ પ્રયોગ બાળકો માટે ખૂબ કારગર નિવડશે.'
    First published:

    विज्ञापन
    विज्ञापन