Home /News /madhya-gujarat /

અમદાવાદ સોલા સિવિલ હોસ્પિટલમાં ઓક્સિજન કૌભાંડ! કોરોનાને રૂપિયા છાપવાનો અવસર માન્યો

અમદાવાદ સોલા સિવિલ હોસ્પિટલમાં ઓક્સિજન કૌભાંડ! કોરોનાને રૂપિયા છાપવાનો અવસર માન્યો

અમદાવાદ સોલા સિવિલ હોસ્પિટલમાં ઓક્સિજન કૌભાંડ!

અમદાવાદ સોલા સિવિલ હોસ્પિટલમાં એક જ કંપનીના બે અલગ અલગ ભાવે ઓક્સિજનની ખરીદી કરવામાં આવી છે

અમદાવાદ : દેશમાં એક તરફ કોરોનાના કેસ વધી રહ્યા છે. ક્રિટિકલ દર્દીઓનો પણ વધારો થઈ રહ્યો છે જેમને સતત ઓક્સિજન આપવો પડતો હોય છે. ત્યારે કોરોનાના કપરા કાળમાં પણ કેટલાક લોકો કોરોનાના સમયને રૂપિયા છાપવાનો અવસર બનાવી દીધો છે. જેમાં તબીબી ક્ષેત્રના અને મેડિકલ માફિયાઓની સીધી સંડોવણી જાહેર થાય તો નવાઈ નહીં.

અમદાવાદ સોલા સિવિલ હોસ્પિટલમાં એક જ કંપનીના બે અલગ અલગ ભાવે ઓક્સિજનની ખરીદી કરવામાં આવી છે. તબીબી ઓક્સિજન ખરીદીના દસ્તાવેજો તે પ્રાપ્ત કરેલા ભાવમાં વિસંગતતા દર્શાવે છે. રાજ્યભરની મેડિકલ કોલેજ અને હોસ્પિટલમાં કોરોનાના સમયે ઓક્સિજનની માંગમાં વધારો થયો છે. માંગ વધતા ઓક્સિજનની કિંમતમાં પણ વધારો થયો છે. ત્યારે સોલા સિવિલ હોસ્પિટલમાં કોરોના આવે તે પહેલાં જ જીએમઆરએસ સોલા સિવિલ હોસ્પિટલ ખાતે લિક્વિડ ઓક્સિજનની ખરીદીએ તેના ભાવો અંગે પ્રશ્નો ઉભા કર્યા છે.

સોલા સિવિલ હોસ્પિટલમાં મેડિકલ ઓક્સિજન ખરીદીના દસ્તાવેજોની તપાસમાં બહાર આવ્યું કે હોસ્પિટલ દ્વારા પ્રવાહી ઓક્સિજન ખરીદેલ દરમાં વિસંગતતા સૂચવે છે. એક જ તારીખ સાથેના બે અલગ બીલ મળ્યાં છે, પરંતુ તે જ ઉત્પાદન માટેના જુદા જુદા દરો સાથે. આઈઓઓએક્સ એર પ્રોડક્ટ્સે ગુજરાત મેડિકલ સર્વિસીસ કોર્પોરેશન લિમિટેડ (જીએમએસસીએલ) દ્વારા સોલા સિવિલમાં ઓક્સિજન સપ્લાય કરવાનો કરાર કર્યો હતો.

આ પણ વાંચો - IPL 2020: જાણો કોણ છે એક ઓવરમાં 5 સિક્સર ફટકારનાર રાહુલ તેવાટિયા?

5 ફેબ્રુઆરી, 2020ના બિલ મુજબ, સોલા સિવિલ હોસ્પિટલે 9,201.50 ઘનમીટર ઓક્સિજનને દર ઘનમીટર 10.67 ના દરે ખરીદ્યો. તેની કિંમત 98,180 રૂપિયા થઈ. 6% સીજીએસટી અને 6% એસજીએસટી (રૂ. 5,890 દરેક) સાથે, ઇનવોઇસ મુજબ કુલ રકમ 1,09,961 રૂપિયા હતી. આ જાન્યુઆરી 1 થી 31 સુધીનો સમયગાળો હતો. પરંતુ પ્રતિ ઘનમીટર ઓક્સિજનનો દર અને ખરીદેલો જથ્થો બદલાઈ ગયો હતો. આના રૂ 2,41,676 ના કુલ બિલ સાથે 14,10 રૂપિયા પ્રતિ ક્યુબિક મીટરના દરે 15,303 ક્યુબિક મીટરની ખરીદી જોવા મળી હતી. આ સૂચવે છે કે જ્યારે જથ્થો ઓછો હતો, ખર્ચ ઓછો હતો, પરંતુ જ્યારે જથ્થો વધતો ગયો ત્યારે ચાર્જ પણ વધ્યો.

આ અંગે આઈનોક્સ એર પ્રોડક્ટ્સનો સંપર્ક કરવાનો પ્રયાસ કર્યો, પરંતુ તેમનો સંપર્ક થઈ શક્યો નહીં. જ્યારે હોસ્પિટલના મેડિકલ સુપ્રિટેન્ડેન્ટ પીના સોનીનો અમે સંપર્ક કરવાનો પ્રયત્નો કર્યો તો તેમને કોરોના પોઝિટિવ હોવાનું જણાવ્યું હતું. બીજી તરફ તબીબી અધિકારી ઉપેન્દ્ર પટેલે ફોન રીસિવ કર્યો ન હતો.6

આ સમગ્ર ઓક્સિજન કૌભાંડ એક અંગ્રેજી અખબાર દ્વારા ઉજાગર કરવામાં આવ્યું છે. ત્યારે આવનારા દિવસોમાં માત્ર સોલા સિવિલ હોસ્પિટલ પૂરતું સીમિત નહીં પરંતુ સમગ્ર રાજ્યની મેડિકલ હોસ્પિટલમાં આ કૌભાંડ આવે તો નવાઈ નહી.
Published by:Ashish Goyal
First published:

Tags: Sola civil hospital, અમદાવાદ

विज्ञापन

विज्ञापन

આગામી સમાચાર

विज्ञापन
विज्ञापन