4-5 માર્ચે PM મોદી ગુજરાત પ્રવાસે, કરશે અનેક મહત્વકાંક્ષી પ્રોજેક્ટનું ખાતમુહૂર્ત

ગાંધીનગર: આખા દેશમાં જ્યારે ભારતીય એર ફોર્સે પાકિસ્તાનમાં આતંકવાદીઓનાં ઠેકાણે કરેલી એર સ્ટ્રાઇકની ખુશી છવાયેલી છે. ત્યારે પીએમ નરેન્દ્ર મોદી રાજ્યનાં બે દિવસનાં પ્રવાસે આવી રહ્યાં છે. તેઓ તારીખ 4 અને 5 માર્ચનાં રોજ આવી રહ્યા છે. બે દિવસના રોકાણ દરમિયાન વડાપ્રધાન કેટલીક યોજનાઓનું લોકાર્પણ અને અનેક યોજનાઓનો શિલાન્યાસ કરશે.

હાલ જ્યારે ભારત પાકિસ્તાન વચ્ચે તણાવ ભર્યો માહોલ સર્જાયો છે તે છતાં વડાપ્રધાન લોકસભાની ચૂંટણીની જાહેરાત પહેલા ગુજરાતમાં આવી રહ્યા છે. નરેન્દ્ર મોદીનો મહત્વકાંક્ષી અને ડ્રીમ પ્રોજેક્ટ મેટ્રો ટ્રેન પ્રોજેક્ટ છે. વસ્ત્રાલથી એપરલ પાર્ક સુધીના 6 કિલોમીટરના રૂટનું ટ્રાયલ રન પણ પૂર્ણ કરી દેવાયું છે. હવે વડાપ્રધાન નરેન્દ્ર મોદી 5મી માર્ચે વસ્ત્રાલ મેટ્રો રેલવેના સ્ટેશનથી મેટ્રો ટ્રેનમાં બેસીને એપ્રિલ પાર્ક સુધી જશે. ત્યારબાદ નાગરિકો 6 કિલોમીટરના રૂટ પર મેટ્રો ટ્રેનની મુસાફરી માણી શકશે.

આ પણ વાંચો: અમિત શાહનું 'મિશન ગુજરાત' બે દિવસ ગુજરાતના કાર્યકર્તાઓ સાથે ચર્ચા કરશે

વડાપ્રધાનનો બે દિવસનો સંભવિત કાર્યક્રમ જાહેર થયો છે. પીએમ મોદીનો 4 અને 5 માર્ચેનો સમગ્ર કાર્યક્રમ નીચે પ્રમાણે છે.

4 માર્ચનો કાર્યક્રમ

• સવારે 11.30 કલાકે પીએમ જામનગર પહોંચશે.


• પીએમ મોદી 750 પથારીની ગુરુ ગોવિંદ સિંહ હોસ્પિટલનું ઉદ્ઘાટન કરશે.


• સૌની પ્રોજેકટનું પણ ઉદ્ઘાટન કરશે.


• જામનગરમાં જનસભાનું પણ સંબોધન કરશે.


• બપોર પીએમ જામનગરથી રવાના થઇ અમદાવાદ પહોંચશે.


• અમદાવાદમાં વિશ્વ ઉમિયાધામ કોમ્પ્લેક્ષનું ભૂમિપૂજન કરશે.


• ત્યાંથી વસ્ત્રાલ ગામ મેટ્રો સ્ટેશન પહોંચશે અને ત્યાં મેટ્રો પ્રોજેક્ટનું ઉદ્ઘાટન કરશે.


• મેટ્રો પ્રોજેક્ટના બીજા તબક્કાનું ભૂમિપૂજન કરશે.


• મેટ્રોમાં સવારી કરી પીએમ મોદી સાંજે સિવિલ હોસ્પિટલ ખાતે જનસભાને સંબોધન કરશે.


• 1200 પથારીની સિવિલની નવી બિલ્ડીંગનું લોકાર્પણ કરશે.


• આયુષમાન ભારતના લાભાર્થીઓ સાથે સંવાદ કરશે.


• પીએમ મોદી ગાંધીનગર ખાતે રાત્રી રોકાણ કરશે.

5 માર્ચનો કાર્યક્રમ

• પીએમ મોદી સવારે 10 કલાકે અડાલજ ખાતે શૈક્ષણિક સંકુલનું ભૂમિપૂજન કરશે.


• 11.30 કલાકે વસ્ત્રાલ ખાતે શ્રમયોગી માન ધન યોજનાની શરૂઆત કરશે.


• જનસભાને સંબોધન પણ કરશે.


• ત્યારબાદ બપોરે અમદાવાદ ઍરપોર્ટથી ઇન્દોર જવા રવાના થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Loksabha election 2019, Metro Rail, ગાંધીનગર`, ગુજરાત, નરેન્દ્ર મોદી