Home /News /madhya-gujarat /

પેપર લીક: પીએસઆઈની પુત્રી છે રુપલ, બાળકો થયા નિરાધાર

પેપર લીક: પીએસઆઈની પુત્રી છે રુપલ, બાળકો થયા નિરાધાર

લોકરક્ષક દળ ભરતી પરીક્ષાના પેપર લીકમાં આરોપી તરીકે રૂપલ શર્મા નામ સામે આવ્યું છે અને તેની ધરપકડ થઈ ચૂકી છે

લોકરક્ષક દળ ભરતી પરીક્ષાના પેપર લીકમાં આરોપી તરીકે રૂપલ શર્મા નામ સામે આવ્યું છે અને તેની ધરપકડ થઈ ચૂકી છે

    લોકરક્ષક દળ ભરતી પરીક્ષાના પેપર લીકમાં આરોપી તરીકે રૂપલ શર્મા નામ સામે આવ્યું છે અને તેની ધરપકડ થઈ ચૂકી છે. હવે એક નવી વાતનો ખુલાસો થયો છે કે રૂપલે બે બાળકોના નિર્વાહ માટે એલઆરડી પરીક્ષાનું પેપર લીક કર્યું હતું. જોકે તેની ધરપકડ થતા તેના બે નાના બાળકો નિરાધાર થઈ ચૂક્યા છે. હાલ આ બંને બાળકોને સંભાળવાની જવાબદારી ગાંધીનગર પોલીસ પર આવી છે.

    રૂપલનો પતિ બૂટલેગર હતો અને તેના ત્રાસથી જ તેણે પતિ પાસેથી છુટાછેડા લઈ લીધા હતા. હાલ તે પોતાના બે બાળકો સાથે ગાંધીનગર હોસ્ટેલમાં રહેતી હતી. જો કે, હવે આ બાળકોનું શું કરવું તે બાબત પોલીસ માટે હાલ પણ પરેશાનીનો વિષય બન્યો છે. હાલ કસ્ટડીમાં રહેલી રૂપલના બંને બાળકોને ગાંધીનગર પોલીસ સંભાળી રહી છે. રૂપલ જે હોસ્ટેલમાં રેક્ટર હતી ત્યાં જ 10 વિદ્યાર્થીઓને જવાબો આપ્યા હોવાનું પોલીસ તપાસમાં બહાર આવ્યું છે.

    આ પણ વાંચો - હોશિયાર ઉમેદવારોને ન્યાય મળે તે માટે પરીક્ષા રદ કરવા સિવાય કોઈ વિકલ્પ ન હતો: વિકાસ સહાય

    રૂપલની ધરપકડ બાદ પોલીસ રિમાન્ડ માગશે અને તપાસ થાય ત્યાં સુધી તે પોલીસ કસ્ટડીમાં જ રહેશે. ગઈકાલે પોલીસે રૂપલની પૂછપરછ કરી હતી તે સમયે તેના બંને બાળકોનું ધ્યાન પોલીસે રાખ્યું હતું અને તેઓને જમવાનું પણ પોલીસે આપ્યું હતું. હાલમાં એક મહિલા પોલીસ બંને બાળકોની સંભાળ કરી રહી છે. જો કે, ટૂંક સમયમાં તેના કોઈ નજીકના સગા બાળકોની કસ્ટડી લેવા માટે આવે તો પોલીસ તેનું વેરિફિકેશન કરીને બાળકોની તેમને સોંપી શકે છે.

    આ પણ વાંચો - 'યશપાલસિંહ છે મુખ્ય સૂત્રધાર, પેપર દિલ્હીથી ફૂટ્યું '

    પેપરલીક કૌભાંડમાં જેનું નામ બરાબરનું ઉછળ્યું છે તે રૂપલના પિતા એસઆરપીમાં પીએસઆઈ હતા. તેમના પિતાનું અવસાન થઇ ગયું છે. જ્યારે માતા નડીયાદમાં રહે છે અને ભાઈ રેલવે પોલીસમાં નોકરી કરે છે.
    Published by:Ashish Goyal
    First published:

    Tags: Know About Rupal Sharma, Lokrakshak paper leak, Lokrakshak paper leak scam, Paper leak, Rupal Sharma

    विज्ञापन

    विज्ञापन

    આગામી સમાચાર

    विज्ञापन
    विज्ञापन