Home /News /madhya-gujarat /

જયરાજસિંહ પરમારના સમર્થનમાં ગુજરાત NSUI અને યુથ કોંગ્રેસમાં ભૂકંપ

જયરાજસિંહ પરમારના સમર્થનમાં ગુજરાત NSUI અને યુથ કોંગ્રેસમાં ભૂકંપ

150 બીજા હોદ્દેદારો જયરાજસિંહ પરમાર સાથે ભાજપનો ખેસ પહેરશે

ગુજરાત NSUI અને યુથ કોંગ્રેસમાંથી પણ લગભગ 150 હોદેદારો રાજીનામાં ધરી ભાજપનો ખેસ પહેરવા તૈયાર થયા છે.

    કોંગ્રેસના (Gujarat Congress) પૂર્વ દિગ્ગજ નેતા જયરાજસિંહ પરમારે (Jayrajsinh Parmar joins BJP) આખરે જાહેરાત કરી દીધી છે કે, તે મંગળવારે બીજેપીમાં (Gujarat BJP) જોડાશે. જયરાજસિંહે ભાજપમાં જોડાવાની જાહેરાત કરતા સોશિયલ મીડિયામાં ટ્વિટ કરીને આ અંગેની મહત્ત્વની જાણ કરી છે. ત્યારે જયરાજસિંહ પરમારના સમર્થનમાં ગુજરાત NSUI અને યુથ કોંગ્રેસમાં ભૂકંપ આવી ગચો છે અને રાજીનામાનો દોર શરૂ થઇ ગયો છે.

    જયરાજસિંહ પરમારે કોંગ્રેસનો સાથ છોડ્યા બાદ તેમના સમર્થકો પણ હવે કોંગ્રેસથી મુક્ત થવા રાજીનામાં આપી રહ્યા છે. જયરાજસિંહે આ અંગેની માહિતી આપતા જણાવ્યુ કે, 'મારા કુળદેવી શ્રી હરસિધ્ધ ભવાની માતાજી અને ગામદેવી શ્રી અજાય માતાના તથા મારા ગુરુના આશીર્વાદ સાથે હું તારીખ 22-02-2022 ને મંગળવારના રોજ સવારે 11 .00 કલાકે શ્રી કમલમ્ ખાતે ભારતીય જનતા પાર્ટીમાં જોડાઈ રહ્યો છું. આ દરમિયાન હવે ગુજરાત NSUI અને યુથ કોંગ્રેસમાંથી પણ લગભગ 150 હોદેદારો રાજીનામાં ધરી ભાજપનો ખેસ પહેરવા તૈયાર થયા છે.

    આ પણ વાંચો- ગીર-સોમનાથમાં ગોવા જેવી દારૂ પાર્ટી, છાકટા બનેલા યુવકોએ વરઘોડામાં દારૂની છોડો ઉડાડી

    ગુજરાત NSUI અને યુથ કોંગ્રેસમાંથી જયેશ દેસાઈ (પૂર્વ સેનેટ સભ્ય - ગુજરાત યુનિવર્સિટી), સાહિલ જોશી (ઉપપ્રમુખ - ઘાટલોડિયા વિધાનસભા યુથ કોંગ્રેસ), શક્તિરાજસિંહ ચૌહાણ (મહામંત્રી - અમદાવાદ યુથ કોંગ્રેસ), સુરજ રાજપૂત (મહામંત્રી - બોપલ યુથ કોંગ્રેસ), આ તમામ હોદ્દેદારો સાથે 150 બીજા હોદ્દેદારો જયરાજસિંહ પરમાર સાથે ભાજપનો ખેસ પહેરશે.



    'મે પક્ષ છોડ્યો છે રાજનીતિ નહીં'

    જયરાજસિંહ પરમારે આ અંગેની જાહેરાત કર્યા પછી ન્યૂઝ18 ગુજરાતી સાથેની પ્રથમ વાતચીતમાં તેમણે જણાવ્યું કે, હું વ્યાસપીઠ પર આવીને કથા કરવા નથી આવ્યો, એટલે જ મે પહેલા દિવસથી કહ્યું હતું કે, મે પક્ષ છોડ્યો છે રાજનીતિ નહીં. મંગળવારે હું ભાજપમાં જોડાઇશ. મેં નવી દિશા પકડી લીધી છે.
    Published by:rakesh parmar
    First published:

    Tags: BJP Vs Congress, Gujarat News

    विज्ञापन

    विज्ञापन

    આગામી સમાચાર

    विज्ञापन
    विज्ञापन