ગુજરાત હાઈકોર્ટે આરટીઇ પીઆઈએલ પરનો પોતાનો હુકમ અનામત રાખ્યો

ગુજરાત હાઈકોર્ટે આરટીઇ પીઆઈએલ પરનો પોતાનો હુકમ અનામત રાખ્યો
પ્રતિકાત્મક તસવીર

જાહેરહિતની અરજીમાં રાજ્યના શિક્ષણ અધિકારીઓને ગરીબ વિદ્યાર્થીઓ માટે શિક્ષણનો અધિકાર અધિનિયમ હેઠળ પ્રવેશ પ્રક્રિયા સમયસર સારી રીતે શરૂ કરવા દિશા નિર્દેશો માંગવામાં આવ્યા છે

  • Share this:
અમદાવાદ : ગુજરાત હાઈકોર્ટે આરટીઇ પીઆઈએલ પરનો પોતાનો હુકમ અનામત રાખ્યો છે. જે જાહેરહિતની અરજીમાં રાજ્યના શિક્ષણ અધિકારીઓને ગરીબ વિદ્યાર્થીઓ માટે શિક્ષણનો અધિકાર (આરટીઇ) અધિનિયમ હેઠળ પ્રવેશ પ્રક્રિયા સમયસર સારી રીતે શરૂ કરવા દિશા નિર્દેશો માંગવામાં આવ્યા છે. રાજ્ય સરકારે આરટીઇ કાયદા હેઠળ ખાનગી શાળાઓમાં આર્થિક રીતે નબળા વર્ગના વિદ્યાર્થીઓને પ્રવેશ માટેની પ્રક્રિયા શરૂ કરી નથી. દરેક ખાનગી શાળાને આ કાયદા હેઠળ વર્ગ 1 માં 25% ગરીબ વિદ્યાર્થીઓને પ્રવેશ આપવા ફરજિયાત છે.

અરજદાર-એડવોકેટ સંદિપ મુંજ્યસારાએ માર્ચમાં પીઆઈએલ દાખલ કરી હતી કે હાઈકોર્ટને આરટીઇ હેઠળ પ્રવેશ પ્રક્રિયા શરૂ કરવા માટે સરકારને ખરેખર સામાન્ય અભ્યાસક્રમ શરૂ કરવામાં આવે તે પહેલાં નિર્દેશ આપવા તાકીદ કરી હતી. જ્યારે રાજ્ય સરકારે ફેબ્રુઆરીમાં જાહેર કર્યું કે તેનું શૈક્ષણિક સત્ર એપ્રિલથી શરૂ થશે, ત્યારે અરજદાર આરટીઇ પ્રવેશના પ્રારંભમાં પ્રવેશ માટે કોર્ટમાં ગયો હતો.



આ પણ વાંચો - online સચ : 10 વર્ષના રે એ કહ્યું શાક ના વઘારની સ્મેલ આવતા ભણવામાં ધ્યાન નથી રહેતું

સંદીપ મુજ્યસારાએ અગાઉ રાજ્ય સરકાર દ્વારા પ્રવેશ રાઉન્ડ યોજવામાં વિલંબ અંગે સવાલ ઉઠાવતા પીઆઈએલ દાખલ કરી હતી. ગયા વર્ષે હાઈકોર્ટે એમ કહેતાં દિશા નિર્દેશો આપવાનો ઇનકાર કર્યો હતો કે પહેલી ટર્મ સપ્ટેમ્બરમાં સમાપ્ત થવાને કારણે આવી દિશા માટે મોડુ થઈ ગયું હતું. અરજદારે અગાઉની કાર્યવાહી ટાંકીને આગ્રહ કર્યો હતો કે આરટીઈ પ્રવેશ પ્રક્રિયા પણ નવેમ્બર-ડિસેમ્બર મહિનામાં શરૂ થવી જોઈએ, જે રીતે ખાનગી શાળાઓ તેમની પ્રવેશ પ્રક્રિયા શરૂ કરે છે.

કોરોના રોગચાળામાં જાહેર થયેલા લોકડાઉનને કારણે પીઆઈએલની સુનાવણી થઈ શકી નથી. તેમણે એવી દલીલ પણ કરી કે આ વર્ષે આરટીઇ પ્રવેશ પ્રક્રિયા હજી વધુ મહત્વપૂર્ણ છે કારણ કે કોવિડ -19 પરિસ્થિતિને કારણે ઘણા લોકોએ આજીવિકા ગુમાવી છે અથવા તેમની આવકમાં ભારે ઘટાડો થયો છે. રાજ્ય સરકારે મુંજ્યાસરા દ્વારા શરૂ કરાયેલ મુકદ્દમાને ટાંકીને પોતાનો બચાવ કર્યો હતો. આ તરફ વકીલે રજુઆત કરી કે કોઈ પણ મુકદ્દમાની લંબાઈ આવી મહત્વપૂર્ણ પ્રક્રિયામાં વિલંબ માટેનું કારણ બની શકે નહીં. તેમણે દલીલ કરી હતી કે રાજ્ય સરકાર આરટીઇ પ્રવેશ પ્રક્રિયાને એક અથવા બીજા બહાના હેઠળ વિલંબિત કરે છે.

અરજદારે હાઈકોર્ટને કહ્યું હતું કે આ પીઆઈએલમાં તાકીદની સુનાવણી માંગવાનું કારણ રાજ્ય સરકાર દ્વારા નિર્ણય કરવામાં આવ્યો હતો કે ખાનગી શાળાઓને 15 જૂનથી ઓનલાઇન શિક્ષણ પ્રવૃત્તિ શરૂ કરવાની મંજૂરી આપવામાં આવે. ખાનગી શાળાઓમાં શિક્ષણ પ્રવૃત્તિ શરૂ થઈ ચૂકી હોવાથી ગરીબો આરટીઇ કાયદા હેઠળ પ્રવેશ મેળવનારા વિદ્યાર્થીઓને આ વર્ષના અંતે અભ્યાસમાં મુશ્કેલીનો સામનો કરવો પડી શકે છે. આથી તાકીદે પ્રવેશ પ્રક્રિયા શરૂ કરવામાં આવે તે જરૂરી બને છે.
Published by:Ashish Goyal
First published:June 24, 2020, 22:10 pm

ટૉપ ન્યૂઝ