Home /News /madhya-gujarat /કિંજલ દવેને રાહત : ગુજરાત હાઇકોર્ટ 'ચાર ચાર બંગડી' ગીત પરથી સ્ટે હટાવ્યો

કિંજલ દવેને રાહત : ગુજરાત હાઇકોર્ટ 'ચાર ચાર બંગડી' ગીત પરથી સ્ટે હટાવ્યો

કિંજલ દવે (ફાઇલ તસવીર)

'ચાર ચાર બંગડી વાળી ગાડી' અંગે કોમર્શિયલ કોર્ટમાં કાર્યવાહી ચાલુ જ રહશે, કોર્ટે સ્ટે હટાવતા કિંજલ હવે આ ગીત દરેક કાર્યક્રમમાં ગાઈ શકશે.

    સંજય જોશી, અમદાવાદ : ગાયિકા કિંજલ દવેને ગુજરાત હાઇકોર્ટે રાહત આપી છે. કોર્ટે 'ચાર ચાર બંગડી વાળી ગાડી' ગીત મુદ્દે કોમર્શિયલ કોર્ટે મૂકેલી સ્ટે ઉઠાવી લીધો છે. જોકે, કોમર્શિયલ કોર્ટમાં કેસ ચાલુ જ રહેશે. આ પહેલા બુધવારે કોમર્શિયલ કોર્ટે ગીત પરનો સ્ટે લંબાવ્યો હતો, તેમજ બંને પક્ષકારોને ખખડાવ્યા હતા. ગુજરાત હાઇકોર્ટે સ્ટે ઉઠાવી લેતા હવેથી કિંજલ દવે કોઈ પણ સ્ટેજ પ્રોગ્રામ કે જાહેર કાર્યક્રમોમાં આ ગીત ગાઈ શકશે.

    જસ્ટિસ હર્ષા દેવાણી અને જસ્ટિસ એ.પી. ઠાકરની કોર્ટે કિંજલની અરજીને માન્યતા આપી હતી. હાઇકોર્ટે આ કેસમાં અવલોકન કર્યું હતું કે, બીજા પક્ષને સાંભળ્યા વગર જ ગીત પર પ્રતિબંધનો આદેશ કરવામાં આવ્યો છે. કિંજલ વતી હવે કોમર્શિયલ કોર્ટમાં રજુઆત અથવા જવાબ રજૂ કરવામાં આવશે. કોર્ટે સ્ટે હટાવી દેતા હવે કિંજલ દવે ગુજરાતમાં આગામી 24,25 અને 26ના રોજ પ્રોગ્રામમાં આ ગીત ગાઈ શકશે.

    ઓસ્ટ્રેલિયન યુવકે ગીત પોતાનું હોવાનું કર્યો છે દાવો

    આ મામલે ઓસ્ટ્રેલિયાના યુવક કાર્તિક પટેલે ચાર ચાર બંગડી વાળું ગીતની તેના મૂળ ગીત પરથી નકલ કરવામાં આવી હોવાનો દાવો કરવામાં આવ્યો હતો.

    કોર્ટના આદેશ બાદ કિંજલ દવેએ જાહેર કાર્યક્રમોમાં આ ગીત ગાવાનું બંધ કરી દીધું હતું, એટલું જ નહીં યુ-ટ્યુબ પરથી આ ગીતની સામગ્રી હટાવી લેવામાં આવી હતી. જોકે, કિંજલ દવેએ દાવો કર્યો હતો કે આ ગીત તેના તરફથી નહીં પરંતુ સ્ટુડિયોની યુ-ટ્યુબ ચેનલ પરથી અપલોડ કરવામાં આવ્યું છે.



    ઓસ્ટ્રેલિયાના યુવકની દલીલ

    ઓસ્ટ્રેલિયામાં કાઠિયાવાડી કિંગ તરીકે જાણીતા ગુજરાતી યુવકે આ ગીત પર કોમર્શિયલ કોર્ટમાં કોપીરાઈટનો દાવો કર્યો હતો. તેણે કહ્યું છે કે આ ગીત તેણે લખ્યું છે અને ગાયું પણ છે. જેની કિંજલ દવેએ નકલ કરી છે. અરજદારની કંપનીએ કોપીરાઇટ ધારા હેઠળ રજૂઆત કરી છે કે આ ગીત તેણે બનાવી તેનો વીડિયો યુટયૂબ પર વર્ષ 2016માં અપલોડ કર્યો હતો. તેના એક મહિના પછી ગીતમાં થોડા જ ફેરફારો કરી કિંજલ દવે એ આ ગીત ગાયું હતું.
    Published by:Vinod Zankhaliya
    First published:

    Tags: Audi, Char char bangadi, Copyright, Kinjal Dave, કાર, કોર્ટ

    विज्ञापन

    विज्ञापन
    विज्ञापन
    विज्ञापन