અમદાવાદનો વિચિત્ર કિસ્સો : ઇદ માટે યુવકે પાડો ખરીદ્યો, ગુમ થતા શોધવા નીકળ્યો તો લોકોએ કસાઇ સમજીને માર્યો માર

અમદાવાદ: આગામી દિવસોમાં ઇદને લઈને શહેર પોલીસ એક્શનમાં છે અને કોઈ બનાવ ન બને તેની તકેદારી રાખી રહી છે. તેવામાં નારોલમાં એક યુવકને લોકોએ માર માર્યો હોવાની ઘટના સામે આવી છે. આ યુવક ઇદ માટે પાડો લાવ્યો હતો અને તે બહાર નીકળી જતા તેને શોધવા નીકળ્યો ત્યારે એક ચોક્કસ સમાજના લોકોએ કસાઈઓ પાડા કાપવા આવ્યા છે તેમ કહીને માર માર્યો હતો. આ મામલે પોલીસ ફરિયાદ નોંધાતા પોલીસે તપાસ હાથ ધરી છે.

અમદાવાદના દાણીલીમડામાં રહેતો રમેશ શેખ નામનો યુવક ટ્યુશન ક્લાસીસ ચલાવે છે અને સાથે સીએનો કોર્સ કરે છે. આગામી બકરી ઈદના તહેવારને લઈને તેમના પિતા એક નાનો પાડો લાવ્યા હતા. જોકે આ પાડો સવારે છૂટો થઇ જતા ત્યાંથી નીકળી ગયો હતો જેથી તેઓ જીન્દાલ કંપની તરફના રોડ ઉપર પાડો શોધવા નીકળ્યા હતા.

આ દરમિયાન, રાણીપુર પાટીયા પાસેથી ટુ વ્હીલર પર એક ચોક્કસ સમાજના લોકો ત્યાં આવ્યા હતા અને કસાઈઓ પાડો કાપવા લઈ જાય છે તેમ કહી આવેશમાં  આવીને લાકડી અને દંડા વડે માર માર્યો હતો. બાદમાં તેને તાત્કાલિક એલ.જી.હોસ્પિટલમાં ખસેડવામાં આવ્યો હતો.

આ પણ વાંચો-  હવે જાહેરમાં માસ્ક નહીં પહેરો તો 500 રૂપિયા દંડ ભરવો પડશે, 1 ઓગસ્ટથી નિયમ અમલી બનશે

આ પણ જુઓ- 

 

બાદમાં પોલીસને જાણ કરતા નારોલ પોલીસ તાત્કાલિક ઘટનાસ્થળે પહોંચી ભોગ બનનારની ફરિયાદ લીધી હતી. નારોલ પોલીસે આરોપી સતીષ ઉર્ફે બોયો ભરવાડ તથા વિજય ભરવાડ સહિત 12 જેટલા લોકો સામે ગુનો દાખલ કરી તપાસ હાથ ધરી છે.

આ પણ વાંચો-  સુરત : તસ્કરો ત્રીજા માળેથી ક્રેઇનની મદદથી પાંચ લાખની કિંમતના બે ભારે મશીન ચોરી ગયા!

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર