Home /News /madhya-gujarat /

ગુજરાત સરકાર હવે જાગી, રાજ્યમાં ફાયર સેફ્ટી ચેકિંગનો આદેશ

ગુજરાત સરકાર હવે જાગી, રાજ્યમાં ફાયર સેફ્ટી ચેકિંગનો આદેશ

    સુરતની ઘટના બાદ મુખ્યમંત્રીએ મોટા શહેરો, જિલ્લા મથકોના કેન્દ્રોમાં હોસ્પિટલ-શૈક્ષણિક સંસ્થાઓમાં ફાયર સેફ્ટીની સુવિધા અને આપદા પ્રબંધનની અસરકારકતા અંગે ઉચ્ચસ્તરીય ટીમ બનાવી વ્યાપક તપાસ કરવા વહીવટીતંત્રને સૂચના આપી છે. ત્યારબાદ તપાસ ટીમનો અહેવાલ મુખ્ય સચિવને અપાશે. મુખ્ય સચિવ જાતે આ તપાસની દેખરેખ રાખશે.

    મુખ્યમંત્રી વિજયભાઇ રૂપાણીએ સુરતમાં ટ્યુશન ક્લાસમાં લાગેલી આગની દુર્ઘટનાની તલસ્પર્શી માહિતી માટે સુરત પહોંચીને નિરીક્ષણ કર્યુ અને વિગતો મેળવી હતી.મુખ્યમંત્રીએ આ ઘટનાને પગલે રાજ્યના મોટા શહેરો તથા જિલ્લા મથકો સુધીના કેન્દ્રોમાં આવેલી હોસ્પિટલો તેમજ શૈક્ષણિક સંસ્થાઓમાં ફાયર સેફ્ટીની સુવિધાઓ અને આપદા પ્રબંધનના સાધનો વસાવવામાં આવ્યા છે કે કેમ ? તેમજ રાજ્ય સરકારના આદેશોનું પાલન થઇ રહ્યું છે કે કેમ તેની સધન તપાસના આદેશો આપ્યા છે.

    એક ક્લિક કરીને જાણો ધોરણ-12 સામાન્ય પ્રવાહનું પરિણામ

    અહીં ક્લિક કરી વાંચોઃ 'કૂદવા સિવાય કોઇ ઓપ્શન ન હતો' સુરત આગમાં બચી ગયેલો વિદ્યાર્થી

    મુખ્યમંત્રીએ આ તમામ સ્થળોની ફાયર સેફ્ટી, આપદા પ્રબંધન અને ભવિષ્યમાં કોઇ દુર્ઘટના ન સર્જાય તે માટેની વ્યવસ્થાઓ વ્યાપક પણે ચકાસવા ફાયર નિષ્ણાંતો, માર્ગ-મકાનના કાર્યપાલક ઇજનેર, મ્યુનિસિપાલિટી અને મહાનગર પાલિકાના સંબંધિત અધિકારીઓની ટીમ તાકીદે તપાસ હાથ ધરીને રાજ્યના મુખ્ય સચિવને અહેવાલ આપશે તેમજ મુખ્ય સચિવ જાતે આ વ્યાપક તપાસની દેખરેખ રાખશે તેવી સુચનાઓ પણ આપી છે.

    અહીં ક્લિક કરી વાંચોઃ 20 માતાઓનો ખોળો થયો સૂનો, લાડકવાયાને મોકલ્યો હતો ભણવા, આવ્યો મૃતદેહ

    મુખ્યમંત્રીએ જણાવ્યું કે, સુરતની આ આગની દુર્ઘટનાને રાજ્ય સરકારે ગંભીરતાથી લીધી છે અને આ ઘટનામાં જવાબદાર પરિબળો અને કારણોના મૂળ સુધી પહોંચવા ફોરેન્સીક સાયન્સ એક્સપર્ટની મદદ લેવા માટેના પણ આદેશો કર્યા છે.
    Published by:Sanjay Vaghela
    First published:

    Tags: Fire Accident, Fire safety, Government ordered, Surat Fire tuition classes

    विज्ञापन

    विज्ञापन

    આગામી સમાચાર

    विज्ञापन
    विज्ञापन