Home /News /madhya-gujarat /મતદાર યાદીમાં તમારુ નામ છે ? જો ના હોય તો આ બે દિવસમાં નોંધાવી લ્યો

મતદાર યાદીમાં તમારુ નામ છે ? જો ના હોય તો આ બે દિવસમાં નોંધાવી લ્યો

આગામી લોકસભા સામાન્ય ચુંટણી-૨૦૧૯ને ધ્યાને લેતાં લાયકાત ધરાવનાર નાગરિક મતદાનના અધિકારથી વંચિત ન રહી જાય

આગામી લોકસભા સામાન્ય ચુંટણી-૨૦૧૯ને ધ્યાને લેતાં લાયકાત ધરાવનાર નાગરિક મતદાનના અધિકારથી વંચિત ન રહી જાય

    અમદાવાદ: તારીખ ૧લી જાન્યુઆરી-૨૦૧૯ની લાયકાતની તારીખના સંદર્ભમાં મતદારયાદીની આખરી પ્રસિધ્ધિ તા.૩૧/૧/૨૦૧૯ના કરવામાં આવી છે. આ આખરી પ્રસિધ્ધ થયેલી મતદારયાદી પરથી મતદારની અધતન વિગતો ચકાસી શકાય છે. જો લાયકાત ધરાવનાર કોઇ નાગરિકનું મતદારયાદીમાં નામ દાખલ કરવાનું બાકી હોય તો હજુ  પણ સતત સુધારણા કાર્યક્રમ હેઠળ નિયત નમૂના ફોર્મ નં.૬ ભરીને રજુ કરી શકાશે.

    આગામી લોકસભા સામાન્ય ચુંટણી-૨૦૧૯ને ધ્યાને લેતાં લાયકાત ધરાવનાર નાગરિક મતદાનના અધિકારથી વંચિત ન રહી જાય. તે હેતુથી મતદારયાદીમાં નામ નોંધણી કરાવવા બાકી રહી ગયેલા લાયકાત ધરાવતા નાગરિકોની મતદાર તરીકે નોંધણી કરાવવા માટે ભારતના ચુંટણી પંચ દ્વારા ખાસ ઝુંબેશ કેમ્પનું આયોજન કરાયું છે.



    ખાસ ઝુંબેશ અંતર્ગત આગામી તા.૨૩ અને ૨૪મી ફેબ્રુઆરી-૨૦૧૯ના સવારે ૧૦ થી સાંજે ૫ વાગ્યા દરમ્યાન બંને દિવસોએ રાજયની તમામ વિધાનસભા મતવિભાગોમાં પ્રત્યેક મતદાન મથક ખાતે બુથ લેવલ ઓફિસર ઉપસ્થિત રહેશે. જયાં મતદારયાદીની વિગતો ચકાસી શકાશે. તેમજ મતદારયાદીમાં મતદાર તરીકે નોંધણી કરાવવા માટે  ફોર્મ ભરીને સ્થળ પર રજુ કરી શકાશે. ઉપરાંત મતદારયાદીમાં રહેલા મતદારો પૈકી લાગુ કિસ્સામાં નામ કમી માટે, ફોટો, વિગતો સુધારવા માટે, સ્થળ ફેરફાર માટે ફોર્મ ભરીને રજુ કરી શકાશે. નિયત નમૂનાના કોરા ફોર્મ મતદાન મથક ખાતે ઉપસ્થિત બુથ લેવલ ઓફિસર પાસે ઉપલબ્ધ રહેશે.

    મતદાર ફોટો ઓળખકાર્ડ (એપિક) એ ફકત ઓળખ દસ્તાવેજ છે. ચુંટણી સમયે મતદાન કરવા માટે પ્રવર્તમાન મતદારયાદીમાં મતદાર તરીકે નામ દાખલ થયેલ હોવું ફરજિયાત છે. જેથી મતદારયાદીમાં નામ દાખલ થયેલ હોવા અંગે ચકાસણી કરી લેવા અને જો મતદારયાદીમાં નામ ન હોય તો લાયકાત ધરાવનાર નાગરિકે જરૂરી પુરાવા  દસ્તાવેજો સાથે ફોર્મ નં.૬ ભરીને રજુ કરવા જણાવવામાં આવ્યુ છે.
    Published by:Margi Pandya
    First published:

    Tags: 2019 election, Lok sabha election 2019

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन