આજે ડૉ. જીવરાજ મહેતાનો આત્મા કકળી ઉઠશે : આ તો હોસ્પિટલ કે 'ટાર્ગેટ એચિવ' કરવાનું સ્થળ !

News18 Gujarati
Updated: December 7, 2018, 3:15 PM IST
આજે ડૉ. જીવરાજ મહેતાનો આત્મા કકળી ઉઠશે : આ તો હોસ્પિટલ કે 'ટાર્ગેટ એચિવ' કરવાનું સ્થળ !
તમે પેનલ ડોક્ટર્સ તરીકે તમને આપેલા હક્કોનો પૂરતો ઉપયોગ કરતા નથી અને વધારે સંખ્યામાં દર્દીઓને એડમિટ કરતા નથી

તમે પેનલ ડોક્ટર્સ તરીકે તમને આપેલા હક્કોનો પૂરતો ઉપયોગ કરતા નથી અને વધારે સંખ્યામાં દર્દીઓને એડમિટ કરતા નથી

  • Share this:
ન્યૂઝ18 ગુજરાતી :

ચોંકશો નહિ. તમે જે વાંચી રહ્યા છો, તે સાચું જ છે ! શહેરના જીવરાજ પાર્ક વિસ્તારમાં આવેલી "ડૉ. જીવરાજ મહેતા સ્મારક હેલ્થ ફાઉન્ડેશન' સંચાલિત હોસ્પિટલના માનદ નિયામકે તાજેતરમાં આ હોસ્પિટલમાં આવતા પેનલ ડોક્ટર્સ માટે એક વિચિત્ર ફતવો જારી કર્યો।

આ ફતવો જાણે ડોક્ટર્સ કોઈ કોર્પોરેટ કંપનીના મુલાજિમ હોય તેવા સુરનો છે. આ હોસ્પિટલના માનદ નિયામક ડૉ. રમેશ પંચાલે પેનલ ડોક્ટર્સને જારી કરેલા આ પત્રનો મતલબ સીધો એવો જ છે કે, " તમારા ડેટાને તપાસતા માલુમ પડે છે કે તમે પેનલ ડોક્ટર્સ તરીકે તમને આપેલા હક્કોનો પૂરતો ઉપયોગ કરતા નથી અને વધારે સંખ્યામાં દર્દીઓને એડમિટ કરતા નથી ! યાદ રહે, દર્દીઓના ઇન્ડોર એડમિશનના મામલે અમે ત્રૈમાસિક સમીક્ષા કરી રહ્યા છીએ અને જો તેમાં ઉચિત સુધારો નહિ જણાય તો મેનેજમેન્ટને તમને 'ટર્મિનેટ' કરવાનો પૂરતો અધિકાર છે."



ભાઈ, જબરું કહેવાય આ તો? આ પ્રકારના ફતવા શું રતુભાઇ અદાણી અને ડૉ. જીવરાજ મહેતાના સ્વપ્નોને સાકારિત કરશે? આ પત્ર એ બાબતનો સૂચક છે કે, પેનલ ડોક્ટરોએ દર્દીઓને દાખલ કરવાની સંખ્યા વધારવી, ભલે પછી તેની જરૂરત ન પણ હોય ? આ તો હોસ્પિટલ કે કોઈ ઉત્પાદન બનાવતું કારખાનું?

હા, કંપનીના મુખ્ય કારોબારી અધિકારી તેમના ઉત્પાદ- લક્ષ્યાંકો વધારવા કે તેને પહોંચી વળવા  તેની પ્રોડક્ટ, સપ્લાય, સેલ્સ, ડિસ્ટ્રીબ્યુશન ટીમને ટાર્ગેટ આપે તે સમજી શકાય અને તેમ કરવામાં નિષ્ફળ નીવડે તો તેને તગેડી પણ મુકાય !પરંતુ ડૉ.પંચાલ સાહેબ આ તો હોસ્પિટલ છે અને તમે સમાજના ગરીબ-નબળા વર્ગોને સારી, સસ્તી અને સુવિધાયુક્ત આરોગ્ય-વિષયક સેવાઓ મળે તે ઉદેશથી કાર્યરત છો. તબીબી-આરોગ્ય વિષયક સેવાઓનું મોટા પાયે ખાનગીકરણ થઇ ચૂક્યું છે અને સુપર-મલ્ટી સ્પેશિયાલિટી ખાનગી હોસ્પીટલોનો રાફડો ફાટ્યો છે; તેવા સંજોગોમાં આ પ્રકારની હોસ્પિટલની જવાબદારી તો અનેકગણી વધી જાય છે, તેવું તમને નથી લાગતું ?

આ ડોક્ટરો જો તમારા દબાણને વશ કે ટાર્ગેટ પુરા કરવા દર્દીઓને બેફામ થઈને દાખલ કરવા લાગશે તો બિચારો સામાન્ય માણસ જશે ક્યાં ?

આ મામલે હોસ્પિટલનું સત્તાવાર નિવેદન જાણવા માટે ડૉ. પંચાલની પ્રતિક્રિયા જાણવા માટે News18Gujarati.com' દ્વારા  'Director@jivrajhealthcare.org ' પર ઈ-મેલ કરવામાં આવ્યો છે, જો કે આ લખાઈ છે ત્યાં સુધી તેમનો કોઈ પ્રતિભાવ પ્રાપ્ત થયો નથી.

પંચાલ સાહેબ, અમદાવાદ શહેરમાં વસતા ઘણા પ્રતિષ્ઠાવંત લોકો આ હોસ્પિટલના ટ્રસ્ટી છે, શું તેમને આ ખબર છે ? શું આ લોકોએ ગરીબ દર્દીઓ માટે આપેલા દાનની રકમ ખૂટી પડી ?

વિચારજો, ક્યાંક થોડા લક્ષ્યાંકો હાંસલ કરવામાં સામાન્ય પ્રજાજનોનું અહિત ન થઇ જાય !
Published by: sanjay kachot
First published: December 7, 2018, 3:15 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading