Home /News /madhya-gujarat /

અમદાવાદ બનશે વધુ સુંદર, સિટી બ્યુટીફિકેશન માટે અમદાવાદ શહેરના વધુ ચાર તળાવ AMCને સોંપવાનો નિર્ણય

અમદાવાદ બનશે વધુ સુંદર, સિટી બ્યુટીફિકેશન માટે અમદાવાદ શહેરના વધુ ચાર તળાવ AMCને સોંપવાનો નિર્ણય

મુખ્યપ્રધાન વિજય રૂપાણીએ અમદાવાદ શહેરમાં રાજ્ય સરકાર હસ્તકના વધુ ચાર તળાવનો વિકાસ કરવા માટે આ તળાવો અમદાવાદ મ્યુનિસિપલ કોર્પોરેશનને વિનામૂલ્યે સોંપવાનો નિર્ણય કર્યો

મુખ્યપ્રધાન વિજય રૂપાણીએ અમદાવાદ શહેરમાં રાજ્ય સરકાર હસ્તકના વધુ ચાર તળાવનો વિકાસ કરવા માટે આ તળાવો અમદાવાદ મ્યુનિસિપલ કોર્પોરેશનને વિનામૂલ્યે સોંપવાનો નિર્ણય કર્યો

    ગાંધીનગર : મુખ્યપ્રધાન વિજય રૂપાણીએ અમદાવાદ શહેરમાં રાજ્ય સરકાર હસ્તકના વધુ ચાર તળાવનો વિકાસ કરવા માટે આ તળાવો અમદાવાદ મ્યુનિસિપલ કોર્પોરેશનને વિનામૂલ્યે સોંપવાનો નિર્ણય કર્યો છે. તેમાં અમદાવાદના ઘાટલોડીયા તાલુકાના ચેનપુરના સર્વે નં. ૧૩૪ની ટી.પી. ૬૬, એફ.પી. ૨૦૮, ૨૧૩, ૨૨૩, ૨૨૪ પર આવેલ ૧૪,૬૯૪ ચો.મી. ક્ષેત્રફળનું ગામ તળાવ, અસારવાના મુઠીયા ગામના બ્લોક નં. ૦૧માં આવેલ ૪૧,૨૭૮ ચો.મી.નું તળાવ, અસારવાના નરોડાના સર્વે નં. ૪૯૩/અ ટી.પી. ૧, એફ.પી. ૪પ૯ માં આવેલ ૧,૩૧,૦૮૭ ચો.મી.નું ગામ તળાવ અને વટવાના વિંઝોલ ખાતે સર્વે નં.૩૬૩ ટી.પી. ૯૦, એફ.પી. ૮માં આવેલ ૮૧,૨૪૧ ચો.મી.નું તળાવના વિકાસ માટે અમદાવાદ મહાપાલિકાને ફાળવવા સૂચના આપી છે.

    મહાનગરપાલિકા સિટી બ્યૂટીફિકેશન અંતર્ગત આ તળાવોને કાયમી ધોરણે હરવા-ફરવા તેમજ પ્રવાસન-પિકનીકના પર્યાવરણપ્રિય સ્પોટ તરીકે સુંદરતાથી વિકસાવશે મુખ્યમંત્રી રુપાણી એ મહાનગરોમાં રિયુઝ ઓફ ટ્રીટેડ વોટરનો અભિગમ અપનાવવા આહ્વાન કરેલું છે. આ તળાવોમાં આવું રિસાયકલ્ડ વોટર ભરીને મહાપાલિકા આ તળાવોનો વપરાશ કરશે. એટલું જ નહીં અમદાવાદ મહાનગરનું સ્યુએજ વોટર-વપરાયેલું ગંદુ પાણી એસ.ટી.પી દ્વારા શુદ્ધ કરીને આ તળાવોમાં નાખવામાં આવતાં આ તળાવો બારેય માસ ભરેલા રહેશે તેમજ આસપાસના વિસ્તારોના ભૂગર્ભ જળસ્તર પણ ઊંચા આવશે.

    આ પણ વાંચો - ગાંધીનગર : માહિતી નિયામક કચેરીની વિવિધ સંવર્ગની ભરતી માટેની પ્રિલિમિનરી પરીક્ષાની તારીખો જાહેર

    મુખ્યમંત્રી એ આ અગાઉ માર્ચ-2020માં 4 તળાવો, જૂન અને જુલાઇ મહિનામાં 1-1તળાવ અને ઓગસ્ટમાં પાંચ એમ કુલ 11 તળાવો અત્યાર સુધીમાં અમદાવાદ મહાનગરપાલિકાને સિટી બ્યુટીફિકેશન માટે વિનામૂલ્યે સોંપેલા છે/ હવે આ વધુ ૦૪ તળાવો પણ અમદાવાદ મહાનગર પાલિકાને સોંપવાના નિર્ણય સાથે કુલ ૧૫ તળાવોના બ્યૂટિફિકેશન અને વિકાસથી અમદાવાદ શહેરની સુંદરતામાં ચાર ચાંદ લાગશે.

    રાજ્ય સરકારે અગાઉ જે ૧૧ તળાવો અમદાવાદ મહાપાલિકાને સિટી બ્યૂટીફિકેશન માટે સોંપેલા છે. તેમાં વેજલપુર તાલુકાના સર્વે નં. ૭૮૩ પરનું ૩૨૦૭૨ ચો.મી. ક્ષેત્રફળનું તળાવ, વટવાના સર્વે નંબર ૯૦૭ પરનું વાંદરવટ તળાવ, છારોડીના સર્વે નંબર ૨૫૧ પરનું સરકારી તળાવ, ગોતામાં સર્વે નંબર ૧ પરનું ગામ તળાવ, શીલજમાં બ્લોક નં.૮૬ પરનું સરકારી તળાવ, ઘાટલોડીયા તાલુકાના સોલાના સર્વે નં. ૧ માં આવેલા ૩૭૧૯૪ ચો.મી. ક્ષેત્રફળના ગામ તળાવ, અમદાવાદના ઘાટલોડીયા તાલુકાના આંબલીના સર્વે નં.૦૪ ટી.પી. પર, એફ.પી. ૬ માં આવેલ ૨૧૨૬૫ ચો.મી. ક્ષેત્રફળનું ગામ તળાવ, ઓગણજના સર્વે નં.૦૮, ટી.પી. રર૮, એફ.પી.૮ માં આવેલ ૫૫૩૯૧ ચો.મી.નું ગામ તળાવ, ઓગણજ સર્વે નં. ૭ર૦, ટી.પી. રર૧, એફ.પી. ૧પ માં આવેલ ૨૨૯૬૬ ચો.મી.નું ગામ તળાવ, સોલા સર્વે નં.૮૩૦ ટી.પી. રર૧, એફ.પી. ૯૩૮માં આવેલ ૧પ૭૮૩ ચો.મી.નું ગામ તળાવ અને હેબતપુર બ્લોક નં.૧૧ ટી.પી. ર૧૭, એફ.પી. ૧૧માં આવેલ ૩૪૭૦ર ચો.મી.નું ગામ તળાવનો સમાવેશ થાય છે.
    Published by:Ashish Goyal
    First published:

    Tags: Ahmedaba, Ahmedabad city, Ahmedabad lakes, એએમસી`

    विज्ञापन

    विज्ञापन

    આગામી સમાચાર

    विज्ञापन
    विज्ञापन