અમદાવાદઃ કોરોનાનું ગ્રહણ (corona effect) રક્ષાબંધન (Rakshabandhan) પર જોવા મળી રહી છે. કારણે બહેનો ગમે ત્યાં હોય રક્ષાબંધનના દિવસે પોતાના ભાઈને રાખડી (Rakhi) બાંધવા રૂબરૂ જાય છે .પરંતુ ચાલુ વર્ષે કોરોનાની મહામારીના (corona pandemic) કારણે બહેનો રાખડી બાંધવા માટે રૂબરૂ જઈ શકે તેમ નથી. તેમજ કોરોનાથી બચવા માટે સોશિયલ ડિસ્ટેન્સિંગ (Social distancing) રાખવા પણ જરૂરી છે.ત્યારે ઘણી બહેનો આ વર્ષે ભાઈને તેમના ઘરે જઈ રાખડી બાંધવાના બદલે પોસ્ટ દ્વારા રાખડી મોકલી આપી છે. જેના કારણે પોસ્ટ દ્વારા રાખડી મોકલનારાઓની સંખ્યામાં ગત વર્ષની સરખામણીમાં 25થી 30 ટકા જેટલો વધારો થયો છે.
અમદાવાદ શહેરની (Ahmedabad) મુખ્ય પોસ્ટ ઓફિસોમાં (Post Office) દરરોજ સરેરાશ 800થી 1000 લોકો સાદી તેમજ સ્પીડ પોસ્ટ (Speed post) દ્વારા રાખડી મોકલી રહ્યા છે. જ્યારે ગત વર્ષે આ સંખ્યા 500થી 700 લોકોની હતી. અમદાવાદ નજીકના જિલ્લાઓમાં પણ અનેક બહેનોએ રાખડી પોસ્ટ દ્વારા મોકલાવી છે. તેમાં પણ પોસ્ટ વિભાગે કવર પર 5 રૂપિયાથી લઈ 41 રૂપિયા સુધીની ટિકિટ લગાડી ગુજરાત સહિત દેશભરમાં સાદી તેમજ સ્પીડ પોસ્ટ દ્વારા રાખડીઓ મોકલવાની વ્યવસ્થા કરી છે.
સોમવારે રક્ષાબંધન પહેલા પોસ્ટ કરાયેલી રાખડીઓ ભાઈઓ સુધી પહોંચી જાય તે માટે પોસ્ટ વિભાગ દ્વારા રવિવારે પણ પોસ્ટ ઓફિસો ચાલૂ રાખવાની જાહેરાત કરી છે. જેમાં સવારથી જ તમામ મુખ્ય પોસ્ટ ઓફિસોમાં આવેલી રાખડીઓની ડિલિવરી કરવામાં આવશે.
