સ્વેટર, મફલર અને હાથ મોજા સાથે તૈયાર રહો, નલિયામાં લઘુતમ તાપમાન 5 ડીગ્રી નોંધાયું

અમદાવાદ: રાજ્યમાં માવઠા (Unseasonal rain) બાદ હવે ધીમે ધીમે ઠંડી (Cold)નું જોર વધી રહ્યું છે. સાથે જ હવામાન વિભાગે આગાહી કરી છે કે સૌરાષ્ટ્રના રાજકોટ અને કચ્છના નલિયામાં કોલ્ડ વેવ (Naliya cold wave) રહેશે. આ દરમિયાન કચ્છમાં ઠંડા પવન ફૂંકાવાની શરૂઆત સાથે નલિયામાં હાડ થીજવતી ઠંડી પડી રહી છે. નલિયાનું લઘુતમ તાપમાન (Naliya minimum temperature) ઘટીને 5 ડીગ્રી નોંધાયું છે. એટલે કે બે દિવસમાં નલિયાનું તાપમાન પાંચ ડીગ્રી સુધી ઘટી ગયું છે. જોકે, અન્ય શહેરોનું તાપમાન યથાવત નોંધાયું છે.

રાજ્યમાં અન્ય શહેરના લઘુતમ તાપમાન જોઈએ તો સામાન્ય તાપમાન કરતા ઊંચું નોંધાયું છે. અમદાવાદ શહેરનું લઘુતમ તાપમાન 17.1 ડીગ્રી, વડોદરાનું લઘુતમ તાપમાન 17.6 ડીગ્રી, સુરતનું લઘુતમ તાપમાન 18.8 ડીગ્રી, રાજકોટનું લઘુતમ તાપમાન 13.2 ડીગ્રી, ભુજનું લઘુતમ તાપમાન 11.9 ડીગ્રી, નલિયાનું લઘુતમ તાપમાન 5 ડીગ્રી, ગાંધીનગરનું લઘુતમ તાપમાન 16.5 ડીગ્રી નોંધાયું છે.

આ પણ વાંચો: 

• અમદાવાદ: 'મારા પતિ મને અવારનવાર સ્વેપિંગ (પત્નીની અદલા બદલી) માટે દબાણ કરે છે'


• રાજકોટ: પરિણીતાએ જણાવી આપવીતી, લગ્નની પ્રથમ રાત્રિએ જ થયો કડવો અનુભવ


• મોરબીના યુવાનો લલના સાથે રાત વિતાવવાના ચક્કરમાં એવા તે ફસાયા કે લેવી પડી પોલીસની મદદ

નલિયામાં હાલ હાડ થીજવી દેતી ઠંડી પડી રહી છે. બીજી તરફ અન્ય શહેરોમાં બપોર થતા ગરમીનો અહેસાસ થઈ રહ્યો છે. જોકે, હવામાન વિભાગનું અનુમાન છે કે હવે ધીમે ધીમે ઠંડીનું પ્રમાણ વધશે.

સામાન્ય રીતે ડિસેમ્બરની શરૂઆત સાથે જ ઠંડી શરૂ થઈ જતી હોય છે. પંરતુ આ વર્ષે વાવાઝોડા તેમજ વેસ્ટર્ન ડિસ્ટર્બન્સ અને સાઇક્લોનિક સર્ક્યુલેશનના કારણે વાતાવરણમાં પલટો આવ્યો હતો અને કમોસમી વરસાદ થયો હતો. આ કારણે વિવિધ શહેરોમાં તાપમાન ઊંચું નોંધાયું હતું. જોકે, હવે પવનની દિશા બદલાતા ઠંડીનું જોર વધશે. રાજ્યમાં ડિસેમ્બર અંત સુધીમાં કાતિલ ઠંડીનો અનુભવ પણ થશે.

કમોસમી વરસાદ: 

ઉલ્લેખનીય છે કે હવામાન વિભાગ તરફથી 10 અને 12 ડિસેમ્બર સુધી રાજ્યમાં કમોસમી વરસાદની આગાહી કરવામાં આવી હતી. જેના અનુસંધાને રાજ્યના અનેક વિસ્તારોમાં કમોસમી વરસાદ પડ્યો હતો. જે તે સમયે હવામાન વિભાગ તરફથી આગાહી કરવામાં આવી હતી કે વરસાદ બાદ ગુજરાતમાં ઠંડીનો ચમકારો જોવા મળશે. જે અનુસંધાને હાલ ગુલાબી ઠંડીનો અનુભવ થઈ રહ્યો છે. આગામી દિવસોમાં ઠંડીનું જોર વધશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: COLD, NALIYA, Weather department, Winter 2020, ગુજરાત