Home /News /madhya-gujarat /

Gujarat Politics Analysis : નેતૃત્વ બદલવા પાછળ શું છે BJPની વ્યૂહરચના? ભુપેન્દ્ર પટેલનું ભવિષ્ય શું હશે?

Gujarat Politics Analysis : નેતૃત્વ બદલવા પાછળ શું છે BJPની વ્યૂહરચના? ભુપેન્દ્ર પટેલનું ભવિષ્ય શું હશે?

ભૂપેન્દ્ર પટેલનું ભવિષ્ય કેવું હશે?

ભૂપેન્દ્ર પટેલ (Bhupendra Patel) ભાજપના વરિષ્ઠ નેતા અને વડાપ્રધાન નરેન્દ્ર મોદીના વફાદાર આનંદીબેન પટેલ (Anandiben Patel)ની ખૂબ નજીક છે અને તેમના મતવિસ્તાર ઘાટલોડિયાના ધારાસભ્ય (Ghatlodia MLA) છે.

    અભિજીત મજુમદાર : ગુજરાતમાં ભાજપ(Gujarat BJP)ની ધારાસભ્ય દળની બેઠક (MLA Meet) બાદ નવા મુખ્યમંત્રીની જાહેરાત કરવામાં આવી છે. અપેક્ષા એવી જ હતી કે, બીજેપી એવા નામ પર મહોર લગાવી દેશે જેની દૂર દૂર સુધી ચર્ચા થતી નથી, આવું જ કંઈક થયું આજે. CM પદના દાવાથી ક્યાંય દૂર કડવા પાટીદાર નેતા ભૂપેન્દ્ર પટેલ (Bhupendra Patel)ને આગામી વિધાનસભા ચૂંટણી (gujarat assembly election 2022) સુધી જવાબદારી સોંપવામાં આવી છે. ભૂપેન્દ્ર પટેલ વહીવટી કાર્ય અને શાંત સ્વભાવના વ્યક્તિ તેમજ હિન્દુવાદી નેતા માટે જાણીતા છે.

    છેલ્લા પાંચ -છ વર્ષમાં ગુજરાતમાં કડવા પાટીદાર (Gujarat Kadva Patidar)ની પક્ષની ભૂમિકા વધી છે. કડવા પાટીદાર (Patidar) સમુદાય રાજ્યની ચળવળોમાં ખૂબ સક્રિય રહ્યો છે. ભૂપેન્દ્ર પટેલ ભાજપના વરિષ્ઠ નેતા અને વડાપ્રધાન નરેન્દ્ર મોદીના વફાદાર આનંદીબેન પટેલ (Anandiben Patel)ની ખૂબ નજીક છે અને તેમના મતવિસ્તાર ઘાટલોડિયાના ધારાસભ્ય (Ghatlodia MLA) છે. આગામી ચૂંટણીમાં સુરત અને અમદાવાદમાં પક્ષને જીત અપાવવાની મહત્વની જવાબદારી હવે ભૂપેન્દ્ર પટેલ પર રહેશે, કારણ કે આ બંને સ્થળોએ છેલ્લી વિધાનસભાની ચૂંટણીમાં ભાજપને હારનો સામનો કરવો પડ્યો હતો. ભૂપેન્દ્ર પટેલ હવે ભારતના અગ્રણી રાજ્ય અને પરંપરાગત હિન્દુત્વ પ્રયોગશાળાની જવાબદારી છે.

    જે પાર્ટીએ પાંચ મુખ્યમંત્રી બદલ્યા છે

    ભૂપેન્દ્ર પટેલ ભાજપના એવા યુગમાં સત્તા પર આવ્યા છે કે, જેમાં કોઈ પણ રાજ્યના પ્રમુખ સત્તાને હળવાશથી લઈ શકતા નથી. પટેલ પૂર્વ મુખ્યમંત્રી વિજય રૂપાણી પાસેથી રાજીનામું લીધુ તે પહેલા ભાજપે છેલ્લા છ મહિનામાં પાંચ મુખ્યમંત્રી બદલ્યા છે. તેની શરૂઆત આસામથી થઈ હતી, જ્યાં વિધાનસભાની ચૂંટણીમાં ભારે જીત નોંધાવી હોવા છતાં, તત્કાલીન સીએમ સર્બાનંદ સોનોવાલની જગ્યાએ હિમંત બિસ્વા સરમાને મુખ્યમંત્રી બનાવવામાં આવ્યા હતા. આ પછી ઉત્તરાખંડમાં બે ફેરફારો થયા જેમાં પહેલા તીરથસિંહ રાવત દ્વારા ત્રિવેન્દ્ર સિંહ રાવતને બદલવામાં આવ્યા અને પછી તેમના સ્થાને પુષ્કર સિંહ ધામીને મુખ્યમંત્રી બનાવવામાં આવ્યા. આ પછી, કર્ણાટકમાં બીએસ યેદિયુરપ્પાને હટાવ્યા બાદ, તેમના નજીકના સહયોગી બસવરાજ બોમ્માઈને રાજ્યની કમાન સોંપવામાં આવી.

    ભાજપ માટે આટલી ઝડપી ગતિએ મુખ્યમંત્રી બદલવું સામાન્ય વાત નથી. પાર્ટીના ઘણા મુખ્યમંત્રીઓએ 10-15 વર્ષ સુધી રાજ્યની સેવા કરી, જેમાં શિવરાજ સિંહ ચૌહાણ, રમણ સિંહ, યેદિયુરપ્પા અને ખુદ પીએમ નરેન્દ્ર મોદીનો સમાવેશ થાય છે. અગાઉ સંઘ પરિવારમાં રોટેશનલ સીએમ માટે મશ્કરી ઉડાવવામાં આવતી હતી. જ્યારે ઉમા ભારતીની જગ્યાએ શિવરાજસિંહ ચૌહાણ આવ્યા ત્યારે ઘણી નારાજગી વ્યક્ત કરવામાં આવી હતી.

    આ પણ વાંચોઅમદાવાદ : ભુપેન્દ્રભાઈ પટેલના ઘરે 'લાપ્સી'ના આંધણ મુકાયા, જુઓ પરિવાર અને ઘરે કેવો છે માહોલ

    ભાજપ દ્વારા રાજ્યના નેતૃત્વમાં અવારનવાર ફેરફારો કરવા અંગે ઘણી દલીલો થઈ શકે છે, પરંતુ સંદેશ સ્પષ્ટ છે કે, અહીં કોઈની પણ સીટ પાક્કી નથી. કેન્દ્ર તરફથી રાજ્યના નેતાઓ માટે આ એક નાનો સંદેશ છે કે, જો અમે તેમને બનાવી શકીએ છીએ, તો અમે તમને તોડી પણ શકીએ. હવે ભાજપે એવા લોકોની યાદી બનાવવાનું શરૂ કર્યું છે, જે ભવિષ્યમાં ઉચ્ચ પ્રદર્શન કરી શકે. યોગી આદિત્યનાથ, હિમંત બિસ્વા શર્મા, શુભેન્દુ અધિકારી એવા કેટલાક લોકો છે જે ભવિષ્યમાં જવાબદારી સંભાળી શકે છે. હવે માત્ર ભવિષ્ય જ કહેશે કે, શું 59 વર્ષીય પટેલ રાજ્યમાં ક્યાં સુધી સત્તા પર રહે છે અને શું તેઓ ભાજપની ફ્યુચર સ્ટાર્સ ક્લબમાં જોડાઈ શકે છે કે નહીં.
    Published by:kiran mehta
    First published:

    Tags: Bhupendra Patel, Cm vijay rupani resign

    આગામી સમાચાર